ជាតិ
នយោបាយជាតិ
អ្នកនាំពាក្យCNRP ឲ្យពលរដ្ឋដែលតវ៉ាបង្ហាញខ្លួនពិត និងវិក្កយបត្រ មកទទួលលុយវិញ
×![]()
អ្នកនាំពាក្យគណបក្សសង្គ្រោះជាតិ បានស្នើឲ្យប្រជាពលរដ្ឋដែលប្រកាស ឬសរសេរញត្តិទាមទារប្រាក់វិភាគទានដែលពួកគេផ្តល់ដល់គណបក្សសង្គ្រោះជាតិបង្កើតទូរទស្សន៍យកមកវិញនោះ បង្ហាញខ្លួន និងវិក្កយបត្រ ដើម្បីទទួលប្រាក់ដែលពួកគេបានផ្តល់ដល់គណបក្ស។ 
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ហាក់សង្ស័យពីអត្តសញ្ញាណពិតប្រាកដនៃប្រជាពលរដ្ឋដែលតវ៉ាពីរឿងមូលនិធិទូរទស្សន៍គណបក្សសង្គ្រោះជាតិ។ លោក យឹម សុវណ្ណ ស្នើឲ្យអ្នកតវ៉ាទាំងនោះ បង្ហាញខ្លួន និងវិក្កយបត្រត្រឹមត្រូវដែលខ្លួនអះអាងថា បានផ្តល់វិភាគទានដល់គណបក្សសង្គ្រោះជាតិនោះដល់រូបលោក ដើម្បីទទួលយកប្រាក់នោះវិញ។« ខ្ញុំដូចជាឆ្ងល់ដែរ ឃើញតែញត្តិ ហើយកាសែតចុះផ្សាយ ចង់យកលុយវិញ តែមិនបង្ហាញខ្លួន និងវិក្កយបត្រនោះទេ។ បើបង្ហាញដឹងថា នរណាពិតប្រាកដ ខ្ញុំនឹងឲ្យលុយវិញភ្លាម»។ នេះជាការបញ្ជាក់របស់លោក យឹម សុវណ្ណ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ហាក់សង្ស័យពីអត្តសញ្ញាណពិតប្រាកដនៃប្រជាពលរដ្ឋដែលតវ៉ាពីរឿងមូលនិធិទូរទស្សន៍គណបក្សសង្គ្រោះជាតិ។ លោក យឹម សុវណ្ណ ស្នើឲ្យអ្នកតវ៉ាទាំងនោះ បង្ហាញខ្លួន និងវិក្កយបត្រត្រឹមត្រូវដែលខ្លួនអះអាងថា បានផ្តល់វិភាគទានដល់គណបក្សសង្គ្រោះជាតិនោះដល់រូបលោក ដើម្បីទទួលយកប្រាក់នោះវិញ។« ខ្ញុំដូចជាឆ្ងល់ដែរ ឃើញតែញត្តិ ហើយកាសែតចុះផ្សាយ ចង់យកលុយវិញ តែមិនបង្ហាញខ្លួន និងវិក្កយបត្រនោះទេ។ បើបង្ហាញដឹងថា នរណាពិតប្រាកដ ខ្ញុំនឹងឲ្យលុយវិញភ្លាម»។ នេះជាការបញ្ជាក់របស់លោក យឹម សុវណ្ណ។
សារព័ត៌មានFresh News បានចុះផ្សាយញត្តិពលរដ្ឋតវ៉ាថា ពលរដ្ឋម្នាក់ឈ្មោះ សុក ស៊ីផៃ ដែលអះអាងថា ខ្លួនតំណាងឲ្យពលរដ្ឋ ៣៥ គ្រួសារនៅស្រុកកណ្តាលស្ទឹងខេត្តកណ្តាល និងពលរដ្ឋនៅខេត្តស្វាយរៀងជាង ២០ គ្រួសារ បានសរសេរញត្តិជូនលោក សម រង្ស៊ី ស្នើសុំយកថវិការបស់ពួកខ្លួន ដែលផ្តល់ឲ្យគណបក្សសង្គ្រោះជាតិ ដើម្បីបង្កើតទូរទស្សន៍មកវិញ ក្រោយពីពួកគេទទួលដំណឹងនៃភាពមិនប្រក្រតីនៃមូលនិធិទូរទស្សន៍នេះ។
លោក យឹម សុវណ្ណ ព្រលយសម្តីថា ប្រសិនបើពលរដ្ឋដែលតវ៉ាទាមទារចង់ដកលុយវិញហើយមិនព្រមបង្ហាញខ្លួន និងវិក្កយបត្រថា ខ្លួនពិតជាបានផ្តល់ប្រាក់ដល់មូលនិធិទូរទស្សន៍គណបក្សសង្គ្រោះជាតិនោះ លោកចាត់ទុកសកម្មភាពនេះថា គឺជាការរៀបចំរបស់មនុស្សមួយក្រុម ដើម្បីបង្ខូចកិត្តិយសគណបក្សសង្គ្រោះជាតិ។ លោក បញ្ជាក់ប្រាប់សារព័ត៌មានថ្មីៗដូច្នេះថា៖« ចង់ដកលុយវិញ តែមិនបង្ហាញខ្លួន និងវិក្កយបត្រសោះមកដល់ពេលនេះ។ ខ្ញុំគិតថា វាជាការរៀបចំទុករបស់គេ»។
ជាការកត់សម្គាល់ ការតវ៉ារបស់ពលរដ្ឋទាមទារប្រាក់វិភាគទានពីគណបក្សសង្គ្រោះជាតិ ដែលពួកខ្លួនអះអាងថា បានផ្តល់ដល់គណបក្សនេះ ធ្វើឡើងក្រោយពីលោកនាយករដ្ឋមន្រ្តី ហ៊ុន សែន ប្រកាសថា មេដឹកនាំគណបក្សសង្គ្រោះជាតិ យកថវិកាមូលនិធិទូរទស្សន៍បក្សសង្គ្រោះជាតិ ទៅផ្គត់ផ្គង់ចំការម្រេច៕
ជាការកត់សម្គាល់ ការតវ៉ារបស់ពលរដ្ឋទាមទារប្រាក់វិភាគទានពីគណបក្សសង្គ្រោះជាតិ ដែលពួកខ្លួនអះអាងថា បានផ្តល់ដល់គណបក្សនេះ ធ្វើឡើងក្រោយពីលោកនាយករដ្ឋមន្រ្តី ហ៊ុន សែន ប្រកាសថា មេដឹកនាំគណបក្សសង្គ្រោះជាតិ យកថវិកាមូលនិធិទូរទស្សន៍បក្សសង្គ្រោះជាតិ ទៅផ្គត់ផ្គង់ចំការម្រេច៕
© រក្សាសិទ្ធិដោយ thmeythmey.com
