ច្បាប់NGOs អាចជាឧបសគ្គដល់ការងារអង្គការក្រៅរដ្ឋាភិបាល

ជាតិ

នយោបាយជាតិ

ច្បាប់NGOs អាចជាឧបសគ្គដល់ការងារអង្គការក្រៅរដ្ឋាភិបាល

07, Jul 2015 , 10:57 am

រូបភាព

ដោយ:

ក្រុមមន្រ្តីអង្គការសង្គមស៊ីវិលជាតិ និងអន្តរជាតិ សិស្ស និស្សិត ប្រមាណ ៣០០ នាក់ បានចូលរួមជជែកគ្នាស្តីពីសេចក្តីព្រាងច្បាប់សមាគម និងអង្គការក្រៅរដ្ឋាភិបាល នៅព្រឹកថ្ងៃអង្គារនេះ នៅសណ្ឋាគារ កាំបូឌីយ៉ាណា។ ក្រុមអង្គការសង្គមស៊ីវិល បានបង្ហាញក្តីព្រួយបារម្ភព្រួយបារម្ភចំពោះសេចក្តីព្រាងច្បាប់នេះ ខណៈដែលសេចក្តីព្រាងច្បាប់NGOs បានទៅដល់ដៃគណៈកម្មការជំនាញរបស់រដ្ឋសភាហើយនោះ។

លោក សឿង សារឿន នាយកប្រតិបត្តិអង្គការ CCC បានថ្លែងថា ប្រសិនបើសេចក្តីព្រាងច្បាប់សមាគម និងអង្គការក្រៅរដ្ឋាភិបាល អនុម័តដោយពុំមានការពិគ្រោះយោបល់ទូលាយទេនោះ ច្បាប់នេះ នឹងក្លាយជាឧបសគ្គដល់ការងារ និងសិទ្ធិបញ្ចេញមតិរបស់អង្គការក្រៅរដ្ឋាភិបាល។ « យើងជា NGOs នៅតែអំពាវនាវឲ្យមានការជជែកបើកទូលាយស្តីពីសេចក្តីព្រាងច្បាប់នេះ»។ នេះជាសំណើរបស់លោក សឿង សារឿន។

នៅក្នុងសិក្ខាសាលាពិគ្រោះយោបល់ស្តីពីសេចក្តីព្រាងច្បាប់ NGOs នៅព្រឹកនេះ ក៏មានការចូលរួមពីតំណាងរាស្រ្តគណបក្សសង្គ្រោះជាតិមួយចំនួនដែរ មានដូចជា លោក យ៉ែម បុញ្ញឫទ្ធិ លោក ហូ វ៉ាន់ និងលោក អ៊ុំ សំអាន ជាដើម។

នៅថ្ងៃទី ០៨ ខែកក្កដា ស្អែកនេះ រដ្ឋសភាកម្ពុជា ក៏គ្រោងនឹងបើកសិក្ខាសាលាពិភាក្សាពីសេចក្តីព្រាងច្បាប់ សមាគម និងអង្គការក្រៅរដ្ឋាភិបាលនេះផងដែរ។ ហើយនៅថ្ងៃនេះ សកម្មជនដីធ្លី និងមន្រ្តីអង្គការក្រៅរដ្ឋាភិបាលមួយចំនួនទៀត បានប្រមូលផ្តុំគ្នា នៅមុខវិមានរដ្ឋសភា ប្រឆាំងនឹងច្បាប់NGOs នេះ៕

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

6 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ថ្ងៃ

«ប្រេសិត»មានន័យដូចម្តេច?

5 ថ្ងៃ

អត្ថបទពេញនិយមបន្ថែម