សង្គមអន្តរជាតិ
អន្តរជាតិ
ចិន ៖ ទារកទើបចាប់កំណើតម្នាក់នៅមានជីវិតរស់ បន្ទាប់ពីឪពុកម្តាយកប់ក្នុងដីអស់ ៨ ថ្ងៃ
× ទារកជនជាតិចិនម្នាក់ដែលទើបនឹងចាប់កំណើតបានពីរថ្ងៃ ត្រូវឪពុកម្តាយបោះបង់ចោល ដោយដាក់ក្នុងប្រអប់ក្រដាស រួចកប់ក្នុងដីទាំងរស់។ ៨ ថ្ងៃក្រោយមក ទារកនេះនៅរស់រានមានជីវិត និងត្រូវបានជួយសង្គ្រោះដោយកសិករម្នាក់។
ទារកដ៏កំសត់នេះបានចាប់កំណើតនៅទីជនបទក្នុងតំបន់ Guangxi ។ ក្រោយពីចាប់កំណើតបានពីរថ្ងៃ ដោយសារកើតមកមានមាត់ឆែប ឪពុកម្តាយបានសម្រេចចិត្តយកទារកនេះទៅកប់ក្នុងដីទាំងរស់ ដោយដាក់ក្នុងប្រអប់ស្បែកជើង។ ៨ ថ្ងៃក្រោយមក កសិករម្នាក់បានឮសម្រែកទារកយំ នៅពេលដែលគាត់កំពុងតែបេះបន្លែ។ ទីបំផុត គាត់ក៏រកប្រទះឃើញទារក។ ទារកនេះអាចមានជីវិត ដោយសារខ្យល់ និងទឹកដែលជ្រៀតចូលក្នុងប្រអប់ក្រដាស។
បើតាមទូរទស្សន៍រដ្ឋ CCTV មនុស្សប្រាំនាក់ក្នុងនោះ បីនាក់ជាសមាជិកគ្រួសារទារក ត្រូវបានឃុំខ្លួន ពីបទជាប់សង្ស័យអំពើទារកឃាត។
នៅប្រទេសចិន ករណីបោះបង់ចោលកូនតែងតែកើតមានជាញឹកញាប់ ហើយហេតុផលមួយក្នុងចំណោមហេតុផលផ្សេងទៀតគឺពាក់ព័ន្ធនឹងនយោបាយកូនតែមួយ។ ទន្ទឹមនឹងនោះ ពិការភាពក៏រួមចំណែកពាក់ព័ន្ធផងដែរ។ គ្រួសារក្រីក្រមិនមានលទ្ធភាពចំណាយលើថ្លៃព្យាបាលទេ បើសិនជាកូនកើតមកជួបនូវពិការភាពនោះ៕
© រក្សាសិទ្ធិដោយ thmeythmey.com