អត្ថបទពាណិជ្ជកម្ម
កិច្ចសហការជាដៃគូរវាង ធានាគារមេយប៊ែង និងក្រុមហ៊ុនមេនូឡាយហ្វ៍ នៅកម្ពុជា
×![]()
×![]()
×![]()
ដោយ: ថ្មីៗ
កាលពីថ្មីៗនេះ ធនាគារមេយប៊ែង (ខេមបូឌា) ភីអិលស៊ី និងក្រុមហ៊ុនមេនូឡាយហ្វ៍ ខេមបូឌា បានប្រកាសជាផ្លូវការនៃភាពជាដៃគូក្នុងការផ្តល់ជូននូវសេវាកម្មនិងដំណោះស្រាយថ្មី លើការរៀបចំផែនការហិរញ្ញវត្ថុដល់អតិថិជនរបស់ធនាគារមេយប៊ែងនៅទូទាំងប្រទេសកម្ពុជា។
កិច្ចសហការជាដៃគូជាមួយក្រុមហ៊ុនមេនូឡាយហ្វ៍ ខេមបូឌាគឺជាកិច្ចសហការលើកដំបូងរបស់ធនាគារ មេយប៊ែង ជាមួយនិងក្រុមហ៊ុនធានារ៉ាប់រងអាយុជីវិតនៅក្នុងប្រទេសកម្ពុជា។កិច្ចព្រមព្រៀងនេះបង្កើតឲ្យមាននូវកិច្ចសហការជាដៃគូចែកចាយផលិតផលធានារ៉ាប់រងអាយុជីវិតទីពីររបស់ក្រុមហ៊ុនមេនូឡាយហ្វ៍ខេមបូឌាចាប់តាំងពីបើកដំណើរការដំបូង
ក្នុងឆ្នាំ២០១។
លោកស្រី Cynthia Liaw នាយិកាប្រតិបត្តិធនាគារមេយប៊ែង (ខេមបូឌា) ភីអិលស៊ី បានមានប្រសាសន៍ថា៖«យើងមានសេចក្តីសោមនស្សរីករាយក្រៃលែង ដែលបានសហការជាដៃគូជាមួយក្រុមហ៊ុនមេនូឡាយហ្វ៍ដើម្បីផ្តល់ជូនអតិថិជននូវ ផលិតផលផ្នែកហិរញ្ញវត្ថុ និងផលិតផលធានារ៉ាប់រងលំដាប់ពិភពលោក។ភាពជាដៃគូនេះ គឺជាការតាំងចិត្ត និងប្តេជ្ញាចិត្តយ៉ាងមុតមាំរបស់ធនាគារមេប៊ែង ក្នុងការផ្តល់ជូនអតិថិជន នូវដំណោះស្រាយផ្នែកហិរញ្ញវត្ថុ និងសេវាកម្មដ៏ល្អបំផុត។ យើងមានមោទនភាពក្នុងការនាំមកនូវសេវាធនាគារនិងហិរញ្ញវត្ថុឈានមុខគេមួយនៅកម្ពុជាហើយឥឡូវនេះគឺការផ្តល់នូវផលិតផលធានារ៉ាប់រងដែលអាចជួយដល់អតិថិជនរបស់យើងក្នុងការគ្រប់គ្រងបង្កើន និងការពារទ្រព្យសម្បត្តិរបស់ពួកគាត់»។
លោក Robert Elliott អគ្គនាយកប្រតិបត្តិនិងនាយកចាត់ការទូទៅក្រុមហ៊ុនមេនូឡាយហ្វ៍ ខេមបូឌាបានមានប្រសាសន៍ថា៖«យើងមានសេចក្តីសោមនស្សរីករាយបំផុតដែលបានសហការជាមួយធនាគារ មេយប៊ែង។ភាពជាដៃគូរបស់យើងនឹងជម្រុញឲ្យក្រុមហ៊ុនមេនូឡាយហ្វ៍ ខេមបូឌាផ្តល់ជូននូវសេវាដល់ប្រជាជនកម្ពុជាបានកាន់តែច្រើនថែមទៀតព្រមជាមួយនឹងដំណោះស្រាយធានារ៉ាប់រងដែលជួយការពារប្រាក់ចំណូល ធានាការអប់រំដល់បុត្រធីតា និងធានានិរន្តរភាពសម្រាប់ការចូលនិវត្តន៍របស់ពួកគាត់។
ចាប់ពីថ្ងៃនេះតទៅអតិថិជនរបស់ ធនាគារមេយប៊ែងនៅក្នុងរាជធានីភ្នំពេញអាចពិភាក្សា អំពីគោលដៅហិរញ្ញវត្ថុរបស់ខ្លួន និងអាចប្រើប្រាស់សេវាកម្មធានារ៉ាប់រងរបស់
ក្រុមហ៊ុនមេនូឡាយហ្វ៍ ជាមួយមន្ត្រីជំនាញប្រឹក្សាហិរញ្ញវត្ថុរបស់ក្រុមហ៊ុនមេនូឡាយហ្វ៍ ដែលប្រចាំការនៅសាខា ធនាគារ មែយបែង សាខាបឹងកេងកងទី។ ក្រុមហ៊ុនមេនូឡាយហ្វ៍នឹងបន្តពង្រីកទៅកាន់សាខាជាច្រើនទៀតរបស់ធនាគារមេយប៊ែង នៅទូទាំងប្រទេសកម្ពុជា។
ធនាគារមេយប៊ែង ក៏បានបន្ថែមសេវាកម្មបម្រើអតិថិជននៅថ្ងៃសៅរ៍មួយព្រឹកទៀត នៅសាខាបឹងកេងកងទី១បន្ទាប់ពីទទួលបានជោគជ័យលើការបន្ថែមសេវាចុងសប្តាហ៍នៅសាខាម៉ៅសេទុងនិងសាខាអូឡាំពិកក្នុងខែមេសានាឆ្នាំនេះ។ម៉ោងបន្ថែមនៅថ្ងៃសៅរ៍ គឺចាប់ពីម៉ោង៨ព្រឹកដល់ម៉ោង១២ថ្ងៃត្រង់។
លោកស្រីCynthia បានបន្ថែមថា៖«យើងកំពុងតែផ្តល់ជូននូវភាពងាយស្រួលកាន់តែច្រើនដល់អតិថិជនរបស់យើងជាមួយនឹងការបន្ថែមសេវាកម្មបម្រើអតិថិជននាចុងសប្តាហ៍ដើម្បីសម្របទៅតាមបែបផែនជីវិតរបស់អតិថិជនយើង។គោលបំណងរបស់យើងគឺការផ្តល់នូវគ្រប់ដំណោះស្រាយផ្នែកហិរញ្ញវត្ថុប្រកបដោយភាពទូលំទូលាយទៅកាន់សាធារណជន ជាក់ស្តែងដូចជាកិច្ចសហការជាដៃគូថ្មីចែកចាយផលិតផលធានារ៉ាប់រងអាយុជីវិតនេះជាមួយក្រុមហ៊ុន មេនូឡាយហ្វ៍ ជាដើម»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
