ជាតិ
នយោបាយជាតិ
×![]()
លោកអគ្គលេខាធិការអង្គការសហប្រជាជាតិ បានប្រើរយៈពេលប្រមាណមួយខែដើម្បីអាចឆ្លើយតបចំពោះការស្នើសុំខ្ចីផែនទីកម្ពុជានៅអង្គការសហប្រជាជាតិរបស់លោកនាយករដ្ឋមន្ត្រី ហ៊ុន សែន។ យោងតាមលិខិតឆ្លើយតបរបស់លោក បាន គីមូន មកប្រមុខរដ្ឋាភិបាលភ្នំពេញនៅថ្ងៃទី៥សីហា ផែនទីរបស់កម្ពុជាមួយចំនួនដែលអង្គការសហប្រជាជាតិយល់ព្រមឲ្យកម្ពុជាខ្ចីនោះ បើទោះជាវាមិនដូចផែនទីដែលកម្ពុជាសរសេរសុំខ្ចីនោះក៏ដោយ គឺជាករណី«លើកលែង» ហើយត្រូវធ្វើឡើងក្រោមលក្ខខណ្ឌ និងការយោគយល់នានាមួយចំនួនទៀតផង។
លោក បាន គីមូន អគ្គលេខាធិការអង្គការសហប្រជាជាតិបានប្រាប់លោក ហ៊ុន សែន ថាមន្ត្រីអង្គការសហប្រជាជាតិមិនបានរកឃើញផែនទីដែលលោកនាយករដ្ឋមន្ត្រីកម្ពុជាត្រូវការនោះទេ។ នោះគឺផែនទីដើមខ្នាត១/១០០ ០០០ ដែលត្រូវបានផលិតនៅចន្លោះឆ្នាំ១៩៣៣ និង១៩៥៣ និងត្រូវបានបោះពុម្ពដោយក្រុមភូមិសាស្ត្រឥណ្ឌូចិន និងត្រូវបានសម្តេចព្រះនរោត្តម សីហនុ យកទៅតម្កល់នៅអង្គការសហប្រជាជាតិក្នុងឆ្នាំ១៩៦៤ ។
ផ្ទុយទៅវិញ បើតាមបញ្ជាក់របស់លោក បាន គីមូន លេខាធិការដ្ឋានUN បានរកឃើញផែនទីមួយចំនួនពីរក្នុងកន្លែងផ្ទុកឯកសាររបស់បណ្ណាល័យ Dag Hammarskjold របស់អង្គការសហប្រជាជាតិទៅវិញ ទាំងនៅក្នុងប្រព័ន្ធអេឡិចត្រូនិក និងច្បាប់ចម្លងបោះពុម្ពរួច។
នៅក្នុងលិខិតផ្ញើមកលោកនាយករដ្ឋមន្ត្រី ហ៊ុន សែន ចុះថ្ងៃទី៥សីហា លោក បាន គីមូន បានសរសេរយ៉ាងដូច្នេះថា៖«ផែនទីទាំងអស់នេះ មួយឈុតជាទម្រង់ឌីជីតាល់ ត្រូវបានប្រគល់ជូនឯកឧត្តម ទុយ រី តំណាងអចិន្ត្រៃយ៍នៃព្រះរាជាណាចក្រកម្ពុជា ប្រចាំអង្គការសហប្រជាជាតិនៅថ្ងៃទី២៧កក្កដាឆ្នាំ២០១៥»។ លោក បាន គីមូន បន្តថា៖«ជាគោលការណ៍បណ្ណាល័យ ដាក ហាម៉ាស្កូហ្សូលរបស់UN មិនអនុញ្ញាតឲ្យខ្ចីផែនទី ដែលស្ថិតនៅក្រោមការថែរក្សារបស់ខ្លួននោះទេ។ ប៉ុន្តែ បន្ទាប់ពីការពិគ្រោះយោបល់ជាមួយស្ថានតំណាងអចិន្ត្រៃយ៍នៃព្រះរាជណាចក្រកម្ពុជា គឺមានការព្រមព្រៀងថា ដោយឈរលើករណីលើកលែង បណ្ណាល័យអាចឲ្យខ្ចីផែនទី ដល់រដ្ឋាភិបាលរបស់ឯកឧត្តម (ហ៊ុន សែន) សម្រាប់ពេលមានកំណត់មួយ ដោយផ្អែកទៅតាមលក្ខខណ្ឌ និងការយោគយល់នានា ដែលមានចែងនៅក្នុងលិខិតផ្លាស់ប្តូរគ្នារវាងអង្គការសហប្រជាជាតិ និងរដ្ឋាភិបាលរបស់ឯកឧត្តម»។
ក្រោយពីទទួលបានលិខិតពីលោកអគ្គលេខាធិការអង្គការសហប្រជាជាតិភ្លាម នាយករដ្ឋមន្ត្រីកម្ពុជាបានសរសេរលិខិតអរគុណលោក បាន គីមូនភ្លាមដែរ ដោយលោក ហ៊ុន សែន ចាត់ទុកថា សេចក្តីសម្រេចរបស់លោក បាន គីមូន គឺជាចូលរួមវិភាគទានដ៏សំខាន់ដល់កិច្ចខំប្រឹងប្រែងរបស់រដ្ឋាភិបាលលោក ក្នុងការបញ្ជៀស និងបញ្ចប់ការញុះញង់បង្កើតស្មារតីជាតិនិយមជ្រុល។
គួរបញ្ជាក់ថា ក្រោយពីមានការចោទប្រកាន់ពីគណបក្សប្រឆាំងអំពីភ្លាមមិនច្បាស់លាស់នៃការប្រើប្រាស់ផែនទីរបស់រដ្ឋាភិបាលក្នុងកំណត់ព្រំដែនជាមួយប្រទេសវៀតណាមនោះ លោកនាយករដ្ឋមន្ត្រី ហ៊ុន សែន បានសរសេរលិខិតស្នើសុំខ្ចីផែនទីកម្ពុជាពីអង្គការសហប្រជាជាតិ ពីសហរដ្ឋអាមេរិក ប្រទេសអង់គ្លេស និងពីប្រទេសបារាំង ដើម្បីយកមកផ្ទៀងផ្ទាត់ និងដើម្បីជម្រះមន្ទិលរបស់គណបក្សប្រឆាំង៕
លោក បាន គីមូន អគ្គលេខាធិការអង្គការសហប្រជាជាតិបានប្រាប់លោក ហ៊ុន សែន ថាមន្ត្រីអង្គការសហប្រជាជាតិមិនបានរកឃើញផែនទីដែលលោកនាយករដ្ឋមន្ត្រីកម្ពុជាត្រូវការនោះទេ។ នោះគឺផែនទីដើមខ្នាត១/១០០ ០០០ ដែលត្រូវបានផលិតនៅចន្លោះឆ្នាំ១៩៣៣ និង១៩៥៣ និងត្រូវបានបោះពុម្ពដោយក្រុមភូមិសាស្ត្រឥណ្ឌូចិន និងត្រូវបានសម្តេចព្រះនរោត្តម សីហនុ យកទៅតម្កល់នៅអង្គការសហប្រជាជាតិក្នុងឆ្នាំ១៩៦៤ ។
ផ្ទុយទៅវិញ បើតាមបញ្ជាក់របស់លោក បាន គីមូន លេខាធិការដ្ឋានUN បានរកឃើញផែនទីមួយចំនួនពីរក្នុងកន្លែងផ្ទុកឯកសាររបស់បណ្ណាល័យ Dag Hammarskjold របស់អង្គការសហប្រជាជាតិទៅវិញ ទាំងនៅក្នុងប្រព័ន្ធអេឡិចត្រូនិក និងច្បាប់ចម្លងបោះពុម្ពរួច។
នៅក្នុងលិខិតផ្ញើមកលោកនាយករដ្ឋមន្ត្រី ហ៊ុន សែន ចុះថ្ងៃទី៥សីហា លោក បាន គីមូន បានសរសេរយ៉ាងដូច្នេះថា៖«ផែនទីទាំងអស់នេះ មួយឈុតជាទម្រង់ឌីជីតាល់ ត្រូវបានប្រគល់ជូនឯកឧត្តម ទុយ រី តំណាងអចិន្ត្រៃយ៍នៃព្រះរាជាណាចក្រកម្ពុជា ប្រចាំអង្គការសហប្រជាជាតិនៅថ្ងៃទី២៧កក្កដាឆ្នាំ២០១៥»។ លោក បាន គីមូន បន្តថា៖«ជាគោលការណ៍បណ្ណាល័យ ដាក ហាម៉ាស្កូហ្សូលរបស់UN មិនអនុញ្ញាតឲ្យខ្ចីផែនទី ដែលស្ថិតនៅក្រោមការថែរក្សារបស់ខ្លួននោះទេ។ ប៉ុន្តែ បន្ទាប់ពីការពិគ្រោះយោបល់ជាមួយស្ថានតំណាងអចិន្ត្រៃយ៍នៃព្រះរាជណាចក្រកម្ពុជា គឺមានការព្រមព្រៀងថា ដោយឈរលើករណីលើកលែង បណ្ណាល័យអាចឲ្យខ្ចីផែនទី ដល់រដ្ឋាភិបាលរបស់ឯកឧត្តម (ហ៊ុន សែន) សម្រាប់ពេលមានកំណត់មួយ ដោយផ្អែកទៅតាមលក្ខខណ្ឌ និងការយោគយល់នានា ដែលមានចែងនៅក្នុងលិខិតផ្លាស់ប្តូរគ្នារវាងអង្គការសហប្រជាជាតិ និងរដ្ឋាភិបាលរបស់ឯកឧត្តម»។
ក្រោយពីទទួលបានលិខិតពីលោកអគ្គលេខាធិការអង្គការសហប្រជាជាតិភ្លាម នាយករដ្ឋមន្ត្រីកម្ពុជាបានសរសេរលិខិតអរគុណលោក បាន គីមូនភ្លាមដែរ ដោយលោក ហ៊ុន សែន ចាត់ទុកថា សេចក្តីសម្រេចរបស់លោក បាន គីមូន គឺជាចូលរួមវិភាគទានដ៏សំខាន់ដល់កិច្ចខំប្រឹងប្រែងរបស់រដ្ឋាភិបាលលោក ក្នុងការបញ្ជៀស និងបញ្ចប់ការញុះញង់បង្កើតស្មារតីជាតិនិយមជ្រុល។
គួរបញ្ជាក់ថា ក្រោយពីមានការចោទប្រកាន់ពីគណបក្សប្រឆាំងអំពីភ្លាមមិនច្បាស់លាស់នៃការប្រើប្រាស់ផែនទីរបស់រដ្ឋាភិបាលក្នុងកំណត់ព្រំដែនជាមួយប្រទេសវៀតណាមនោះ លោកនាយករដ្ឋមន្ត្រី ហ៊ុន សែន បានសរសេរលិខិតស្នើសុំខ្ចីផែនទីកម្ពុជាពីអង្គការសហប្រជាជាតិ ពីសហរដ្ឋអាមេរិក ប្រទេសអង់គ្លេស និងពីប្រទេសបារាំង ដើម្បីយកមកផ្ទៀងផ្ទាត់ និងដើម្បីជម្រះមន្ទិលរបស់គណបក្សប្រឆាំង៕
Tag:
ហ៊ុន សែន
ផែនទី
បាន គីមូន
© រក្សាសិទ្ធិដោយ thmeythmey.com
