ជាតិ
នយោបាយជាតិ
×![]()
ភ្នំពេញ៖ សមាសភាពមេដឹកនាំគណបក្សប្រជាធិបតេយ្យមូលដ្ឋាន លេចចេញជារូបរាងហើយ នៅរសៀលថ្ងៃទី២ ខែសីហានេះ បន្ទាប់ពីសមាជិកបណ្តាញសង្គមខ្មែរដើម្បីខ្មែរជាង ១០០នាក់ បានជួបជុំគ្នា ដើម្បីបោះឆ្នោតជ្រើសរើស និងអនុម័តគោលការណ៍សំខាន់ៗ ព្រមទាំង គណៈកម្មការបណ្តោះអាសន្នមួយ ដែលជាផ្នែកមួយនៃដំណើរការរៀបចំបង្កើតគណបក្សប្រជាធិបតេយ្យមូលដ្ឋាន។
អតីតប្រធានមជ្ឈមណ្ឌលអប់រំច្បាប់សម្រាប់សហគមន៍លោក យ៉េង វីរៈ បានក្លាយជាប្រធាន គណបក្សប្រជាធិបតេយ្យមូលដ្ឋាន ក្នុងសំឡេងគាំទ្រ ៩៧/១០៤ សំឡេង រីឯអនុប្រធានគឺ លោក សាម ស៊ុនឌឿន ទទួលសំឡេងគាំទ្រពីសមាជិកចំនួន ៦៨/១០។ ដោយឡែក លោក សាម អ៊ីន ជាសមាជិក បណ្តាញសង្គមខ្មែរដើម្បីខ្មែរ បានទទួលសំឡេងគាំទ្រចំនួន ១០៣ ក្លាយជាអគ្គលេខាធិការគណបក្ស។ ជាមួយគ្នានេះ សមាជិកពីររូបទៀត ក្លាយជាអគ្គហិរញ្ញិកនោះ គឺលោក ប៉ោ សេដ្ឋា។
បន្ទាប់ពីការបោះឆ្នោតជ្រើសរើសរចនាសម្ព័ន្ធនេះ គណបក្សប្រជាធិបតេយ្យមូលដ្ឋាន (គ.ប.ម) នឹងដាក់លិខិតស្នើសុំទៅក្រសួងមហាផ្ទៃនៅថ្ងៃទី៣ ខែសីហា ដើម្បីបង្កើតគណបក្ស ប្រជាធិបតេយ្យមូលដ្ឋានជាផ្លូវការ។
ការបោះឆ្នោតគណបក្សប្រជាធិបតេយ្យមូលដ្ឋាន នៅថ្ងៃទី២នេះ ប្រព្រឹត្តឡើងនៅភូមិ ពោងពាយ សង្កាត់ភ្នំពេញថ្មី ខណ្ឌសែនសុខ៕
© រក្សាសិទ្ធិដោយ thmeythmey.com
