ឈិត សុវណ្ណបញ្ញា ៖ ឡើងឬចុះយ៉ាងណា មិនអាចថាបានទេ
×
ភ្នំពេញ៖ តារាចម្រៀងប្រចាំផលិតកម្ម ហង្សមាស នាង ឈិត សុវណ្ណបញ្ញា បានរៀបរាប់ថា សម្រាប់កេរ្តិ៍ឈ្មោះរបស់នាងនៅក្នុងស្រុក ឡើងឬចុះយ៉ាងណា មិនអាចថាបានទេ គឺនៅលើមហាជនជាអ្នកឱ្យតម្លៃ មើលឃើញជាក់ស្តែង តែនៅ ឆ្នាំនេះ នាងនឹងមិនចេញទៅក្រៅស្រុក ច្រៀងដូច ឆ្នាំមុនទៀតទេ។
នាង ឈិត សុវណ្ណបញ្ញា អះអាងថា “និយាយទៅ គឺរកលុយបានច្រើនគួរសមដែរ តែអត់ដឹងថាប៉ុន្មានទេ? គ្រាន់តែថា យើងបង្កើនសមត្ថភាពដែរ ដូចជា ក្បាច់រាំអី ខ្ញុំហាត់រហូតហ្នឹង មិនមែនប៉ុណ្ណឹងគ្រប់គ្រាន់ទេសម្រាប់ខ្ញុំនៅតែមានបទចម្រៀងចេញនៅហង្សមាសធម្មតាទេ ទោះជាឥឡូវ មានតារាចូលច្រើនជាងមុនក្តី តែបទចម្រៀងយើង នៅតែធម្មតា” ។
ឈិត សុវណ្ណបញ្ញា បានរៀបរាប់ថា “សម្រាប់កេរ្តិ៍ឈ្មោះខ្ញុំនៅក្នុងស្រុក ឡើងឬចុះ យ៉ាងណា មិនអាចថាបានទេ គឺនៅលើមហាជន ជាអ្នកឱ្យតម្លៃ មើលឃើញជាក់ស្តែង តែនៅ ឆ្នាំនេះ ខ្ញុំនឹងមិនចេញទៅក្រៅស្រុក ច្រៀងដូច ឆ្នាំមុនទៀតទេ គឺរហូតដល់ចុងឆ្នាំ ព្រោះបើ ចេះតែទៅក្រៅស្រុក បទចម្រៀងយើងក្នុង ស្រុកមិនសូវមាន គឺស្ងាត់ យើងនៅតែប៉ុណ្ណឹង តែបើនៅវិញ មានសកម្មភាពជាបន្តបន្ទាប់ គេ ហៅហូរហែ ខ្ញុំគិតថា ល្អជាង! អារឿងរកលុយបានក្រៅស្រុកច្រើននោះ គឺម្យ៉ាងហើយ តែឥឡូវនៅក្នុងស្រុក ខ្ញុំក៏អាចរកចំណូលបានច្រើនគួរសមដែរ” ៕
© រក្សាសិទ្ធិដោយ thmeythmey.com