ជាតិ
ក្រសួងវប្បធម៌ព្រមានអ្នកលួចចម្លងស្នាដៃអ្នកដទៃ ត្រូវផ្តន្ទាទោសតាមច្បាប់
× ក្រុមអ្នកនិពន្ធ ផលិតករ សិល្បៈករ គួរតែជៀសវាងការចម្លងស្នាដៃរបស់អ្នកដទៃ ដើម្បីលើកកម្ពស់ស្នាដៃ និងផ្តល់ឱកាសឲ្យកម្ពុជា មានអ្វីថ្មីសម្រាប់មនុស្សជំនាន់ក្រោយ និងដើម្បីលើកកម្ពស់កម្មសិទ្ធិបញ្ហាឲ្យមានប្រសិទ្ធភាព។ នេះជាការទទូចរបស់ លោក គង់ កន្តារ៉ា អនុរដ្ឋលេខាធិការក្រសួងវប្បធម៌ និងវិចិត្រសិល្បៈ។
ថ្លែងនៅក្នុងសិក្ខាសាលាថ្នាក់ជាតិស្តីពីសិទ្ធិអ្នកនិពន្ធ និងសិទ្ធិប្រហាក់ប្រហែល កាលពីថ្ងៃទី៣១ខែកញ្ញា លោក គង់ កន្តារ៉ា ក៏បានគូសបញ្ជាក់ទៀតថា ការលួចចម្លងស្នាដៃនេះ បានធ្វើឲ្យប៉ះពាល់ដល់គំនិតបញ្ញា និងខាតបង់ផ្នែកសេដ្ឋកិច្ចសម្រាប់ក្រុមអ្នកនិពន្ធ ផលិតករ សិល្បៈករដែលព្យាយាមបង្កើតគំនិតថ្មី។
អនុរដ្ឋលេខាធិការក្រសួងវប្បធម៌ និងវិចិត្រសិល្បៈ បានសង្កត់ធ្ងន់ទៀតថា អ្នកដែលលួចចម្លងស្នាដៃអ្នកដទៃគឺត្រូវផ្តន្ទាទោសតាមច្បាប់អ្នកនិពន្ធដែលមានចែង ហើយបញ្ហានេះក្រសួងក៏បានបង្កើតគណៈកម្មការអន្តរក្រសួងដើម្បីបង្ក្រាបបទល្មើសផងដែរ៕
ប្រភព៖AKP
© រក្សាសិទ្ធិដោយ thmeythmey.com