អន្តរជាតិ
កម្មករររាប់ម៉ឺននាក់ផ្ទុះបាតុកម្មនៅឥណ្ឌូនេស៊ី ដ្បិតសេដ្ឋកិច្ចជាតិមិនងើបសោះ
×![]()
ក្រុមកម្មកររាប់ម៉ឺននាក់ បានប្រមូលផ្តុំគ្នានៅក្នុងរដ្ឋធានីចាកាតា ដើម្បីទាមទាររដ្ឋាភិបាលធានានូវសន្តិសុខការងាររបស់ពួកគេ។ ការផ្ទុះបាតុកម្មនេះ ធ្វើឡើងខណៈពេលឥណ្ឌូនេស៊ី កំពុងប្រឈមនឹងការធ្លាក់ចុះកំណើនសេដ្ឋកិច្ចដែលអាចជំរុញឲ្យរោងចក្រមួយចំនួនត្រូវបញ្ឈប់កម្មករជាច្រើននាក់ផងដែរ។
នៅថ្ងៃអង្គារនេះ ក្រុមកម្មកររាប់ម៉ឺននាក់ បានប្រមូលផ្តុំគ្នាតាមដងផ្លូវក្នុងកណ្តាលរដ្ឋធានីចាកាតា ដើម្បីទាមទារឲ្យរដ្ឋាភិបាលឥណ្ឌូនេស៊ីបំពេញនូវតម្រូវការ និង ការព្រួយបារម្ភរបស់ពួកគេ ខណៈពេលដែលសេដ្ឋកិច្ចជាតិ កំពុងប្រឈមនឹងវិបត្តិ។
ដូចបានជូនដំណឹងមុន កម្មករប្រមាណជាងប្រាំម៉ឺននាក់ បានប្រមូលផ្តុំគ្នាក្រោមការដឹកនាំដោយសហភាពកម្មករ ដែលបានដើរដង្ហែពីវិមានជាតិទៅកាន់វិមានប្រធានាធិបតី ស្របពេលជាដែល លោកប្រធានាធិបតី ចូកូ វីដូដូ (Joko Widodo) កំពុងជួបពិភាក្សាជាមួយនឹងប្រធានរូបិយវត្ថុអន្តរជាតិ Christine Lagarde។ ដោយឡែក សម្រាប់លក្ខខណ្ឌ ដែលកម្មករទាមទាររដ្ឋាភិបាលឥណ្ឌូនេស៊ីនោះ មានដូចជា ការផ្តល់សន្តិសុខការងារ ការហាមឃាត់កម្មករបរទេសមិនឲ្យមកធ្វើការក្នុងស្រុក និង ទម្លាក់តម្លៃទំនិញមួយចំនួនផងដែរ។
ជុំវិញបញ្ហានេះ លោកប្រធានាធិបតី ចូកូ វីដូដូ ក៏បានរុះរើក្បាលរដ្ឋាភិបាល ដោយបានតែងតាំងរដ្ឋមន្ត្រី ពាណិជ្ជកម្ម និង សេដ្ឋកិច្ច ដើម្បីកែទម្រង់ និង ធ្វើឲ្យស្ថានភាពសេដ្ឋកិច្ចល្អប្រសើរឡើងវិញផងដែរ។ មួយវិញទៀត ឆ្លើយតបជាមួយនឹងការទាមទារនេះ លោក ចូកូ វីដូដូ ត្រៀមប្រកាសគម្រោងកញ្ចប់ថវិកាមួយដើម្បីដំណោះស្រាយទៅនឹងភាពយឺតយ៉ាវនៃកំណើនសេដ្ឋកិច្ច។
ដោយឡែកសម្រាប់ ការទាមទារមិនឲ្យមានកម្មករបរទេសចូលមកធ្វើការនៅឥណ្ឌូនេស៊ី រដ្ឋាភិបាល មិនទាន់យល់ស្របទៅនឹងសំណើរបស់កម្មករនោះទេ។ ក្នុងនោះ លោក Sofyan Djalil រដ្ឋមន្ត្រីគម្រោង អភិវឌ្ឍជាតិឥណ្ឌូនេស៊ី បានអះអាងថា ឥណ្ឌូនេស៊ី គួរតែស្វាគមន៍កម្មករបរទេសជំនាញខ្ពស់ដើម្បីចូលមកធ្វើការដើម្បីជួយបង្រៀនដល់កម្មករនៅក្នុងស្រុក។ លោកក៏បានផ្ញើសារទៅកាន់ពលរដ្ឋឥណ្ឌូនេស៊ី សូមកុំចាត់ទុកកម្មករបរទេសជាការគំរាមកំហែង តែពួកគេ មិនត្រឹមជួយបង្រៀនកម្មករក្នុងស្រុកនោះទេ តែថែមទាំងជួយបង្កើនផលិតភាពទៀតផង។
សូមរមឹ្លកផងដែរ ក្រោយពីលោកប្រធានាធិបតី ចូកូ វីដូដូ ឡើងកាន់តំណែងរយៈពេលជាងមួយឆ្នាំនេះ សេដ្ឋកិច្ចឥណ្ឌូនេស៊ីមិនងើបសោះ។ ផលិតផលក្នុងស្រុកសរុបរបស់ឥណ្ឌូនេស៊ីកើនឡើង ៤.៦៧ក្នុងឆមាសទីមួយនៃឆ្នាំ ២០១៥ ដែលកម្រិតនេះទាបបំផុតបើប្រៀបធៀបកម្រិតមុនក្នុងរយៈពេល៦ឆ្នាំកន្លងមកនេះ៕
នៅថ្ងៃអង្គារនេះ ក្រុមកម្មកររាប់ម៉ឺននាក់ បានប្រមូលផ្តុំគ្នាតាមដងផ្លូវក្នុងកណ្តាលរដ្ឋធានីចាកាតា ដើម្បីទាមទារឲ្យរដ្ឋាភិបាលឥណ្ឌូនេស៊ីបំពេញនូវតម្រូវការ និង ការព្រួយបារម្ភរបស់ពួកគេ ខណៈពេលដែលសេដ្ឋកិច្ចជាតិ កំពុងប្រឈមនឹងវិបត្តិ។
ដូចបានជូនដំណឹងមុន កម្មករប្រមាណជាងប្រាំម៉ឺននាក់ បានប្រមូលផ្តុំគ្នាក្រោមការដឹកនាំដោយសហភាពកម្មករ ដែលបានដើរដង្ហែពីវិមានជាតិទៅកាន់វិមានប្រធានាធិបតី ស្របពេលជាដែល លោកប្រធានាធិបតី ចូកូ វីដូដូ (Joko Widodo) កំពុងជួបពិភាក្សាជាមួយនឹងប្រធានរូបិយវត្ថុអន្តរជាតិ Christine Lagarde។ ដោយឡែក សម្រាប់លក្ខខណ្ឌ ដែលកម្មករទាមទាររដ្ឋាភិបាលឥណ្ឌូនេស៊ីនោះ មានដូចជា ការផ្តល់សន្តិសុខការងារ ការហាមឃាត់កម្មករបរទេសមិនឲ្យមកធ្វើការក្នុងស្រុក និង ទម្លាក់តម្លៃទំនិញមួយចំនួនផងដែរ។
ជុំវិញបញ្ហានេះ លោកប្រធានាធិបតី ចូកូ វីដូដូ ក៏បានរុះរើក្បាលរដ្ឋាភិបាល ដោយបានតែងតាំងរដ្ឋមន្ត្រី ពាណិជ្ជកម្ម និង សេដ្ឋកិច្ច ដើម្បីកែទម្រង់ និង ធ្វើឲ្យស្ថានភាពសេដ្ឋកិច្ចល្អប្រសើរឡើងវិញផងដែរ។ មួយវិញទៀត ឆ្លើយតបជាមួយនឹងការទាមទារនេះ លោក ចូកូ វីដូដូ ត្រៀមប្រកាសគម្រោងកញ្ចប់ថវិកាមួយដើម្បីដំណោះស្រាយទៅនឹងភាពយឺតយ៉ាវនៃកំណើនសេដ្ឋកិច្ច។
ដោយឡែកសម្រាប់ ការទាមទារមិនឲ្យមានកម្មករបរទេសចូលមកធ្វើការនៅឥណ្ឌូនេស៊ី រដ្ឋាភិបាល មិនទាន់យល់ស្របទៅនឹងសំណើរបស់កម្មករនោះទេ។ ក្នុងនោះ លោក Sofyan Djalil រដ្ឋមន្ត្រីគម្រោង អភិវឌ្ឍជាតិឥណ្ឌូនេស៊ី បានអះអាងថា ឥណ្ឌូនេស៊ី គួរតែស្វាគមន៍កម្មករបរទេសជំនាញខ្ពស់ដើម្បីចូលមកធ្វើការដើម្បីជួយបង្រៀនដល់កម្មករនៅក្នុងស្រុក។ លោកក៏បានផ្ញើសារទៅកាន់ពលរដ្ឋឥណ្ឌូនេស៊ី សូមកុំចាត់ទុកកម្មករបរទេសជាការគំរាមកំហែង តែពួកគេ មិនត្រឹមជួយបង្រៀនកម្មករក្នុងស្រុកនោះទេ តែថែមទាំងជួយបង្កើនផលិតភាពទៀតផង។
សូមរមឹ្លកផងដែរ ក្រោយពីលោកប្រធានាធិបតី ចូកូ វីដូដូ ឡើងកាន់តំណែងរយៈពេលជាងមួយឆ្នាំនេះ សេដ្ឋកិច្ចឥណ្ឌូនេស៊ីមិនងើបសោះ។ ផលិតផលក្នុងស្រុកសរុបរបស់ឥណ្ឌូនេស៊ីកើនឡើង ៤.៦៧ក្នុងឆមាសទីមួយនៃឆ្នាំ ២០១៥ ដែលកម្រិតនេះទាបបំផុតបើប្រៀបធៀបកម្រិតមុនក្នុងរយៈពេល៦ឆ្នាំកន្លងមកនេះ៕
Tag:
ឥណ្ឌូនេស៊ី
© រក្សាសិទ្ធិដោយ thmeythmey.com
