ព័ត៍មានសុខភាព
×![]()
ដោយ: ថ្មីៗ
អាហារត្រាំ ច្រើនតែមិនត្រូវបានគេពេញនិយម យកមកទទួលទានជាញឹកញាប់ឡើយ។ ទោះបីជាយ៉ាងណាក៏ដោយ នេះមិនមែនមានន័យថា វាមិនសាកសមនឹងទទួលទានឡើយ។ អាហារត្រាំ គឺមានជីវជាតិខ្លាំងណាស់ ហើយក៏ត្រូវបានគេចាត់ទុកថា ជាបន្លែដែលមានកាឡូរីទាបដែរ។ នៅពេលអ្នកញ៉ាំអាហារបែបនេះបានត្រឹមត្រូវនោះ វាពិតជាផ្តល់ឱជាតិរសឈ្ងុយឆ្ងាញ់ខ្លាំងណាស់ ដល់អាហារមួយពេលរបស់អ្នក។
នៅប្រទេសលោកខាងលិច អាហារត្រាំ ត្រូវបានធ្វើចេញពីត្រសក់ និងបន្លែផ្សេងៗទៀត ដែលត្រាំជាមួយនឹងទឹកខ្មេះ។ បើយោងទៅតាម NSDA បានឲ្យដឹងថា អាហារត្រាំចេញពីប្រទេសលោកខាងលិច មានសំណើម ប្រូតេអ៊ីន ខ្លាញ់ ថាមពល ជាតិសរសៃ ស្ករ និងកាបូអ៊ីដ្រាត។ វាក៏មានជាតិរ៉ែដែរដូចជា ជាតិដែក ប៉ូតាស្យូម សូដ្យូម និងផូស្វ័រ។ វីតាមីនមានដូចជា វីតាមីន A, B6, B12, Riboflavin, Niacin, Thiamin និង វីតាមីន C។
ក្រៅពីអ្វីដែលបានរៀបរាប់ខាងលើ ការញ៉ាំអាហារត្រាំ ក៏អាចផ្តល់ជាគុណប្រយោជន៍ ដល់សុខភាពច្រើនដែរដូចជា ៖
អង់ទីអុកស៊ីដង់
អាហារត្រាំ មានអង់ទីអុកស៊ីដង់ច្រើនណាស់ សម្រាប់អាចការពាររាងកាយ ពីរ៉ាឌីកាល់សេរី ដែលជាសារធាតុគីមី បំផ្លាញកោសិកានៃការរំលាយអាហារបាន។
ប្រូបាយអូទិច
បាក់តេរីល្អៗក្នុងពោះវៀនមនុស្ស មានឈ្មោះថា ប្រូបាយអូទិច ដែលមានតួនាទីជួយរំលាយអាហាររបស់យើង។ ទោះបីជាយ៉ាងណាក៏ដោយ នៅពេលអ្នកប្រើថ្នាំផ្សះធម្មតាៗ បាក់តេរីដែលមានក្នុងប្រព័ន្ធរំលាយអាហារ ក៏ត្រូវលុបបំបាត់ចោលដែរ។ ការញ៉ាំអាហារត្រាំ នឹងជួយស្តារឡើងវិញនូវចំនួនបាក់តេរីល្អៗ សម្រាប់ជំនួយដល់សុខភាពអ្នក។
ការពារសុខភាពថ្លើម
ក្រៅពីពោះវៀនមានសុខភាពល្អ និងពង្រឹងដល់ការរំលាយអាហារហើយនោះ អាហារត្រាំ ក៏អាចជួយការពារសុខភាពថ្លើមដែរ។ មានការសិក្សាមួយចំនួនដែលបញ្ជាក់ថា ការញ៉ាំអាហារត្រាំ អាចជួយទប់ស្កាត់ការពុលថ្លើមបាន ដូច្នេះ វានឹងកាត់បន្ថយ ការខូចខាតរបស់ថ្លើមបានយ៉ាងល្អ។
ការពារដំបៅ
នៅពេលអ្នកមានដំបៅ មានន័យថា អ្នកមានរបួសក្នុងខ្លួន ដោយសារតែភ្នាសទឹករំអិល និងអាស៊ីតមិនអាចមានប្រតិកម្មល្អ ជាមួយនឹងជាលិកាក្នុងខ្លួន។ ដំបៅដែលគេជួបញឹកញាប់បំផុតនោះ គឺដំបៅក្រពះតែម្តង ដែលបណ្តាលមកពីការចុះខ្សោយរបស់ភ្នាសទឹករំអិល។ ករណីខ្លះទៀត ក៏អាចដោយសារតែ ការបញ្ចេញជាតិអាស៊ីតច្រើនពេកដែរ។ នៅពេលអ្នកញ៉ាំអាហារត្រាំ បានទៀងទាត់នោះ ការកាត់បន្ថយ ឬបង្ការជំងឺដំបៅអាចនឹងកើតមាន។
គ្រប់គ្រងជំងឺទឹកនោមផ្អែម
មានការសិក្សាមួយចំនួនបង្ហាញថា អាហារត្រាំដែលធ្វើជាមួយទឹកខ្មេះ អាចពង្រឹងដល់ចំនួនអេម៉ូក្លូប៊ីន ជាពិសេស អ្នកកើតជំងឺទឹកនោមផ្អែមតែម្តង។ នេះដោយសារតែសារធាតុ Acetic Acid ក្នុងទឹកខ្មេះ ដែលអាចជួយគ្រប់គ្រងជំងឺទឹកនោមផ្អែមបាន។
ឃើញទេថា អាហារត្រាំ ពិតជាមានជីវជាតិច្រើនណាស់ដល់សុខភាព។ ទោះបីជាយ៉ាងនេះក្តី យកល្អ អ្នកគួរតែសម្គាល់ផងថា អាហារត្រាំ មិនមែនមានប្រយោជន៍ល្អ ដូចៗគ្នាទាំងអស់នោះទេ។ មានអាហារត្រាំខ្លះប្រៃ ដូច្នេះ វាពិតជាមិនល្អ ចំពោះមនុស្សមួយចំនួនឡើយ ជាពិសេស អ្នកជំងឺទឹកនោមផ្អែម និងអ្នកលើសសម្ពាធឈាមតែម្តង៕
ត្រួតពិនិត្យដោយ www.health.com.kh
Tag:
សុខភាព
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
