សង្គមអន្តរជាតិ
អន្តរជាតិ
×![]()
រឿងបំណុលក្រិក កាន់តែខិតជិតដល់ទីបញ្ចប់មែនទែនហើយ ក្រោយពីរដ្ឋមន្ត្រីហិរញ្ញវត្ថុអឺរ៉ុបបដិសេធបន្តកម្មវិធីដោះបំណុលជួយក្រុងអាថែន។ អ្នកនយោបាយក្រិកបានសម្រេចផ្ទេរការទទួលខុសត្រូវអនាគតប្រទេសជាតិដល់ប្រជាជនក្រិកគ្រប់គ្នាម្តងតាមប្រជាមតិថាតើក្រិកគួរទទួលសំណើររបស់ម្ចាស់បំណុលដែលភ្ជាប់ដោយលក្ខខណ្ខពិបាកទទួលឬអត់។ សភាក្រិកបោះឆ្នោតគាំទ្រប្រជាមតិ ដោយមិនចាំបាច់សុំអនុញ្ញាតសហភាពអឺរ៉ុបជាមុនឡើយ។ 
សភាក្រិកបានសម្រេចបោះឆ្នោតគាំទ្រសំណើរសុំធ្វើប្រជាមតិរបស់រដ្ឋាភិបាលលោក Alexis Tsiprasក្រោយពេលដែលរដ្ឋាភិបាលបន្តចរចាជាមួយបណ្តាភាគីម្ចាស់បំណុលឯទៀតអស់ជាច្រើនថ្ងៃតែគ្មានផ្លែផ្កាសោះ។ ប្រជាមិត្តនៅថ្ងៃ ៦កក្កដាខាងមុខជាការផ្តល់អំណាចដល់ប្រជាជនក្រិកទូទៅក្នុងការសម្រេចជោគវាសនារបស់ជាតិខ្លួនថាតើគួរទទួលយកសំណើររបស់ម្ចាស់បំណុលជុំវិញការដោះបំណុលក្រិកដែលឬអត់។
រឿងធ្វើប្រជាមតិនេះ ក្រិកមិនបានសុំការអនុញ្ញាពីសហភាពអឺរ៉ុបឡើយ ប៉ុន្តែរដ្ឋាភិបាលក្រិកបានអះអាងរួចហើយថា រដ្ឋសមាជិកសហភាពអឺរ៉ុបនីមួយៗមាន ភាពស្មើគ្នា មានអំណាចនិងសិទ្ធិសេរីភាពដូចគ្នា។ ដូច្នេះក្រិកមិនចាំបាច់ត្រូវសុំការអនុញ្ញាតជាមុនពីសហភាពអឺរ៉ុប ដើម្បីគ្រាន់តែធ្វើប្រជាមតិក្នុងចំណោមប្រជាជនក្រិក និងដើម្បីអនាគតក្រិកឡើយ។ ប្រជាមតិត្រូវបានគេរៀបចំពាសពេញអឺរ៉ុបទាំងមូលដើម្បីឲ្យប្រជាជនអាចបញ្ចេញពីឆន្ទៈ និង សំឡេងរបស់ខ្លួនជុំវិញបញ្ហាអ្វីមួយនោះ។
ក្នុងការបោះឆ្នោតក្នុងសភាម្សិលមិញនេះដែរ ធ្វើឡើងកណ្តាលយប់ ដោយប្រមុខរដ្ឋភិបាលក្រុងអាថែន លោក Alexis Tsiprasអ្នកនយោបាយនៃបក្សនិយមឆ្វេង Syriza ក៏បានឆ្លៀតរិះគន់ម្ចាស់បំណុល និងសភាពអឺរ៉ុបផងដែរ ហើយលោកក៏ព្យាយាមបញ្ចុះបញ្ចូលឲ្យបណ្តាសមាជិកសភាក្រិកគាំទ្រគម្រោងប្រជាមតិនៅពេលខាងមុខដែរ។ សមាជិកសភា ១៦៣ក្នុងចំណោម៣០០ បានបង្ហាញការគាំទ្រសំណើររបស់លោកនាយករដ្ឋមន្ត្រីក្រិក ដើម្បីឈានទៅរៀបចំប្រជាមតិកំណត់អនាគតក្រិកខែក្រោយនេះ។
លោក Tsiprasបានពិពណ៌នាកញ្ចប់សំណើររបស់ម្ចាស់បំណុលចង់ឲ្យក្រិកទទួលយកនោះ ជាសំណើរមិនស្មោះត្រង់និងប្រៀបដូចជាការមើលឃើញមើលថោកប្រទេសដែលកំពុងជូបវិបត្តិដូចក្រិកដូច្នេះដែរ។ លោកបានបន្ថែមថា លក្ខខណ្ឌម្ចាស់បំណុលវាមិនខុសពីការដាក់ឱសានវាទសម្រាប់ក្រិក ហើយអ្វីដែលគួរឲ្យធ្ងន់ធ្ងរនោះ ក្រិកបានព្យាយាមធ្វើសម្បទានអស់ពីសមត្ថភាពទៅហើយដែរព្រោះតែចង់ឲ្យកិច្ចព្រមព្រៀងអាចចេញជារូបរាងឡើង។ នាយករដ្ឋមន្ត្រីប្រឆាំងនយោបាយត្បិតត្បៀតនេះ ក៏បានផ្ញើរសារចុងក្រោយទៅប្រជាក្រិកផងដែរ ថាកុំចុះចាញ់ និងបោះឆ្នោតថាទេចំពោះសំណើរដ៏កខ្វក់របស់ម្ចាស់បំណុល ដើម្បីឲ្យម្ចាស់បំណុលទាំងនោះភ្លឺភ្នែក។
យ៉ាងណាក៏ដោយ ឆ្លើយតបសម្តីនាយករដ្ឋមន្ត្រីក្រិកដែលថា សំណើរម្ចាស់បំណុលជាការដាក់ឱសានវាទឲ្យក្រិក មិនមែនជួយដោយសុទ្ធតែចិននោះ លោកស្រីនាយិការស្ថាប័នមូលនិធិរូបីយវត្ថុអន្តរជាតិ Christine Lagardeបានឲ្យដឹងថាអង្គការលោកស្រីនឹងបន្តធ្វើការដើម្បីធានាថាក្រិកមិនចេញពីតំបន់ចាយលុយអឺរ៉ូឡើយ ហើយស្ថាប័នលោកស្រីក៏បន្តនយោបាយបទបែនជួយដោះស្រាយបញ្ហានយោបាយឬសេដ្ឋកិច្ចក្រិកដូចគ្នា។ ចំណែកលោកDonald Tusk ប្រមុខក្រុមប្រឹក្សាអឺរ៉ុប បានព្រមានថា ទោះជាលទ្ធផលប្រជាមតិបែបណាក៏ដោយ ក្រិកនៅតែស្ថិតក្នុងតំបន់ចាយលុយអឺរ៉ូ ប៉ុន្តែលោកមិនបានលើកឡើងថា សហភាពអឺរ៉ុបនឹងមានចំណាត់ការបែបណាជួយក្រិកដោះបំណុល និងកុំឲ្យក្រិកប្រកាសមិនសងបំណុលពេលខាងមុខឡើយ៕
សភាក្រិកបានសម្រេចបោះឆ្នោតគាំទ្រសំណើរសុំធ្វើប្រជាមតិរបស់រដ្ឋាភិបាលលោក Alexis Tsiprasក្រោយពេលដែលរដ្ឋាភិបាលបន្តចរចាជាមួយបណ្តាភាគីម្ចាស់បំណុលឯទៀតអស់ជាច្រើនថ្ងៃតែគ្មានផ្លែផ្កាសោះ។ ប្រជាមិត្តនៅថ្ងៃ ៦កក្កដាខាងមុខជាការផ្តល់អំណាចដល់ប្រជាជនក្រិកទូទៅក្នុងការសម្រេចជោគវាសនារបស់ជាតិខ្លួនថាតើគួរទទួលយកសំណើររបស់ម្ចាស់បំណុលជុំវិញការដោះបំណុលក្រិកដែលឬអត់។
រឿងធ្វើប្រជាមតិនេះ ក្រិកមិនបានសុំការអនុញ្ញាពីសហភាពអឺរ៉ុបឡើយ ប៉ុន្តែរដ្ឋាភិបាលក្រិកបានអះអាងរួចហើយថា រដ្ឋសមាជិកសហភាពអឺរ៉ុបនីមួយៗមាន ភាពស្មើគ្នា មានអំណាចនិងសិទ្ធិសេរីភាពដូចគ្នា។ ដូច្នេះក្រិកមិនចាំបាច់ត្រូវសុំការអនុញ្ញាតជាមុនពីសហភាពអឺរ៉ុប ដើម្បីគ្រាន់តែធ្វើប្រជាមតិក្នុងចំណោមប្រជាជនក្រិក និងដើម្បីអនាគតក្រិកឡើយ។ ប្រជាមតិត្រូវបានគេរៀបចំពាសពេញអឺរ៉ុបទាំងមូលដើម្បីឲ្យប្រជាជនអាចបញ្ចេញពីឆន្ទៈ និង សំឡេងរបស់ខ្លួនជុំវិញបញ្ហាអ្វីមួយនោះ។
ក្នុងការបោះឆ្នោតក្នុងសភាម្សិលមិញនេះដែរ ធ្វើឡើងកណ្តាលយប់ ដោយប្រមុខរដ្ឋភិបាលក្រុងអាថែន លោក Alexis Tsiprasអ្នកនយោបាយនៃបក្សនិយមឆ្វេង Syriza ក៏បានឆ្លៀតរិះគន់ម្ចាស់បំណុល និងសភាពអឺរ៉ុបផងដែរ ហើយលោកក៏ព្យាយាមបញ្ចុះបញ្ចូលឲ្យបណ្តាសមាជិកសភាក្រិកគាំទ្រគម្រោងប្រជាមតិនៅពេលខាងមុខដែរ។ សមាជិកសភា ១៦៣ក្នុងចំណោម៣០០ បានបង្ហាញការគាំទ្រសំណើររបស់លោកនាយករដ្ឋមន្ត្រីក្រិក ដើម្បីឈានទៅរៀបចំប្រជាមតិកំណត់អនាគតក្រិកខែក្រោយនេះ។
លោក Tsiprasបានពិពណ៌នាកញ្ចប់សំណើររបស់ម្ចាស់បំណុលចង់ឲ្យក្រិកទទួលយកនោះ ជាសំណើរមិនស្មោះត្រង់និងប្រៀបដូចជាការមើលឃើញមើលថោកប្រទេសដែលកំពុងជូបវិបត្តិដូចក្រិកដូច្នេះដែរ។ លោកបានបន្ថែមថា លក្ខខណ្ឌម្ចាស់បំណុលវាមិនខុសពីការដាក់ឱសានវាទសម្រាប់ក្រិក ហើយអ្វីដែលគួរឲ្យធ្ងន់ធ្ងរនោះ ក្រិកបានព្យាយាមធ្វើសម្បទានអស់ពីសមត្ថភាពទៅហើយដែរព្រោះតែចង់ឲ្យកិច្ចព្រមព្រៀងអាចចេញជារូបរាងឡើង។ នាយករដ្ឋមន្ត្រីប្រឆាំងនយោបាយត្បិតត្បៀតនេះ ក៏បានផ្ញើរសារចុងក្រោយទៅប្រជាក្រិកផងដែរ ថាកុំចុះចាញ់ និងបោះឆ្នោតថាទេចំពោះសំណើរដ៏កខ្វក់របស់ម្ចាស់បំណុល ដើម្បីឲ្យម្ចាស់បំណុលទាំងនោះភ្លឺភ្នែក។
យ៉ាងណាក៏ដោយ ឆ្លើយតបសម្តីនាយករដ្ឋមន្ត្រីក្រិកដែលថា សំណើរម្ចាស់បំណុលជាការដាក់ឱសានវាទឲ្យក្រិក មិនមែនជួយដោយសុទ្ធតែចិននោះ លោកស្រីនាយិការស្ថាប័នមូលនិធិរូបីយវត្ថុអន្តរជាតិ Christine Lagardeបានឲ្យដឹងថាអង្គការលោកស្រីនឹងបន្តធ្វើការដើម្បីធានាថាក្រិកមិនចេញពីតំបន់ចាយលុយអឺរ៉ូឡើយ ហើយស្ថាប័នលោកស្រីក៏បន្តនយោបាយបទបែនជួយដោះស្រាយបញ្ហានយោបាយឬសេដ្ឋកិច្ចក្រិកដូចគ្នា។ ចំណែកលោកDonald Tusk ប្រមុខក្រុមប្រឹក្សាអឺរ៉ុប បានព្រមានថា ទោះជាលទ្ធផលប្រជាមតិបែបណាក៏ដោយ ក្រិកនៅតែស្ថិតក្នុងតំបន់ចាយលុយអឺរ៉ូ ប៉ុន្តែលោកមិនបានលើកឡើងថា សហភាពអឺរ៉ុបនឹងមានចំណាត់ការបែបណាជួយក្រិកដោះបំណុល និងកុំឲ្យក្រិកប្រកាសមិនសងបំណុលពេលខាងមុខឡើយ៕
Tag:
Tsipras
EU
© រក្សាសិទ្ធិដោយ thmeythmey.com
