ព័ត៍មានសុខភាព
សុខភាព៖ អាហារដែលអាច ធ្វើឱ្យធ្មេញស?
× មនុស្សគ្រប់រូប សុទ្ធតែចង់ទទួលបានធ្មេញស ដូចនេះ គេតែងតែទៅពេទ្យធ្មេញ ដើម្បីធ្វើឱ្យវាឡើងពណ៌ស ប៉ុន្តែ បើអ្នកប្រើគីមីច្រើន វានឹងប៉ះពាល់ដល់ធ្មេញអ្នកណាស់។ ខាងក្រោមនេះ យើងខ្ញុំនឹងប្រាប់អ្នក ពីវិធីធ្វើឱ្យធ្មេញស តាមបែបធម្មជាតិ។
1. អ្នកអាចពិសារផ្លែឈើ ឬបន្លែ ដែលមានសម្បករឹង ដូចជា ផ្លែប៉ោម និងការ៉ុតជាដើម ព្រោះនៅពេលដែលអ្នកទំពារ វានឹងជួយជម្រះធ្មេញអ្នកឱ្យស ដោយមិនចាំបាច់ ប្រើថ្នាំដើម្បីសឡើយ។
2. ឈីស ក៏ជាអាហារ ដែលអាចធ្វើឱ្យធ្មេញអ្នកសបានដែរ ព្រោះនៅពេលដែលអ្នកបរិភោគ វានឹងជួយសម្អាតកំណកនៅលើធ្មេញអ្នក ថែមទាំងអាចការពារ មិនឱ្យមេរោគ ទំនៅលើធ្មេញអ្នកទៀតផង។
3. បើអ្នកបរិភោគពពួកក្រូចច្រើនដូចជា ក្រូចឆ្មារ ក្រូចថ្លុង ក្រូចពោធិ៍សាត់ ឬក្រូចឃ្វិចជាដើម វាសុទ្ធតែអាចជម្រះ ធ្មេញអ្នកឱ្យសស្អាត ថែមទាំងអាចធ្វើឱ្យមេរោគក្នុងមាត់អ្នកងាប់អស់។
4. ផ្លែស្ត្របឺរី ក៏អាចធ្វើឱ្យធ្មេញអ្នកសដែរ ក្រោយពេលដែលអ្នកពិសាររួច ព្រោះវាមានជាតិជូរ ដែលល្អ ចំពោះសម្ជស្សធ្មេញរបស់អ្នក។
5. បើទឹកដោះគោវិញ អ្នកគួរតែផឹកឱ្យបានច្រើន ព្រោះមានជាតិកាល់ស្យូម ដែលធ្វើឱ្យធ្មេញអ្នករឹងមាំ ថែមទាំងសស្អាតជាងមុនទៅទៀត ក្រោយពេលដែលអ្នកផឹករួច៕
- ហាមដាច់ខាតការយកអត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 267 277
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com