ជាតិ
នយោបាយជាតិ
×![]()
ដោយ: ថ្មីៗ
ភ្នំពេញ៖ អង្គក្រៅរដ្ឋាភិបាលដែលកំពុងជំទាស់ នឹងសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល នឹងរៀបចំសិក្ខាសាលាប្រមូលមតិយោបល់នានា ជុំវិញសេចក្តីព្រាងច្បាប់ថ្មីនេះ ដើម្បីដាក់ឲ្យរដ្ឋសភាត្រួតពិនិត្យមុនថ្ងៃទី។ សិក្ខាសាលានេះ នឹងប្រព្រឹត្តទៅនៅព្រឹកថ្ងៃទី៧ ខែកក្កដាខាងមុខ នៅសណ្ឋាគារកាំបូឌីយ៉ាណា។
សិក្ខាសាលានេះ រៀបចំឡើងដោយវេទិកានៃអង្គការមិនមែន រដ្ឋាភិបាលស្តីពីកម្ពុជា (NGO Forum) គណៈកម្មាធិកាសហប្រតិបត្តិការដើម្បីកម្ពុជា (CCC) មជ្ឈមណ្ឌលសិទ្ធិមនុស្សកម្ពុជា (CCHR) គណៈកម្មាកាប្រព្រឹត្តកម្មនៃអង្គការ (CHRAC) សមាគមការពារសិទ្ធិមនុស្សកម្ពុជា (ADHOC) រួមជាមួយនឹងអង្គការជាតិ និងអន្តរជាតិផ្សេងទៀត។
សិក្ខាសាលាពិគ្រោះយោបល់នេះ រៀបចំឡើងក្នុងគោលបំណងពិគ្រោះយោបល់ និងការវិភាគផ្នែកច្បាប់ ទៅលើទម្រង់សេចក្តីព្រាងច្បាប់ ពីសំណាក់អ្នកចូលរួមទាំងអស់ ដើម្បីបញ្ជូនទៅកាន់រដ្ឋសភាឲ្យបានមុនថ្ងៃទី៨ ខែកក្កដានេះ។
អ្នកចូលរួមចំនួនប្រមាណ ២៥០នាក់ រួមមាន អ្នកតំណាងសមាជិករដ្ឋសភា ក្រសួងដែល ពាក់ព័ន្ធ អង្គការជាតិ និងអន្តរជាតិ ស្ថានទូត ដៃគូអភិវឌ្ឍន៍ សហគមន៍ សហជីព សមាគម និងយុវជន។
គណៈកម្មការអចិន្ត្រៃយ៍ជំនាញចំនួន នៃរដ្ឋសភា កំពុងត្រូវពិនិត្យផ្នែកបច្ចេកទេស សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល (LANGO)។ នៅថ្ងៃទី៨ ខែកក្កដា រដ្ឋសភានឹងបើកសិក្ខាសាលាពិគ្រោះយោបល់ពីភាគីពាក់ព័ន្ធ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
