ពីនេះ ពីនោះ
តើអ្នកគួរតែបង្រៀនកូនដូចម្តេច ដើម្បីក្លាយជាមនុស្សជោគជ័យ នាពេលអនាគត?
× ការអប់រំកូន គឺសំខាន់ណាស់ ព្រោះបើអ្នកអប់រំត្រូវ ទើបកូនក្លាយជាមនុស្សល្អ និងជោគជ័យក្នុងជីវិត ដូចនេះ គួរតែអប់រំដូចម្តេចទៅ?
1. អ្នកត្រូវតែបង្រៀនកូន ឱ្យចេះទទួលស្គាល់ការពិត ហើយត្រូវធ្វើជាមនុស្សសុទិដ្ឋិនិយម។
2. អ្នកត្រូវបង្រៀនកូន ឱ្យមានចិត្តទូលាយ ចេះស្រឡាញ់ និងចេះដឹងគុណអ្នកដទៃ ដែលធ្វើល្អ និងជួយយើង។
3. អ្នកត្រូវតែអបរំកូន ឱ្យក្លាហាន ហ៊ានទទួលស្គាល់កំហុស ហើយរៀនសូត្រពីកំហុសទាំងនោះ។
4. អ្នកត្រូវតែបង្រៀនកូន ឱ្យមានចរឹតឯករាជ្យ ចេះការពារខ្លួនឯង មិនត្រូវពឹងតែទៅលើអ្នកឡើយ។
5. អ្នកត្រូវតែអប់រំកូន ឱ្យមានក្តីស្រមៃ ឱ្យមានគោលដៅច្បាស់លាស់ ហើយត្រូវតែដើរតាមគោលដៅនេះ ទើបជីវិតជោគជ័យ។
6. អ្នកត្រូវតែអប់រំកូន ឱ្យចេះនិយាយស្តី ឱ្យបានត្រឹមត្រូវ ជាមួយអ្នកដទៃ ត្រូវតែចេះគួរសម ទើបគេស្រឡាញ់។
7. អ្នកត្រូវតែបង្រៀនកូន ឱ្យមានចិត្តអំណត់ ពេលដែលដួលហើយ មិនត្រូវបោះបង់ចោលទេ ត្រូវតែបន្តអនុវត្ត រហូតដល់ជោគជ័យ ព្រោះគ្មានរឿងអ្វីមួយ ដែលធ្វើតែម្តងហើយជោគជ័យឡើយ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com