ជិន ស្រីនុត ត្រៀមខ្លួនចេញទៅច្រៀងនៅអាមេរិក

ជាតិ

ជិន ស្រីនុត ត្រៀមខ្លួនចេញទៅច្រៀងនៅអាមេរិក

20, Jul 2015 , 9:33 am

រូបភាព

ដោយ:

ភ្នំពេញ៖តារាចម្រៀង កញ្ញា ជិន ស្រីនុត ដែលជាសមាជិកចំណូលថ្មីរបស់ផលិតកម្មM ពេលនេះនាងកំពុងឡើងកូដខ្លាំងគួរសម ក្នុងការរកចំណូលបានខ្ពស់ពីការចេញច្រៀងលើឆាកប្រគំតន្ត្រីម្តង។ មិនតែប៉ុណ្ណោះ នាងក៏បានត្រៀមខ្លួនឡើងយន្តហោះចេញទៅរកលាភសក្ការៈនៅអាមេរិកផងដែរ។

កាលពីពេលថ្មីៗនេះ តារាចម្រៀងរូបស្រស់ កញ្ញា ជិន ស្រីនុត បានឲ្យដឹងជុំវិញការងារសិល្បៈរបស់នាងថា សព្វថ្ងៃសម្រាប់អាជីពសិល្បៈក្នុងស្រុក គឺចូលដល់រដូវនេះហាក់មានភាពរង្វើលបន្តិច ព្រោះថាជារដូវភ្លៀង ដូច្នេះមិនសូវរវល់ខ្លាំងដូចមុនឡើយ។ ប៉ុន្តែទន្ទឹមគ្នានេះដែរ ឥឡូវនេះនាងក៏មានគម្រោងចេញទៅសហរដ្ឋអាមេរិកឆាប់ៗខាងមុខផងដែរ។

តារាស្រីវ័យ២៣ឆ្នាំរូបនេះបាននិយាយទៀតថា បច្ចុប្បន្ននាងកំពុងរៀបចំឯកសារដាក់ទៅស្ថានទូតអាមេរិកដើម្បីស្នើទិដ្ឋាការបានចេញទៅច្រៀង និងដើរកំសាន្តនៅសហរដ្ឋអាមេរិករយៈពេល៣ខែ តែជាក់ស្តែងយ៉ាងនោះ នាងនៅមិនទាន់ប្រាកដនៅឡើយទេ។ ម្យ៉ាងទៀត បើសិនជាបានជាប់សម្ភាសន៍នៅស្ថានទូតអាមេរិកហើយនោះ នាងនឹងចេញទៅតាមគម្រោងនៅខែវិច្ឆិកាចុងឆ្នាំខាងមុខនេះ ដែលរួមដំណើរដោយតារាខ្មែរប្រុស-ស្រីពីរនាក់ផ្សេងទៀត។

កញ្ញា ជិន ស្រីនុត បានបន្ថែមថា ចំពោះគម្រោងចេញទៅសហរដ្ឋអាមេរិកជាលើទីពីរនេះ គឺធ្វើឡើងតាមរយៈការធានារបស់ប្រធានសមាគមន៍ខ្មែរនៅទីនោះ។ ហើយនេះក៏ជាឱកាសថ្មីមួយទៀតសម្រាប់នាងផងដែរក្នុងការរកលុយ និងបានដើរលេងកំសាន្តជាថ្មីនៅលើទឹកដីប្រទេសមហាអំណាចមួយនេះ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម