អន្តរជាតិ
ហ្វីលីពីន៖ យ៉ាងហោច៣៣នាក់ស្លាប់ក្រោយកប៉ាល់ដឹកមនុស្ស១៧៣នាក់លិច
× មនុស្សយ៉ាងហោច៣៣នាក់ស្លាប់ ដោយសារករណីលិចកប៉ាល់មួយដែលដឹកអ្នកដំណើរ១៧៣នាក់នៅក្បែរក្រុង Ormoc ប្រទេសហ្វីលីពីននៅថ្ងៃព្រហស្បតិ៍នេះ។ នេះបើយោងតាមសារព័ត៌មាន The Strait Times។
អាជ្ញាធរក្នុងតំបន់ បានបញ្ជាក់់ថា កប៉ាល់ដឹកមនុស្ស ១៧៣នាក់មួយគ្រឿងបានលិចនៅក្នុងសមុទ្រក្បែរទីក្រុង Ormoc ប្រទេសហ្វីលីពីន នៅនៅព្រហស្បតិ៍នេះ។ ក្រុមជួយសង្គ្រោះកំពុងដុតដៃដុតជើងតាមសង្គ្រោះអ្នកដំណើរនៅក្នុងកប៉ាល់ ខណៈពេលដែលរបាយការណ៍បឋបបានបង្ហាញថា យ៉ាងហោចមនុស្ស៣៣នាក់បានស្លាប់បាត់បង់ជីវិតរួចហើយ។ កប៉ាល់ដែលលិចនេះ បានធ្វើដំណើរពីទីក្រុង Ormoc ទៅកាន់កោះCamotes ប៉ុន្តែសំណាងអាក្រក់ បែរជាលិចដូច្នេះទៅវិញ។ បើតាមអ្នកនៅក្បែរទីតាំងកប៉ាល់លិច កប៉ាល់នេះបានលិច ក្រោយពេលចាកចេញពីកំពង់ផែតែបន្តិចប៉ុណ្ណោះ ប៉ុន្តែគេមិនដឹងថា ករណីលិចនេះ បណ្តាលមកពីបញ្ហាអ្វីឲ្យប្រាកដនោះឡើយ៕ © រក្សាសិទ្ធិដោយ thmeythmey.com