សុវត្តិភាព ចរាចរណ៍
មនុស្ស១២នាក់របួសធ្ងន់ស្រាល ក្នុងករណីគ្រោះថ្នាក់ចរាចរណ៍នៅថ្ងៃទី១៩ សីហា
×
ភ្នំពេញ៖ មនុស្សរបួសធ្ងន់ស្រាល១២នាក់ (របួសធ្ងន់៧នាក់) ក្នុងករណីគ្រោះថ្នាក់ចរាចរណ៍នៅទូទាំងប្រទេស ចំនួន៥លើក (យប់២លើក) កាលពីថ្ងៃទី១៩ សីហាម្សិលមិញ។ នេះបើតាមការចុះផ្សាយនៅក្នុងគេហទំព័ររបស់អគ្គស្នងការដ្ឋាននគបាលជាតិ។
ក្នុងករណ៍គ្រោះថ្នាក់ចរាចរណ៍ទាំង៥លើកនេះ បណ្តាលឲ្យយានយន្តខូចខាតសរុប១០គ្រឿង ក្នុងនោះមានម៉ូតូចំនួន៨គ្រឿង, រថយន្តធុនតូច១គ្រឿង, និងយានផ្សេង១គ្រឿង។
មូលហេតុដែលបណ្តាលឲ្យមានគ្រោះថ្នាក់ចរាចរណ៍នោះ រួមមាន ល្មើសល្បឿន៤លើក និងប្រជែងគ្រោះថ្នាក់១លើក។ រីឯ អ្នកជិះម៉ូតូគ្រោះថ្នាក់ដោយមិនពាក់មួកសុវត្ថិភាពវិញ មានចំនួន១២នាក់ (យប់៥នាក់)៕
© រក្សាសិទ្ធិដោយ thmeythmey.com