ឪពុករបស់ សាសា ធ្លាប់កូនចៅដ៏ស្មោះត្រង់របស់លោក ម៉ុង ឫទ្ធី ជាង១០ឆ្នាំ
×
លោក ម៉ុង ឫទ្ធី តាមរយៈទំព័រហ្វេសប៊ុកដែលគេស្គាល់ថាជាទំព័រផ្លូវការរបស់លោកនោះ បានធ្វើការណែនាំពីប្រវត្តិរូបខ្លីមួយរបស់លោក អ៊ុត ធី ដែលជាឪពុកបង្កើតរបស់ កញ្ញា សាសា ដែលកំពុងមានរឿងរ៉ាវជាមួយលោក សុខ ប៊ុន។
លោក ម៉ុង ឫទ្ធី បានសរសេរថា លោក អ៊ុត ធី ដែលជាឪពុកនាង សាសា គឺជាប្រធានការដ្ឋានសាងសង់សាលារៀនដែលជាអំណោចរបស់លោកនាយករដ្ឋមន្ត្រីប្រចាំការនៅខេត្តមណ្ឌលគិរី និងរតនគិរីរបស់ក្រុមហ៊ុនសំណង់ក្មេងវត្ត នាអំឡុងទសវត្សរ៍ឆ្នាំ១៩៩០ ។
សមាជិកព្រឹទ្ធសភារបស់គណបក្សប្រជាជនកម្ពុជារូបនេះ បានអះអាងថា លោក អ៊ុត ធី បានបើកកសិដ្ឋានចិញ្ចឹមជ្រូកនៅខាងលិចផ្លូវជាតិលេខបីខាងត្បូងផ្សារត្រាំខ្នារ ហើយពេលនេះ គាត់មានរោងចក្រកិនថ្មជាច្រើនកន្លែងនៅស្រុកគងពិសី ខេត្តកំពង់ស្ពឺ នៅខេត្តកំពត និងមណ្ឌលគិរី។
«គាត់រៀនសូត្របានតិចតួចណាស់តែមិនដែលឮរឿងជុំពាក់លុយគេមិនសងនោះទេ។គាត់គឺជាមនុស្សដឹងគុណដឹងទោសណាស់នៅតែគោរពដឹងគុណខ្ញុំដែលធ្លាប់ជាកូនចៅរបស់ខ្ញុំអស់រយពេលជាងដប់ឆ្នាំ»។ នេះជាការសរសេររៀបរាប់របស់លោក ម៉ុង ឫទ្ធី។
តើលោក អ៊ុត ធី មានងារជាឧកញ៉ាដែរឬយ៉ាងណា? លោក ម៉ុង ឫទ្ធី បានឆ្លើយតបនឹងសំណួរនៅលើហ្វេសប៊ុកថា៖ «អ៊ុត ធី ជា ឧកញ៉ាមែនគាគ់បានជួយកសាងហេដ្ឋារចនាសម្ព័ន្ធសាធារណៈជូនជាតិច្រើនគួរសមដែរ»។
ជាមួយគ្នានេះផងដែរ សាសា ដែលមានឈ្មោះដើមថា ឯក សុជាតា បានថ្លែងអំណរគុណដល់លោក ម៉ុង ឫទ្ធី ដែលបានរៀបរាប់ប្រវត្តិឪពុករបស់ខ្លួន។ នាងបានសរសេរនៅលើគណនីហ្វេសប៊ុកថា៖ «នាងខ្ញុំរួមជាមួយក្រុមគ្រួសារសូមថ្លែងអំណរគុណដល់លោកឯកឧត្តមបណ្ឌិត ម៉ុង ឫទ្ធី ដែលបានបង្ហោះសារ យ៉ាងមានន័យដ៏ជ្រាលជ្រៅអំពីប្រវត្តិរបស់លោក ប៉ានាងខ្ញុំ សូមជូនពរលោកឯកឧត្តមបណ្ឌិត ម៉ុង ឫទ្ធី និងគ្រួសារ មានសុខភាពល្អ ដើម្បីជាម្លប់ដល់ប្រជាជនខ្មែរទាំងមូល!»៕
© រក្សាសិទ្ធិដោយ thmeythmey.com