អន្តរជាតិ
នយោបាយជាតិ
លោក គីម ជុងអ៊ុន ទទួលបានពានប្រឆាំងអំណាចចក្រពត្តិនិងអាណានិគមពីSukarno Center
×
មជ្ឈមណ្ឌលស៊ូកាណូប្រចាំក្រុងប៉ាលី គ្រោងនឹងផ្តល់ពានរវាងរង្វាន់មេដឹកនាំពិភលោកទៅ កាន់លោកប្រធានាធិបតីវ័យក្មេងកូរ៉េខាងជើង គីម ជុងអ៊ុន។ ពានរង្វាន់នោះគឺជាពានក្នុងការ ប្រឆាំងនឹងអាណានិគមនិយម និងចក្រពត្តិនិយម។
ម្សិលមិញនេះ លោកស្រី Rachmawati Soekarnoputri ដែលជាកូនស្រីរបស់ស្ថាបនិក មជ្ឈមណ្ឌលស៊ូកាណូ បានជូនដំណឹងទៅកាន់អគ្គរដ្ឋទូតកូរ៉េខាងជើងប្រចាំឥណ្ឌូនេស៊ីដើម្បី ពិភាក្សាពីការផ្តល់ពានរង្វាន់សន្តិភាពទៅកាន់មេដឹករបស់លោក គីម ជុងអ៊ុន។ នេះបើយោង តាមសារពត៌មាន Jakarta Post ។
យោងតាមការបញ្ជាក់របស់លោកស្រី Rachmawati Soekarnoputri ពានដែលនឹងត្រូវផ្តល់ឲ្យ លោកប្រធានាធិបតីគីម ជុងអ៊ុន ក៏ព្រោះតែលោក បានបន្តនូវគោលនយោបាយរបស់លោក គីម ជុងអ៊ីល ដែលជាមេដឹកដ៏អស្ចារ្យ ក្នុងការប្រឆាំងនឹងរបបចក្រពត្តិនិយម។
គួររំលឹកផងដែរថា ពានរងា្វន់ស៊ូកាណូ (Sukarno Prize) គឺជាពាននៃការទទួលស្គាល់ នៃ កសាងសន្តិភាព និងការអភិវឌ្ឈន៍ពិភពលោករបស់មេដឹកកំពូល។ ពាននេះ ធ្លាប់ប្រគល់ឲ្យ មេដឹកមួយចំនួនរបស់អាស៊ីរួមមាន មេដឹកនាំបក្សប្រឆាំងមីយ៉ាន់ម៉ាលោកស្រី អង់សាន ស៊ូជី និង លោក មហាត្មៈ គន្ធី(វីរៈបុរសឥណ្ឌា) និង លោក គីម អ៊ីលស៊ុង(ជីតារបស់គីមជុងអ៊ុន)ផងដែរ។
ថ្វីត្បិតកូរ៉េខាងជើង បានប្រកាន់ខ្ជាប់នូវគោលការណ៍ឯករាជ្យ មិនស្ថិតក្រោមការគ្រប់គ្រង ប្រទេសណាក៏ដោយ បើយើងក្រឡេកមើលការកសាងសន្តិភាពសម្រាប់ពិភពលោកវិញនោះ លោក គីម ជុងអ៊ុនមិនបានធ្វើនោះទេ។ ផ្ទុយទៅវិញ សម្មភាពរបស់ លោកគីម ជុងអ៊ុន ក្នុងការ បន្តអភិវឌ្ឍន៍កម្មវិធីនុយក្លេអ៊ែរ និងផលិតអាវុធប្រល័យលោក គឺកំពុងតែគំរាមកំហែងដល់ សន្តិសុខ និង សន្តិភាពរបស់ពិភពលោកកានតែខ្លាំងឡើង៕
© រក្សាសិទ្ធិដោយ thmeythmey.com