ពិភពតារា៖ ខេមរៈ សិរីមន្ត អង្គរក្សតាមគ្រប់ពេល
× ភ្នំពេញ៖កាលពីពេលថ្មីៗនេះ កំពូលតារាចម្រៀលោក ខេមរៈ សេរីមន្ត បានឡើងបង្ហើសំនៀងនៅក្នុងកម្មវិធី តន្ត្រីយុវវ័យ របស់ទូរទស្សន៍ ETV ដោយលោកបានបកស្រាយបទចម្រៀងចំនួន៤បទដូចជា កំពួលស្នេហ៍អើយអូនយំរឿងអ្វី, អូនដេកកើតទុក្ខគេដើរញ៉ែស្រី, លើសពីFan បានអត់ និងបទឆ្លើយឆ្លងជាមួយលោក ខាន់ ជេមស៍ មួយបទ “នាងជាពិភពលោកនៃខ្ញុំ” ។
ក្នុងការបង្ហាញវត្តមាននេះ លោក ខេមរៈ សេរីមន្ត គឺមានលក្ខណៈពិសេសជាងគេត្រង់ថា លោកច្រៀង៤បទតែមួយវគ្គនៃកម្មវិធីតែម្តង។ ប៉ុន្តែនៅពេលតារាចម្រៀងល្បីឈ្មោះរូបនេះចូលដល់ស្ទូឌីយូភ្លាម គឺលោកមានអង្គរក្សស្លៀកពាក់ទាហានម្នាក់ ដើរតាមឆ្គកគ្រប់ពេលលោកកំពុងរៀបចំខ្លួននៅបន្ទប់ក្រោយឆាក សូម្បីតែពេលតារាចម្រងរូបនេះឡើងឆាកបញ្ចេញសម្លេងដ៏ក្រអួនក្រអៅក៏ដោយ ក៏អង្គរក្សរបស់លោកបានឡើងទៅលាក់ខ្លួននៅក្រោយផ្ទាំងក្រណាត់ខ្មៅកៀកលោក សេរីមន្ត ប្រមាណជា៦ទៅ៧ម៉ែត្រដែរ។
សកម្មភាពនេះ ទោះបីជាយើងមិនទទួលបានការបញ្ជាក់ប្រាប់ពីលោក ខេមរៈ សេរីមន្ត ក្តី តែពេលចុះពីឆាក លោកប្រញាប់ប្រញាល់ចូលក្នុងឡាន។ ទង្វើនៃសកម្មភាពទាំងនេះ អាចបញ្ជាក់ឱ្យឃើញថា លោក ខេមរៈ សេរីមន្ត ហាក់មានការព្រួយបារម្ភពីសុវត្ថិភាពខ្លួនឯងណាស់ ប្រៀបដូចជាអ្នកមុខអ្នកការក្នុងជួរមន្ត្រីរាជការដែរ បើទោះជាកន្លងមក ខេមរៈ សិរីមន្ត មិនធា្លប់មានព័ត៌មានខ្វែងគំនិតគ្នាជាមួយអ្នកណាក៏ដោយ៕
© រក្សាសិទ្ធិដោយ thmeythmey.com