សង្គមអន្តរជាតិ
អន្តរជាតិ
×![]()
ដោយ: ធីតា
បន្ទាប់ពីហាងកាហ្វេសត្វឆ្មា ហាងលក់ទឹកដោះម្តាយ ហាងកាហ្វេសត្វទីទុយ ពេលនេះមានហាងកាហ្វេដ៏ចម្លែកថ្មីមួយទៀត គឺហាងកាហ្វេដុំលាមកដែលត្រូវបានបង្កើតឡើងនៅទីក្រុង សេអ៊ូល កូរ៉េខាងត្បូង នេះបើតាមការចុះផ្សាយរបស់គេហទំព័រព័ត៌មាន Daily Mail ។
ហាងនេះមានឈ្មោះថា Ddo-Ong Cafe ដែលប្រែថា កាហ្វេដុំលាមក។ រាល់ការតុបតែងនៅក្នុងហាង តាំងពីពែង នំ និង ក្រែមដែលដាក់ក្នុងកាហ្វេដើម្បីលម្អនោះ ក៏សុទ្ធតែពាក់ព័ន្ធនឹងរូបភាពនៃលាមកទាំងអស់។ ផើងផ្កាគឺជាបង្គន់នោមសម្រាប់បុរស ឯរូបភាពនៅលើជញ្ជាំងវិញ គឺជារូបភាពនំដុំលាមក និងរូបបង្គន់តែម្តង។ សូមបញ្ជាក់ថា រាល់ភេសជ្ជៈទាំងអស់ត្រូវបានបម្រើដោយដាក់ក្នុងពែង ដែលច្នៃជារូបបង្គន់កាច់ទឹក។ ភ្ញៀវម្នាក់ៗដែលចូលមកខាងក្នុងហាង ងឿងឆ្ងល់ថា តើចាំបាច់លម្អិតរូបភាពដល់ថ្នាក់នេះឬ ?
Lexi ជាជនជាតិអាមេរិកាំងរស់នៅក្រុងសេអ៊ូលបាននិយាយពីបទពិសោធន៍របស់ខ្លួននៅក្នុងហាងកាហ្វេនេះថា៖ « ខ្ញុំមានអារម្មណ៍មិនសូវស្និទ្ធប៉ុន្មានទេ នៅពេលដែលផឹកកាហ្វេក្នុងពែងរាងចានបង្គន់នោះ។ តែអ្វីដែលសំខាន់ គឺខ្ញុំបានរូបថតប្លែកៗនៅទីនោះ »។
តាមពិតទៅ ហាងកាហ្វេដុំលាមកនេះមិនមែនជាគំនិតបង្កើតថ្មីអ្វីនោះទេ។ ហាងនេះបានយកតម្រាប់តាមភោជនីយដ្ឋាន Modern Toilet នៅទីក្រុងតៃវ៉ាន់ ដែលបានរកឃើញគំនិតតែងលម្អពាក់ព័ន្ធនឹងដុំលាមកមុនគេ។ ហាង Modern Toilet នេះត្រូវបានបង្កើតឡើងតាំងពីឆ្នាំ ២០០៤ ។ ហាងនេះបានទទួលជោគជ័យ ហើយក៏បានពង្រីកសាខារហូតដល់ជាង ១២ នៅទូទាំងទ្វីបអាស៊ី៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
