ជាតិ
×![]()
ដោយ: ថ្មីៗ
ងារជាឧកញ៉ា និងតួនាទីជាប្រធានសមាគមវាយតម្លៃអចលនវត្ថុ និងនាយកក្រុមហ៊ុន TEHO-SBG Development Co.,Ltd លែងសំខាន់ទៀតហើយសម្រាប់លោក សុខ ប៊ុន បន្ទាប់ពីសកម្មភាពវាយតប់របស់លោកទៅលើអតីតពិធីការិនីទូរទស្សន៍ឈ្មោះ សាសា ត្រូវបានផ្សព្វផ្សាយពេញបណ្តាញសង្គម និងសារព័ត៌មាននានា។
តាមរយៈសេចក្តីបំភ្លឺជូនសាធារណៈជនពីសំណាក់លោក សុខ ប៊ុន ផ្ទាល់ ដោយមានការបោះត្រារបស់លោក យិន សុភី ដែលជាមេធាវី នាថ្ងៃទី១៤ ខែកក្កដា នេះ លោក សុខ ប៊ុន បានសម្តែងការសោកស្តាយចំពោះឧបទ្ទវហេតុដែលបានកើតឡើងកាលពីថ្ងៃទី២ ខែកក្កដា។ លោកបានអះអាងថា វាជាជម្លោះដែលមិនអាចគ្រប់គ្រងបានទាំងសងខាង ហើយបានធ្វើឲ្យមានរបួសស្នាម និងប៉ះពាល់កិត្តិយសទាំងសងខាងផងដែរ។
ជាមួយនឹងការសុំទោសកញ្ញា សាសា ឈ្មោះដើម ឯក សុជាតា ជាសាធារណៈ លោក សុខ ប៊ុន បានសន្យាថានឹងមិនឲ្យមានរឿងនេះកើតឡើងក្នុងជីវិតទៀតឡើយ។ ដើម្បីជាការលុបលាងទោសកំហុស និងបង្ហាញការគោរពចំពោះក្រុមគ្រួសារ លោកបានប្រកាសលាឈប់ពីប្រធានសមាគមវាយតម្លៃអចលនវត្ថុ ពីនាយកក្រុមហ៊ុន TEHO-SBG Development Co.,Ltd និងលាឈប់មុខងារជាឧកញ៉ា ហើយសន្យាកសាងសមិទ្ធិផលថ្មីៗទៀតនៅពេលអនាគត។
ជាមួយគ្នានេះផងដែរ លោក សុខ ប៊ុន បានប្រកាសចូលរួមវិភាគទាន១០ម៉ឺនដុល្លារអាមេរិកសម្រាប់ការព្យាបាល និងការដោះស្រាយជីវភាពរបស់កញ្ញា សាសា ព្រមទាំងសុំការយោគយល់ ការឈប់ប្រកាន់ និងការមិនសងសឹកពីកញ្ញា សាសា និងក្រុមគ្រួសារ។ លោកក៏បានសុំទោស ឪពុក និងភរិយារបស់ខ្លួនផងដែរ ហើយសន្យាកសាងគ្រួសារឲ្យមានសុភមង្គល។
លោក សុខ ប៊ុន បានអំពាវផងដែរចំពោះសាធារណៈជន និងសមត្ថកិច្ច ឲ្យពិនិត្យករណីជម្លោះនេះដោយប្រុងប្រយ័ត្ន និងផ្សះផ្សារដោយស្មោះត្រង់។ បន្ថែមពីលើនេះ លោកបានសុំអនុញ្ញាត និងការយោគយល់ពីស្ថាប័នតុលាការដើម្បីព្យាបាលជំងឺស្ត្រេសដ៏ធ្ងន់ធ្ងររបស់ខ្លួន និងប្រគល់ការងារដល់មេធាវីសម្រាប់ការងារក្នុងនីតិវិធីច្បាប់។
ចំណុចចុងក្រោយក្នុងលិខិតរបស់ខ្លួន លោក សុខ ប៊ុន បានសុំការអនុញ្ញាតពីលោកនាយករដ្ឋមន្ត្រី ហ៊ុន សែន និងភរិយា ដើម្បីឲ្យខ្លួនអាចរួមរស់ជាមួយប្តីប្រពន្ធកូនឡើងវិញក្នុងសេរីភាព និងបំពេញកាតាព្វកិច្ចសម្រាប់គ្រួសារដែលរងការខូចខាតយ៉ាងដំណំដោយសារអំពើមិនគប្បីរបស់ខ្លួន៕
តាមរយៈសេចក្តីបំភ្លឺជូនសាធារណៈជនពីសំណាក់លោក សុខ ប៊ុន ផ្ទាល់ ដោយមានការបោះត្រារបស់លោក យិន សុភី ដែលជាមេធាវី នាថ្ងៃទី១៤ ខែកក្កដា នេះ លោក សុខ ប៊ុន បានសម្តែងការសោកស្តាយចំពោះឧបទ្ទវហេតុដែលបានកើតឡើងកាលពីថ្ងៃទី២ ខែកក្កដា។ លោកបានអះអាងថា វាជាជម្លោះដែលមិនអាចគ្រប់គ្រងបានទាំងសងខាង ហើយបានធ្វើឲ្យមានរបួសស្នាម និងប៉ះពាល់កិត្តិយសទាំងសងខាងផងដែរ។
ជាមួយនឹងការសុំទោសកញ្ញា សាសា ឈ្មោះដើម ឯក សុជាតា ជាសាធារណៈ លោក សុខ ប៊ុន បានសន្យាថានឹងមិនឲ្យមានរឿងនេះកើតឡើងក្នុងជីវិតទៀតឡើយ។ ដើម្បីជាការលុបលាងទោសកំហុស និងបង្ហាញការគោរពចំពោះក្រុមគ្រួសារ លោកបានប្រកាសលាឈប់ពីប្រធានសមាគមវាយតម្លៃអចលនវត្ថុ ពីនាយកក្រុមហ៊ុន TEHO-SBG Development Co.,Ltd និងលាឈប់មុខងារជាឧកញ៉ា ហើយសន្យាកសាងសមិទ្ធិផលថ្មីៗទៀតនៅពេលអនាគត។
ជាមួយគ្នានេះផងដែរ លោក សុខ ប៊ុន បានប្រកាសចូលរួមវិភាគទាន១០ម៉ឺនដុល្លារអាមេរិកសម្រាប់ការព្យាបាល និងការដោះស្រាយជីវភាពរបស់កញ្ញា សាសា ព្រមទាំងសុំការយោគយល់ ការឈប់ប្រកាន់ និងការមិនសងសឹកពីកញ្ញា សាសា និងក្រុមគ្រួសារ។ លោកក៏បានសុំទោស ឪពុក និងភរិយារបស់ខ្លួនផងដែរ ហើយសន្យាកសាងគ្រួសារឲ្យមានសុភមង្គល។
លោក សុខ ប៊ុន បានអំពាវផងដែរចំពោះសាធារណៈជន និងសមត្ថកិច្ច ឲ្យពិនិត្យករណីជម្លោះនេះដោយប្រុងប្រយ័ត្ន និងផ្សះផ្សារដោយស្មោះត្រង់។ បន្ថែមពីលើនេះ លោកបានសុំអនុញ្ញាត និងការយោគយល់ពីស្ថាប័នតុលាការដើម្បីព្យាបាលជំងឺស្ត្រេសដ៏ធ្ងន់ធ្ងររបស់ខ្លួន និងប្រគល់ការងារដល់មេធាវីសម្រាប់ការងារក្នុងនីតិវិធីច្បាប់។
ចំណុចចុងក្រោយក្នុងលិខិតរបស់ខ្លួន លោក សុខ ប៊ុន បានសុំការអនុញ្ញាតពីលោកនាយករដ្ឋមន្ត្រី ហ៊ុន សែន និងភរិយា ដើម្បីឲ្យខ្លួនអាចរួមរស់ជាមួយប្តីប្រពន្ធកូនឡើងវិញក្នុងសេរីភាព និងបំពេញកាតាព្វកិច្ចសម្រាប់គ្រួសារដែលរងការខូចខាតយ៉ាងដំណំដោយសារអំពើមិនគប្បីរបស់ខ្លួន៕
© រក្សាសិទ្ធិដោយ thmeythmey.com
