ជាតិ
សង្គមជាតិ
ក្រុមយុវជនស្ម័គ្រចិត្តធ្វើយុទ្ធនាការពន្យល់ពីសុចរិតភាព និងអំពើពុករលួយដល់ពលរដ្ឋ
×![]()
×![]()
ក្រុមយុវជនជាង៨០នាក់បានចូលរួមក្នុងយុទ្ធនាការស្តីពី«Pigo Challenge» ដើម្បីផ្សព្វផ្សាយពីសុចរិតភាព ពន្យល់ប្រជាពលរដ្ឋឲ្យយល់ដឹងពីអំពើពុករលួយ និងកៀងគរយុវជនឲ្យចូលរួមប្រយុទ្ធប្រឆាំងនឹងអំពើពុករលួយនៅកម្ពុជា កាលពីថ្ងៃទី៥ កក្តដា។ យុវជនដែលចូលរូមក្នុងយុទ្ធនាការនេះ ត្រូវបានចែកជា៧ក្រុម ដើម្បីធ្វើសកម្មភាពផ្សព្វផ្សាយ និងពន្យល់ពីអំពើពុករលួយដល់ពលរដ្ឋនៅតាមគោលដៅផ្សេងៗគ្នានៅក្នុងរាជធានីភ្នំពេញ។
យុវជនជាង៨០នាក់ បានជួបជុំគ្នានៅទីស្នាក់ការរបស់អង្គការតម្លាភាពអន្តរជាតិកម្ពុជា ដើម្បីធ្វើការប្រកូតប្រជែង និងលេងល្បែងកម្សាន្តផ្សេងៗ ហើយឆ្លើយនឹងសំណួរជុំវិញអំពើពុករលួយ មុននឹងពួកគេចេញដំណើរទៅកាន់តំបន់គោលដៅផ្សេងៗគ្នា ដើម្បីផ្សព្វផ្សាយនិងលើកកម្ពស់សុចរិតភាព អំពើពុករលួយជាដើម។ សារនិងខ្លឹមសារដែលយុវជនជាង៨០នាក់នេះបានផ្សព្វផ្សាយ និងពន្យល់ដល់ពលរដ្ឋជាអ្នកធ្វើដំណើរតាមដងផ្លូវ អ្នករត់ម៉ូតូឌុប ម៉ូតូកង់បី និងសិស្សនិស្សិតនៅតាមសាលានានាដែលជាតំបន់គោលដៅរបស់ពួកគេ មានដូជា៖ អំពើពុករលួយកើតចេញពីអ្នកទាំងអស់គ្នា ដូច្នេះអ្នកទាំងអស់គ្នាជាអ្នកបញ្ឈប់ពំពើពុករលួយ, ផ្តើមចេញពីខ្លួនអ្នក ដើម្បីបំបាត់អំពើពុករលួយ, ទីមានអំពើពុករលួយ ទីនោះគ្មានការអភិវឌ្ឍ, និង ឆ្នាំ ២០១៥ហើយ នាំគ្នាប្រព្រឹតពុកលួយអីទៀត។ ល។
ខ្លឹមសារនិងអត្ថន័យនៃសារទាំងនោះ ត្រូបបានពួកគេយកម៉ូតូកង់បីចំនួន៧គ្រឿង ដើម្បីជាមធ្យោបាយធ្វើដំណើរ និងផ្សព្វផ្សាយពីខ្លឹមសារនៃយុទ្ធនាការនេះដល់ប្រជាពលរដ្ឋរស់នៅទីក្រុងភ្នំពេញ មាន៧កន្លែងផ្សេងៗគ្នា គឺមាននៅមុខសារមន្ទីរជាតិ កោះពេជ្រ រមណីដ្ឋានវត្តភ្នំ ពហុកីឡាដ្ឋានជាតិអូឡាំពិក វិទ្យាល័យវត្តកោះ សាកលវិទ្យាល័យភូមិន្ទភ្នំពេញ និងហាងឡាតេ ម៉ី នៅតាមណ្តោយផ្លូវសុធារស។ នេះជាការរៀបរាបរ់បស់យុវតី លី ញុគជិន ជាសមាជិកក្រុម Pigo ដែលបានរៀបចំយុទ្ធនាការ Pigo Challenge នេះកាលពីថ្ងៃទី៥ កក្តដាកន្លងទៅ។
លើលពីនេះទៅទៀត អ្នកចូលរួមក្នុងកម្មវិធីយុទ្ធនាការនេះ ក៏ផ្សព្វផ្សាយពីមជ្ឈមណ្ឌលតស៊ូមតិ និងប្រឹក្សាយោបល់ផ្នែកច្បាប់ (ALAC) របស់អង្គការតម្លាភាពអន្តរជាតិកម្ពុជា និងផ្សាយពីកម្មវិធីទូរសព្ទឈ្មោះ Bribespot ដើម្បីឲ្យអ្នកប្រើប្រាស់កម្មវិធីនេះរាយការណ៍ពីអំពើពុករលួយផងដែរ។ សូមបញ្ជាក់ថា៖ «សម្រាប់ពលរដ្ឋដែលចង់ទទួលបានការប្រឹក្សាយោបល់ផ្នែកច្បាប់ ពីអង្គការតម្លាភាពអន្តរជាតិកម្ពុជា ឬចង់រាយការណ៍ពីស្ថានភាពពំពើពុករលួយនៅកន្លែងដែលលោកអ្នកបានជួយប្រទះសូមទំនាក់ទំនងទៅលេខ ១២៩២ សម្រាប់ប្រព័ន្ធ Cellcard និង ៧៧៧៧ សម្រាប់ប្រព័ន្ធ Smart (សម្រាប់ការរាយការណ៍ និងការប្រឹក្សាយោបល់ផ្នែកច្បាប់ គឺមិនមានការគិតប្រាក់ទេ)»។
ដោយឡែក ក្រុមយុវជនស្ម័គ្រចិត្ត Pigo គ្រោងនឹងពង្រីកកម្មវិធីយុទ្ធនាការផ្សព្វផ្សាយលើកកម្ពស់សុចរិត្តភាព និងអប់រំប្រជាពលរដ្ឋឲ្យយល់ដឹងពីអំពើពុករលួយនេះ នៅតាមបណ្តាខេត្តនានាជាច្រើនទៀត។ Pigo ជាពាក្យពេញសរសេរជា Promote Integrity go គឺជាក្រុមយុវជនស្ម័គ្រចិត្ត ធ្វើការដើម្បីផ្សព្វផ្សាយ និងលើកកម្ពស់សុចរិតភាពនៅកម្ពុជា៕
.jpg)
© រក្សាសិទ្ធិដោយ thmeythmey.com
