កីឡាអន្តរជាតិ
អន្តរជាតិ
Man City ទិញ De Bruyne ជាផ្លូវការពី Wolfsburg ក្នុងតម្លៃ ៥៥លានផោន
× ក្រុមមេឃខៀវ Man City បានចុះហត្ថលេខានាំយកខ្សែរបម្រើអន្តរជាតិរបស់ ប៊ែលហ្សិក Kevin de Bruyne ពីក្រុម Wolfsburg របស់អាល្លឺម៉ងជាផ្លូវការហើយក្នុងតម្លៃជាកំណត់ត្រារបស់ក្លិប ៥៥លានផោន (ជិត ៨៥លានដុល្លារ)កាលពីម្សិលមិញ។
ខ្សែបម្រើវ័យ ២៤ឆ្នាំរួបនេះបានយល់ព្រមចុះកិច្ចព្រមព្រៀងរយៈពេលប្រាំឆ្នាំឲ្យក្រុមមេឃខៀវ ហើយ De Bruyne ក៏ជាកីឡាករទី៤ផងដែរដែល លោក Manuel Pellegrini នាំយកមករដូវកាលនេះបន្ទាប់ពីទិញបាន Raheem Sterling, Fabian Delph និង Nicolas Otamendi ។
de Bruyne ក៏ជាអតីតកីឡាកររបស់តោខៀវ Chelsea ២រដូវកាលផងដែរ បន្ទាប់ពីចាកចេញទៅចូលរួមជាមួយ Wolfsburg កាលពីខែមករា ឆ្នាំ២០១៤ ក្នុងតម្លៃជិត ២៦លានដុល្លារ។
អតីតកីឡាកររបស់តោខៀវរូបនេះបាននិយាយថា: «ខ្ញុំចង់ឈានទៅដល់កម្រិតខ្ពស់បំផុតដែលអាចធ្វើបានក្នុងនាមជាកីឡាករម្នាក់ ហើយខ្ញុំគិតថាអ្វីដែលសំខាន់បំផុតនោះគឺថានៅចុងបញ្ចប់នៃរដូវកាលនេះយើងអាចសប្បាយហើយប្រហែលជាអាចឈ្នះពានមួយចំនួនដែរ»។
de Bruyne នឹងពាក់អាវលេខ 17 នៅទឹកដី Etihad សម្រាប់ក្រុមដែលកំពុងមានពន្ទុនាំមុខគេក្នុងតារាង England Premier League បច្ចុប្បន្ន។
ការដោះដូរកីឡាករកន្លងទៅ
៣០ សីហា
Kevin de Bruyne [Wolfsburg - Manchester City] ជិត ៨៥លានដុល្លារ
Kingsley Coman [Juventus - Bayern Munich] ខ្ចីជើង
Dante [Bayern Munich - Wolfsburg] មិនបង្ហាញតម្លៃខ្លួន
Lazar Markovic [Liverpool - Fenerbahce] ខ្ចីជើង
២៩ សីហា
Jonny Evans [Manchester United - West Brom] មិនបង្ហាញតម្លៃខ្លួន
© រក្សាសិទ្ធិដោយ thmeythmey.com