ជាតិ
សិល្បះ
មាស សុខសោភា នៅតែកាក់កបទោះចូលដល់រដូវភ្លៀង
× ភ្នំពេញ៖តារាចម្រៀងប្រចាំផលិតកម្ម ថោន កញ្ញា មាស សុខសោភា ត្រូវបានគេមើលឃើញថា ទោះចូលដល់ខែសីហានេះ ដែលជារដូវភ្លៀងក៏ដោយ ខណៈដែលតារាចម្រៀងភាគច្រើនតែងត្អូញត្អែរ ព្រោះអត់អ្នកហៅចេញទៅច្រៀងនៅតាមកម្មវិធីប្រគំតន្ត្រីក្តី តែចំពោះ មាស សុខសោភា វិញគឺនៅតែកាក់កបមានឱកាសច្រៀងរកលុយបានជាប់រហូត។
បើទោះបីជាក្នុងរយៈពេលនៃរដូវភ្លៀងធ្លាក់នេះ តារាសិល្បៈមួយចំនួន ត្រូវដេកចាយលុយក្នុងហោប៉ៅ ព្រោះគ្មានចំណូលក្តី ប៉ុន្តែបើគេងាកមកមើលព័ត៌មានការងារចេញច្រៀងរបស់កំពួលតារាចម្រៀង មាស សុខសោភា ឯណេះវិញ ត្រូវបាននាងប្រាប់ថា នៅក្នុងខែនេះ (សីហា) ទោះបីជារដូវភ្លៀងក៏ពិតមែន ប៉ុន្តែសម្រាប់រូបនាង គឺនៅមានការងារចេញច្រៀងច្រើនគ្មានពេលទំនេរទេ ទាំងការចេញច្រៀងនៅក្នុងស្រុក និងក្រៅស្រុក គឺនាងមានជាប់រហូត ប៉ុន្តែការចេញច្រៀងភាគច្រើន គឺតាមរយៈក្រុមហ៊ុន ផលិតផលផ្សេងៗ ដោយឡែកសម្រាប់ការចេញច្រៀងនៅតាមខនសឺត មិនសូវមានច្រើនដូចរដូចប្រាំងទេ។
ជាមួយគ្នានេះ លោក មាស សុខរតនៈ ដែលជាបងប្រុសរបស់ មាស សុខសោភា ក៏បានបញ្ជាក់ប្រាប់ដែរថា នៅរដូវនេះ ប្អូនស្រីរបស់លោក នាង មាស សុខសោភា ចេញច្រៀងនៅតាមកម្មវិធីផ្សេងៗទាំងនៅក្នុងភ្នំពេញ និងនៅតាមបណ្តាខេត្ត ក៏ដូចជាក្រៅប្រទេសផងដែរ មានចំនួនមិនតិចជាង១០សូរទេ។ របាយការណ៍នេះ គឺនៅមានកម្មវិធីមួយចំនួនទៀត តែនាងមិនទទួលយកទេ ព្រោះគ្មានពេលឱ្យគេ៕
© រក្សាសិទ្ធិដោយ thmeythmey.com