សង្គមអន្តរជាតិ
អន្តរជាតិ
លោក អូបាម៉ា ពិសារអាហារល្ងាចរួមបងប្អូនយ៉ាងកក់ក្តៅបំផុតនៅដីកំណើតឳពុក
×![]()
យន្តហោះលោក បារ៉ាក់ អូបាម៉ា បានចុះចតនៅកេនយ៉ាដែលជាទឹកដីឪពុកលោកដោយសុវត្ថិភាពម្សិលមិញនេះ។ក្រោយទៅដល់ភ្លាមគេឃើញមានវត្តមានប្រធានាធិបតីកេនយ៉ាលោក Uhuru Kenyatta ចាំទទួលដំណើរប្រធានាធិបតីអាមេរិកផង។ បន្ទាប់មកលោក អូបាម៉ាបានជួបសំណេះសំណាលនិងទទួលអាហារពេលល្ងាចយ៉ាងស្និទ្ធស្នាលនិងរីករាយបំផុតជាមួយសាច់ញាតិបងប្អូនរបស់លោកផ្ទាល់។ 
សន្តិសុខត្រូវបានគេរឹតបន្តឹងខ្លាំងមែនទែននៅក្នុងទីក្រុងណៃរ៉ូប៊ី ដោយកងកម្លាំងប្រដាប់អាវុធឈរជើងការពារសន្តិសុខស្ទើគ្រប់កន្លែង ហើយផ្លូវធំៗត្រូវបានគេបិទដើម្បីសម្រួលដល់ក្បួនឡានប្រធានាធិបតីអាមេរិក។ យន្តហោះយោធា និងឧទ្ធម្ភាគចក្រហោះហើឆ្វែលពេញមេឃដើម្បីឃ្លាំមើល និងតាមការពារក្បួនលោក បារ៉ាក់អូបាម៉ា។
ខណៈលោកអូបាម៉ាអញ្ជើញទៅដល់ព្រលានយន្តហោះទីក្រុងណៃរ៉ូប៊ី គេឃើញវត្តមានប្រធានាធិបតីកេនយ៉ាឈរចាំធ្វើបដិសណ្ឋារកិច្ចស្វាគមន៍ដំណើរទស្សនកិច្ចជាប្រវត្តិសាស្ត្រនេះ។ មិនបង្អង់យូរឡើយ លោក អូបាម៉ា បន្តដំណើរទៅកាន់សណ្ឋាគារដែលលោកត្រូវស្នាក់នៅដើម្បីជួបសមាជិកក្រុមគ្រួសាររបស់លោក និងទទួលទានអាហារជុំគ្នា។ប្រទេសកេនយ៉ា អាចថាជាពេលវេលាជួបជុំដ៏កក់ក្តៅបំផុតដែរ នៅពេលដែលលោក បារ៉ាក់ អូបាម៉ា មានឱកាសទទួលទានអាហារពេលល្ងាចជាមួយសាច់ញាតិបងប្អូន ជាពិសេសខាងឳពុករបស់លោកនៅលើទឹកដីកេនយ៉ា។
នៅភោជនីយដ្ឋានក្នុងសណ្ឋាគារ គេឃើញលោក អូបាម៉ា សើចសប្យាយក្អាកក្អាយនិងស្និទ្ធសា្នលជាទីបំផុតជាមួយមនុស្សច្រើនកុះករឯទៀតដែលអង្គុយទន្ទឹមលោក។ អ្នកទាំងនោះរួមមានទាំងជីដូនលោកគឺលោកយាយ Sara បងស្រីលោក និងសមាជិកក្រុមគ្រួសារជាច្រើនផ្សេងទៀតរបស់លោក ដែរ។ តាមពិតទៅលោកយាយ Saraមិនមែនជាលោកយាយបង្កើតរបស់លោកឡើយ តែលោកយាយបានយកឪពុករបស់លោក អូបាម៉ាមកចិញ្ចិមបីបាច់តាំងពីក្មេងរហូតដល់ធំដឹងក្តី ហើយលោកអូបាម៉ាចាត់ទុកលោកយាយដូចជាយាយបង្កើតដូច្នេះដែរ។ ទោះជាយ៉ាងណាក៏ដោយ លោក អូបាម៉ា មិនមានពេលគ្រប់គ្រាន់ដើម្បីទៅកាន់ភូមដែលគេបញ្ចុះសពឳពុករបស់លោកឡើយ។
ក្រៅពីជួបក្រុមគ្រួសារជាលក្ខណៈឯកជនលោក អូបាម៉ា នឹងធ្វើជាអធិបតីនៃសន្និសីទកំពូលស្តីពីសហគ្រិនភាពសាកលលើកទី៦ ហើយលោកក៏នឹងបន្តជួបមេដឹកនាំកេនយ៉ា និងមេដឹកនាំអាហ្វ្រិកឯទៀតដើម្បីជជែករឿងទំនាក់ទំនងពាណិជ្ជកម្មនិងយុទ្ធសាស្ត្រប្រឆាំងក្រុមភេរវជនផង។ កេនយ៉ាជាសម្ព័ន្ធមិត្តអាមេរិកយូរអង្វែងមកហើយ ហើយអាមេរិកបានបន្តសហការជាមួយក្រុងណៃរ៉ូប៊ីដើម្បីកម្ចាត់ក្រុមភេរវជនសូម៉ាលីអាល់សាបាបផងដែរ។ គេរំពឹងថា នៅពេលខាងមុខក្រោយដំណើរទស្សនកិច្ចរបស់លោក អូបាម៉ា យុទ្ធនាការកម្ចាត់ក្រុមភេរវជននេះនឹងកាន់តែសកម្មនិងកាន់តែប្រសើរជាងមុនថែមទៀត។ បន្តមក លោកនឹងទៅគោរពវិញ្ញាណក្ខ័ន្ធអ្នកស្លាប់បាត់បង់ជីវិតក្នុងករណីវាយប្រហារស្ថានទូតអាមេរិកនៅណៃរ៉ូប៊ីកាលពីឆ្នាំ ១៩៩៨ផងដែរ។ នៅថ្ងៃអាទិត្យស្អែកនេះលោកនឹងចាកចេញពីកេនយ៉ាដោយបន្តទស្សនកិច្ចទៅកាន់ប្រទេសអេត្យូពី៕
សន្តិសុខត្រូវបានគេរឹតបន្តឹងខ្លាំងមែនទែននៅក្នុងទីក្រុងណៃរ៉ូប៊ី ដោយកងកម្លាំងប្រដាប់អាវុធឈរជើងការពារសន្តិសុខស្ទើគ្រប់កន្លែង ហើយផ្លូវធំៗត្រូវបានគេបិទដើម្បីសម្រួលដល់ក្បួនឡានប្រធានាធិបតីអាមេរិក។ យន្តហោះយោធា និងឧទ្ធម្ភាគចក្រហោះហើឆ្វែលពេញមេឃដើម្បីឃ្លាំមើល និងតាមការពារក្បួនលោក បារ៉ាក់អូបាម៉ា។
ខណៈលោកអូបាម៉ាអញ្ជើញទៅដល់ព្រលានយន្តហោះទីក្រុងណៃរ៉ូប៊ី គេឃើញវត្តមានប្រធានាធិបតីកេនយ៉ាឈរចាំធ្វើបដិសណ្ឋារកិច្ចស្វាគមន៍ដំណើរទស្សនកិច្ចជាប្រវត្តិសាស្ត្រនេះ។ មិនបង្អង់យូរឡើយ លោក អូបាម៉ា បន្តដំណើរទៅកាន់សណ្ឋាគារដែលលោកត្រូវស្នាក់នៅដើម្បីជួបសមាជិកក្រុមគ្រួសាររបស់លោក និងទទួលទានអាហារជុំគ្នា។ប្រទេសកេនយ៉ា អាចថាជាពេលវេលាជួបជុំដ៏កក់ក្តៅបំផុតដែរ នៅពេលដែលលោក បារ៉ាក់ អូបាម៉ា មានឱកាសទទួលទានអាហារពេលល្ងាចជាមួយសាច់ញាតិបងប្អូន ជាពិសេសខាងឳពុករបស់លោកនៅលើទឹកដីកេនយ៉ា។
នៅភោជនីយដ្ឋានក្នុងសណ្ឋាគារ គេឃើញលោក អូបាម៉ា សើចសប្យាយក្អាកក្អាយនិងស្និទ្ធសា្នលជាទីបំផុតជាមួយមនុស្សច្រើនកុះករឯទៀតដែលអង្គុយទន្ទឹមលោក។ អ្នកទាំងនោះរួមមានទាំងជីដូនលោកគឺលោកយាយ Sara បងស្រីលោក និងសមាជិកក្រុមគ្រួសារជាច្រើនផ្សេងទៀតរបស់លោក ដែរ។ តាមពិតទៅលោកយាយ Saraមិនមែនជាលោកយាយបង្កើតរបស់លោកឡើយ តែលោកយាយបានយកឪពុករបស់លោក អូបាម៉ាមកចិញ្ចិមបីបាច់តាំងពីក្មេងរហូតដល់ធំដឹងក្តី ហើយលោកអូបាម៉ាចាត់ទុកលោកយាយដូចជាយាយបង្កើតដូច្នេះដែរ។ ទោះជាយ៉ាងណាក៏ដោយ លោក អូបាម៉ា មិនមានពេលគ្រប់គ្រាន់ដើម្បីទៅកាន់ភូមដែលគេបញ្ចុះសពឳពុករបស់លោកឡើយ។
ក្រៅពីជួបក្រុមគ្រួសារជាលក្ខណៈឯកជនលោក អូបាម៉ា នឹងធ្វើជាអធិបតីនៃសន្និសីទកំពូលស្តីពីសហគ្រិនភាពសាកលលើកទី៦ ហើយលោកក៏នឹងបន្តជួបមេដឹកនាំកេនយ៉ា និងមេដឹកនាំអាហ្វ្រិកឯទៀតដើម្បីជជែករឿងទំនាក់ទំនងពាណិជ្ជកម្មនិងយុទ្ធសាស្ត្រប្រឆាំងក្រុមភេរវជនផង។ កេនយ៉ាជាសម្ព័ន្ធមិត្តអាមេរិកយូរអង្វែងមកហើយ ហើយអាមេរិកបានបន្តសហការជាមួយក្រុងណៃរ៉ូប៊ីដើម្បីកម្ចាត់ក្រុមភេរវជនសូម៉ាលីអាល់សាបាបផងដែរ។ គេរំពឹងថា នៅពេលខាងមុខក្រោយដំណើរទស្សនកិច្ចរបស់លោក អូបាម៉ា យុទ្ធនាការកម្ចាត់ក្រុមភេរវជននេះនឹងកាន់តែសកម្មនិងកាន់តែប្រសើរជាងមុនថែមទៀត។ បន្តមក លោកនឹងទៅគោរពវិញ្ញាណក្ខ័ន្ធអ្នកស្លាប់បាត់បង់ជីវិតក្នុងករណីវាយប្រហារស្ថានទូតអាមេរិកនៅណៃរ៉ូប៊ីកាលពីឆ្នាំ ១៩៩៨ផងដែរ។ នៅថ្ងៃអាទិត្យស្អែកនេះលោកនឹងចាកចេញពីកេនយ៉ាដោយបន្តទស្សនកិច្ចទៅកាន់ប្រទេសអេត្យូពី៕
Tag:
បារ៉ាក់ អូបាម៉ា
កេនយ៉ា
© រក្សាសិទ្ធិដោយ thmeythmey.com
