គ្រូភ្នំពេញក្រោន និងបឹងកេតសុទ្ធតែអះអាងថា លទ្ធផលអាចទទួលយកបាន

កីឡាជាតិ

ជាតិ

គ្រូភ្នំពេញក្រោន និងបឹងកេតសុទ្ធតែអះអាងថា លទ្ធផលអាចទទួលយកបាន

03, Jul 2015 , 11:35 am

រូបភាព

ដោយ:

សប្ដាហ៍ដំបូងក្នុងពានរង្វាន់លីកបាល់ទាត់កម្ពុជា មិត្តហ្វូនខេមបូឌានលីក២០១៥ បានបញ្ចប់ទៅហើយត្រឹមម្សិលមិញ ស្របពេលក្រុមជើងឯកឆ្នាំចាស់ និងជាម្ចាស់ផ្ទះ គឺក្រុមភ្នំពេញក្រោន បានប្រកួតស្មើជាមួយក្រុមជើងឯករងឆ្នាំចាស់ បឹងកេតអង្គរ ដោយលទ្ធផលសូន្យស្មើ ពោលគឺបានម្នាក់១ ពិន្ទុ។

ចប់ការប្រកួតលោក Sam Schweingruber គ្រូបង្វឹករបស់ក្លិបភ្នំពេញក្រោន បានប្រាប់អ្នកកាសែតថា៖ «កីឡាករយើងលេងស៊ីចង្វាក់គ្នាដែរ តែស្ដាយមិនអាចរកគ្រាប់បាល់បាន។ ប៉ុន្ដែលទ្ធផលនេះយើងអាចទទួលយកបាន»។ លោកគ្រូបង្វឹកជនជាតិស្វីស រូបនេះបន្តថា ទាំងក្រុមលោកនិងក្រុមគូប្រជែងសុទ្ធតែខ្លាំងដូចគ្នា ព្រោះមានឱកាសវាយបកទៅវិញទៅមករៀងៗខ្លួន។ ទន្ទឹងនឹងនេះលោកក៏សម្លឹងឃើញខ្សែការពារទាំង ៤ ការពារបានល្អ ហើយខ្សែបម្រើក៏ល្អ តែនៅខ្វះខាតត្រង់ចំណុចខាងលើ (ប្រយុទ្ធ)។

ចំណែកលោក ប្រាក់ សុវណ្ណារ៉ា គ្រូបង្វឹករបស់ក្លិបបឹងកេតអង្គរក៏សោកស្ដាយដែរ ព្រោះត្រូវបាត់បង់៣ ពិន្ទុក្នុងប្រកួតដំបូង។ លោកបន្តថា៖ «នេះជាការប្រកួតតានតឹងមួយ ព្រោះក្រុមទាំងអស់ប្រមូលអារម្មណ៍បានល្អដូចគ្នា គេជាក្រុមខ្លាំង ហើយមានប្រៀបត្រង់គេជាម្ចាស់ផ្ទះទៀតផង»។ លោកសន្យាថានឹងប្រើប្រាស់ធនធានកីឡាករឱ្យអស់ពីលទ្ធភាពដើម្បីរកគ្រាប់បាល់ឱ្យក្រុមនៅប្រកួតក្រោយៗទៀត។

សម្រាប់លទ្ធផលសប្ដាហ៍ទី១ នៃពានរង្វាន់ MCL 2015 មាន៖
- ណាហ្គាវើល ១ – ០ ស្វាយរៀង
- ស៊ីម៉ាក់ ១ – ១ គីរីវង់សុខសែនជ័យ
- អាស៊ីអឺរ៉ុប ២ – ៧ បៀលប្រាយ
- Cambodian Tiger ២ – ០ អគ្គស្នងការដ្ឋាននគរបាលជាតិ
- ភ្នំពេញក្រោន ០ – ០ បឹងកេតអង្គរ
- ក្រសួងការពារជាតិ ២ – ១ វេស្ទើន

ចំណែកតារាងចំណាត់ថ្នាក់បណ្ដោះអាសន្នមាន៖