ជាតិ
លទ្ធផលអ្នកកាសែតឆ្នើមនឹងត្រូវប្រកាសនៅថ្ងៃទី២២ខែកក្កដាឆ្នាំ២០១៥ខាងមុខនេះ
ភ្នំពេញ៖ គណៈកម្មការកំណែអ្នកកាសែតឆ្នើមឆ្នាំ២០១៥កំពុងដំណើរនៅថ្ងៃទី៧ខែកក្កដាឆ្នាំ២០១៥នេះ។ គណៈកម្មការកំណែនេះមានការចូលរួមពីអ្នកកាសែតបទពិសោធន៍៣នាក់មកពីក្លឹបអ្នកកាសែតកម្ពុជា តំណាងអង្គការតម្លាភាពម្នាក់ និងតំណាងអង្គភាពប្រឆាំងអំពើពុករលួយម្នាក់។
គណៈកម្មការកំណែអត្ថបទប្រឡងអ្នកកាសែតឆ្នើមកំពុងកែអត្ថបទយ៉ាងយកចិត្តទុកដាក់នៅក្នុងសណ្ឋាគារសាន់វ៉េរាជធានីភ្នំពេញ។ កំណែនៅថ្ងៃនេះ ធ្វើឡើងដោយមានការចូលរួមពីសំណាក់អ្នកសារព័ត៌មានជំនាញមកពីក្លិបអ្នកកាសែតកម្ពុជា មកពីអង្គភាពប្រឆាំងអំពើពុករលួយ និងមកពីអង្គការតម្លាភាពកម្ពុជា។
មេប្រយោគកំណែទាំងអស់បានជជែកគ្នាយ៉ាងហ្មត់ចត់ មុននឹងផ្តល់ពិន្ទុអោយបេក្ខជននីមួយ។ និតិវិធីបានធ្វើឡើងដោយជម្រុះបីដំណាក់កាល។ ទី១ ជម្រុះពាក់កណ្តាល។ ទី២ សម្ភាន៍ផ្ទាល់មាត់ជាមួយអ្នកជាប់ជាអ្នកសារព័ត៌មានឆ្នើម និងទី៣សម្រេចជ្រើសយកអ្នកឆ្នើមចំនួន៥នាក់។ ការជ្រើសរើសធ្វើឡើងដោយមានតម្លាភាព និងគ្មានភាពលម្អៀងផ្នែកអារម្មណ៍ឡើយ។
លោក ឆាយ សុផល ប្រធានគណៈកម្មការកំណែអ្នកកាសែតឆ្នើមឆ្នាំ២០១៥ បានថ្លែងថា កំណែនេះបានធ្វើឡើងយ៉ាងល្អិតល្អន់ និងអាចផ្តល់យុត្តិធម៌ជូនទាំងអ្នកជាប់ និងអ្នកធ្លាក់។ ការប្រកាសលទ្ធផលអ្នកកាសែតឆ្នើមនឹងត្រូវធ្វើឡើងនៅថ្ងៃទី២២ខែកក្កដាឆ្នាំ២០១៥ខាងមុខនេះ៕
© រក្សាសិទ្ធិដោយ thmeythmey.com