សង្គមអន្តរជាតិ
អន្តរជាតិ
ប្រជាជនក្នុងភូមិមួយនៅកាហ្សាក់ស្ថានកើតជំងឺងងុយគេងភ្លាមៗ ៥ ឆ្នាំមកហើយ
×![]()
ដោយ: ធីតា
អ្នកភូមិដ៏តូចមួយដែលស្ថិតនៅភាគខាងជើងប្រទេសកាហ្សាស្ថានបានកើតជំងឺដ៏ចម្លែកមួយ គឺជំងឺងងុយគេង។ ចាប់តាំងពីឆ្នាំ ២០១០ មក អ្នកភូមិ Kalachi ប្រមាណ ១៥០ នាក់ស្រាប់តែដេកលក់ភ្លាមៗ ខណៈពេលដែលពួកគាត់កំពុងតែដើរ ឃ្វាលគោ ឬធ្វើការងារផ្សេង។ ការដេកលង់លក់នេះអាចមានរយៈពេលបី-បួនម៉ោង ឬយូររហូតដល់ ៦ ថ្ងៃក៏មាន។ បាតុភាពដែលគ្មាននរណាអាចពន្យល់បាននេះ បានកើនឡើងខ្លាំងជាងមុនចាប់តាំងពីខែមីនា ឆ្នាំ២០។
ប៉ុន្តែ នាពេលថ្មីៗនេះ អាជ្ញាធរនៃប្រទេសនេះបានប្រកាសថា រកឃើញពីមូលហេតុនៃជំងឺងងុយគេងនេះហើយ។ អណ្តូងរ៉ែអ៊ុយរ៉ាញ៉ូមដែលលែងដំណើរការទៅហើយ ហើយស្ថិតនៅជាប់ភូមិ Kalachi ត្រូវបានគេចង្អុលថា គឺជាប្រភពនៃជំងឺនេះ។ ប៉ុន្តែ មិនមែនសារធាតុអ៊ុយរ៉ាញ៉ូមទេដែលជាប្រភពជំងឺនោះ គឺសារធាតុកាបូនម៉ូណូស៊ីត និងអីដ្រូកាបួដែលភាយចេញពីអណ្តូងរ៉ែទៅវិញទេ ដែលជាដើមហេតុពិតប្រាកដនៃការសន្លប់បាត់ស្មារតីរបស់អ្នកភូមិ។ នៅពេលដែលសារធាតុទាំងពីរប្រភេទនេះកើតឡើងក្នុងបរិយាកាស កម្រិតអុកស៊ីសែនក្នុងភូមិក៏ធ្លាក់ចុះ។
មុនការសន្និដ្ឋាននេះ មានការសង្ស័យជាច្រើនជុំវិញមូលហេតុនៃជំងឺដ៏ចម្លែកនេះ។ គ្រូពេទ្យមួយចំនួនសង្ស័យថា ជាឥទ្ធិពលនៃស្រា។ ខ្លះទៀតសន្និដ្ឋានថា ជំងឺនេះកើតពីផលប៉ះពាល់នៃឧស្ម័នរ៉ាដុងដែលមាននៅក្នុងអណ្តូងរ៉ែ។ គ្រូពេទ្យមួយចំនួនទៀតយល់ថា គឺបណ្តាលមកពីវិបត្តិផ្លូវចិត្ត។
នៅពេលទស្សនាវដ្តី Wired សាកសួរអ្នកឯកទេសផ្នែកសុខភាពមួយចំនួន ពួកគេអះអាងថា ពួកគេនៅតែមិនទាន់ជឿជាក់ទាំងស្រុងចំពោះការសន្និដ្ឋានរបស់អាជ្ញាធរទេ។ ហេតុដូចម្តេចបានជាមានសារធាតុកាបូនម៉ូណូស៊ីតច្រើនដល់ម្លឹង បើអណ្តូងរ៉ែនោះលែងមានសកម្មភាពចាប់តាំងពីសម័យដួលរលំនៃសហភាពសូវៀតមកម្ល៉េះ ?
អាជ្ញាធរបានជម្លៀសអ្នកភូមិ Kalachi និង Krasnogorsk ចេញពីលំនៅដ្ឋាន។ បើតាមសារព័ត៌មាន Siberian Times ប្រជាជនចំនួន ៦៨ គ្រួសារក្នុងចំណោមប្រជាជន ២២៣ គ្រួសារបានទៅរស់នៅកន្លែងផ្សេងហើយកាលពីថ្ងៃទី ១៥ កក្កដានេះ។ ចំណែកអ្នកជំងឺផ្សេងទៀតត្រូវរង់ចាំរហូតដល់ឆ្នាំក្រោយ៕
ប៉ុន្តែ នាពេលថ្មីៗនេះ អាជ្ញាធរនៃប្រទេសនេះបានប្រកាសថា រកឃើញពីមូលហេតុនៃជំងឺងងុយគេងនេះហើយ។ អណ្តូងរ៉ែអ៊ុយរ៉ាញ៉ូមដែលលែងដំណើរការទៅហើយ ហើយស្ថិតនៅជាប់ភូមិ Kalachi ត្រូវបានគេចង្អុលថា គឺជាប្រភពនៃជំងឺនេះ។ ប៉ុន្តែ មិនមែនសារធាតុអ៊ុយរ៉ាញ៉ូមទេដែលជាប្រភពជំងឺនោះ គឺសារធាតុកាបូនម៉ូណូស៊ីត និងអីដ្រូកាបួដែលភាយចេញពីអណ្តូងរ៉ែទៅវិញទេ ដែលជាដើមហេតុពិតប្រាកដនៃការសន្លប់បាត់ស្មារតីរបស់អ្នកភូមិ។ នៅពេលដែលសារធាតុទាំងពីរប្រភេទនេះកើតឡើងក្នុងបរិយាកាស កម្រិតអុកស៊ីសែនក្នុងភូមិក៏ធ្លាក់ចុះ។
មុនការសន្និដ្ឋាននេះ មានការសង្ស័យជាច្រើនជុំវិញមូលហេតុនៃជំងឺដ៏ចម្លែកនេះ។ គ្រូពេទ្យមួយចំនួនសង្ស័យថា ជាឥទ្ធិពលនៃស្រា។ ខ្លះទៀតសន្និដ្ឋានថា ជំងឺនេះកើតពីផលប៉ះពាល់នៃឧស្ម័នរ៉ាដុងដែលមាននៅក្នុងអណ្តូងរ៉ែ។ គ្រូពេទ្យមួយចំនួនទៀតយល់ថា គឺបណ្តាលមកពីវិបត្តិផ្លូវចិត្ត។
នៅពេលទស្សនាវដ្តី Wired សាកសួរអ្នកឯកទេសផ្នែកសុខភាពមួយចំនួន ពួកគេអះអាងថា ពួកគេនៅតែមិនទាន់ជឿជាក់ទាំងស្រុងចំពោះការសន្និដ្ឋានរបស់អាជ្ញាធរទេ។ ហេតុដូចម្តេចបានជាមានសារធាតុកាបូនម៉ូណូស៊ីតច្រើនដល់ម្លឹង បើអណ្តូងរ៉ែនោះលែងមានសកម្មភាពចាប់តាំងពីសម័យដួលរលំនៃសហភាពសូវៀតមកម្ល៉េះ ?
អាជ្ញាធរបានជម្លៀសអ្នកភូមិ Kalachi និង Krasnogorsk ចេញពីលំនៅដ្ឋាន។ បើតាមសារព័ត៌មាន Siberian Times ប្រជាជនចំនួន ៦៨ គ្រួសារក្នុងចំណោមប្រជាជន ២២៣ គ្រួសារបានទៅរស់នៅកន្លែងផ្សេងហើយកាលពីថ្ងៃទី ១៥ កក្កដានេះ។ ចំណែកអ្នកជំងឺផ្សេងទៀតត្រូវរង់ចាំរហូតដល់ឆ្នាំក្រោយ៕
© រក្សាសិទ្ធិដោយ thmeythmey.com
