អន្តរជាតិ
ស្លាប់១៣នាក់ក្នុងការវាយប្រហារសងសឹករបស់ក្រុមបូកូអារ៉ាំ នៅនីហ្សេរីយ៉ា
×![]()
នៅនីហ្សេរីយ៉ា ព្រឹកថ្ងៃអាទិត្យម្សិលមិញ ក្រុមភេរវជនបូកូអារ៉ាំបានចូលទៅដុតផ្ទះជាច្រើនខ្នង នៅភូមិ Malari ចំងាយប្រមាណ២០គីឡូម៉ែត្រពីក្រុងMaiduguri ភាគឥសានប្រទេស។ ក្រុមភេរវជនបានសម្លាប់ក្មេង១៣នាក់ និងបង្ករបួសដល់មនុស្ស២៧នាក់ទៀត។ នេះជាការសងសឹកដល់ប្រជាជនដែលបានផ្តល់ដំណឹងដល់ទាហានពីកន្លែងដែលក្រុមភេរវជនលាក់ខ្លួន។
ក្នុងចំណោមជនដែលរងរបួស គេសង្កេតឃើញមានស្ត្រីនិងកុមារផងដែរ។ បើយោងតាមសាក្សីដែលរត់រួចពីការវាយប្រហារ ក្រុមបូកូអារ៉ាំបានចោទប្រជាជនក្នុងភូមិMalariថា បានផ្តល់ដំណឹងដល់ទាហាននីហ្សេរីយ៉ា ពីកន្លែងលាក់ខ្លួនរបស់ក្រុមភេរវជននេះ។ មុននឹងចាកចេញពីភូមិទៅ ក្រុមបូកូអារ៉ាំបានដុតផ្ទះនិងហាងទំនិញជាច្រើនកន្លែង។ ពួកភេរវជនបានស្រែកថា "ព្រះជាម្ចាស់ធំជាងគេបំផុត" ទៀតផង។
ប៉ុន្មានខែចុងក្រោយនេះ ភូមិMalari តែងរងការវាយប្រហារជាច្រើនដង។ កាលពីដើមខែកក្កដា យុវតីមួយរូបបានធ្វើភេរវកម្មអត្តឃាតនៅវិហារមួយកន្លែង សម្លាប់មនុស្ស១២នាក់។ គិតពីឆ្នាំ២០០៩មក ការបះបោររបស់ក្រុមបូកូអារ៉ាំនិងការបង្ក្រាបរបស់ទាហាននីហ្សេរីយ៉ាបានសម្លាប់មនុស្សជាង១៥០០០នាក់៕
ក្នុងចំណោមជនដែលរងរបួស គេសង្កេតឃើញមានស្ត្រីនិងកុមារផងដែរ។ បើយោងតាមសាក្សីដែលរត់រួចពីការវាយប្រហារ ក្រុមបូកូអារ៉ាំបានចោទប្រជាជនក្នុងភូមិMalariថា បានផ្តល់ដំណឹងដល់ទាហាននីហ្សេរីយ៉ា ពីកន្លែងលាក់ខ្លួនរបស់ក្រុមភេរវជននេះ។ មុននឹងចាកចេញពីភូមិទៅ ក្រុមបូកូអារ៉ាំបានដុតផ្ទះនិងហាងទំនិញជាច្រើនកន្លែង។ ពួកភេរវជនបានស្រែកថា "ព្រះជាម្ចាស់ធំជាងគេបំផុត" ទៀតផង។
ប៉ុន្មានខែចុងក្រោយនេះ ភូមិMalari តែងរងការវាយប្រហារជាច្រើនដង។ កាលពីដើមខែកក្កដា យុវតីមួយរូបបានធ្វើភេរវកម្មអត្តឃាតនៅវិហារមួយកន្លែង សម្លាប់មនុស្ស១២នាក់។ គិតពីឆ្នាំ២០០៩មក ការបះបោររបស់ក្រុមបូកូអារ៉ាំនិងការបង្ក្រាបរបស់ទាហាននីហ្សេរីយ៉ាបានសម្លាប់មនុស្សជាង១៥០០០នាក់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
