ទំនិញខូចគុណភាពជិត១តោន ត្រូវបានសមត្ថកិច្ចខេត្តប៉ៃលិនដុតកម្ទេចចោល

ជាតិ

ទំនិញខូចគុណភាពជិត១តោន ត្រូវបានសមត្ថកិច្ចខេត្តប៉ៃលិនដុតកម្ទេចចោល

30, Jul 2015 , 4:20 pm

រូបភាព

ដោយ: ថ្មីៗ

ទំនិញខូចគុណភាពជិត១តោន ត្រូវបានសមត្ថកិច្ចខេត្តប៉ៃលិនដុតកម្ទេចចោល នៅព្រឹកថ្ងៃទី៣០ ខែកក្កដានេះ។ ប្រភេទទំនិញទាំងនោះ គឺជាប្រភេទម្ហូបអាហារដែលគ្មានគុណភាព និងប្រភេទទំនិញហួសកាលបរិច្ឆេទប្រើប្រាស់ដែលអាចបង្កឲ្យប៉ះពាល់ដល់សុខភាព អ្នកប្រើប្រាស់។

នៅព្រឹកថ្ងៃទី៣០ ខែកក្កដានេះសមត្ថកិច្ចខេត្តប៉ៃលិន បានដុតកម្ទេចចោល ទំនិញខូចគុណភាពជិត១តោន នៅចំណុចភូមិក្បាលប្រលាន សង្កាត់ប៉ៃលិន ក្រុងប៉ៃលិន។ នេះបើយោងតាមការចុះផ្សាយរបស់អគ្គស្នងការនគរបាលជាតិ។

អគ្គស្នងការនគរបាលជាតិបានដកស្រង់ប្រសាសន៍របស់លោក សានវិជ្ជា សារ៉ាវុធ ប្រធានសាខាកាំកុងត្រូលខេត្តប៉ៃលិនថា៖«ទំនិញដែលអាជ្ញាធរបានដុតចោលទាំងនោះ គឺជាប្រភេទទំនិញហួសកាលបរិច្ឆេទប្រើប្រាស់ និងប្រភេទម្ហូបអាហារ ដែលអាចបង្កឲ្យប៉ះពាល់ដល់សុខភាព អ្នកប្រើប្រាស់។ ទំនិញខូចគុណភាពនេះ ត្រូវបានមន្ត្រីកាំកុងត្រូលរកឃើញ និងដកហូតពីជីវករនៅលើទីផ្សារខេត្តប៉ៃលិន និងតាមបណ្តាផ្ទះលក់គ្រឿងទេសមួយចំនួន»។

លោក សានវិជ្ជា សារ៉ាវុធ បញ្ជាក់ឲ្យដឹងទៀតថា នៅក្នុងប្រតិបត្តិការនៃការចុះត្រួតពិនិត្យទំ និញនៅលើទីផ្សារនោះដែរ មន្ត្រីជំនាញកាំកុងត្រូលក៏ធ្វើការអប់រំដល់អាជីវករ ឲ្យចេះរៀបចំទុកដាក់ទំនិញ និងអីវ៉ាន់ ឲ្យមានអនាម័យត្រឹមត្រូវ និងណែនាំឲ្យពួកគាត់ចេះពិនិត្យមើលសុពលភាពទំនិញ ព្រមទាំងស្នើឲ្យចូលរួមទប់ស្កាត់ទំនិញខូចគុណភាព និងគ្មានប្រភពច្បាស់លាស់ ដែលឈ្មួញខិលខូចយកមកលក់ឲ្យពួកគាត់៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

8 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម