កីឡាជាតិ
ជាតិ
×![]()
×![]()
ដោយ: ម៉ៅ សុផា
សំណាង វីរៈបុត្រ គឺជាបេក្ខជនមួយរូប ក្នុងចំណោមបេក្ខជនទាំង ៤រូប ដែលត្រូវបាន ក្រសួងអប់រំយុវជន និងកីឡា ជ្រើសរើសយកទៅចូលរួមប្រកួតកីឡា Pacific School Game ផ្នែកវាយកូនឃ្លីលើតុ នៅប្រទេសអូស្ត្រាលី។ សំណាង វីរៈបុត្រ មានអាយុ១៥ឆ្នាំ និងជាសិស្ស ថ្នាក់ទី៩ នៃសាលាអន្តរទ្វីបអាមេរិកកាំង។ ការចូលរួមប្រកួតនេះ នឹងដឹកនាំដោយ លោក សំ បូរ័ត្ន ដែលជាគ្រូបង្វឹកនៃសហព័ន្ធកីឡាវាយកូនឃ្លីលើតុកម្ពុជា និងជាគ្រូបង្វឹកកីឡាប្រចាំ សាលាអន្តរទ្វីបអាមេរិកាំង។ 
ជាសិស្សថ្នាក់ទី ៩ នៃសាលាអន្តរទ្វីបអាមេរិកាំង(AIS) សំណាង វីរៈបុត្រ ត្រូវបាន ក្រសួងអប់រំយុវជន និងកីឡា ជ្រើសរើសជាតំណាងកម្ពុជាយកទៅប្រកួតកីឡាវាយ កូនឃ្លីលើតុ លើឆាកអន្តរជាតិ កម្រិតសិស្សថ្នាក់វិទ្យាល័យ ក្នុងការប្រកួតកីឡា Pacific School Game។ ការប្រកួតនេះនឹងប្រព្រឹត្ត ទៅនៅថ្ងៃទី២១ ដល់ថ្ងៃទី២៩ ខែវិច្ឆិកា ឆ្នាំ២០១៥ នៅប្រទេសអូស្ត្រាលី។
ការប្រកួតកីឡា Pacific School Game គឺជាការប្រកួតកីឡាវាយកូនឃ្លីលើតុ រវាងសិស្សវិទ្យាល័យជាច្រើនលើពិភពលោកដែលរៀបចំឡើងនៅប្រទេសអូស្ត្រាលី។ នេះជាលើកទីមួយហើយ ដែលកម្ពុជាត្រូវបានអញ្ជើញឲ្យចូលរួមប្រកួតក្នុង កីឡាវាយកូនឃ្លីលើតុនេះ។
សំណាង វីរៈបុត្រ ត្រូវបានគ្រូបង្វឹកទទួលស្គាល់ថា ជាសិស្សពូកែ និងរហ័សរហួនក្នុងការ លេងកីឡាវាយកូនឃ្លីលើតុ ទើបសម្រេចជ្រើសរើសយកកុមារារូបនេះ ទៅប្រកួតលើ ឆាកអន្តរជាតិ។ការទទួលបានឱកាសចូលរួមប្រកួតលើឆាកអន្តរជាតិនេះ ពិតជាធ្វើឲ្យគេរំភើប និងសប្បាយចិត្តយ៉ាងខ្លាំង ព្រោះខ្លួនបានទទួលនូវអ្វី ដែលខ្លួនបានខិតខំប្រឹងប្រែង។
វីរៈបុត្រ បានសម្តែងនូវអារម្មណ៍យ៉ាងដូច្នេះថា៖«ខ្ញុំពិតជាសប្បាយមែនទែន និងមានមោទនភាពចំពោះខ្លួនឯង ដែលមានឱកាសបានទៅប្រកួតប្រជែងលើឆាកអន្តរជាតិ។ ការពិតខ្ញុំក៏ធ្លាប់រំពឹងទុកដែរថា នឹងមានឱកាសបានចូលរួមប្រកួតថ្នាក់អន្តរជាតិ»។
ចំណែកឯលោក តេង សំណាង ដែលជាឪពុករបស់ កុមារា វីរៈបុត្រ បានសម្តែងនូវមោទនភាពចំពោះកូនខ្លួន ដែលមានសមត្ថភាពខ្ពស់ រហូតត្រូវបានជ្រើសរើសឲ្យចូលរួមប្រកួតលើឆាកអន្តរជាតិ។ លោកបានសម្តែងចេញនូវក្តីរំភើបថា៖ «ខ្ញុំសប្បាយចិត្តខ្លាំងណាស់ ពេលឃើញកូនមានឱកាសបានទៅចួលរួមប្រកួត ជាលក្ខណៈអន្តរជាតិដូច្នេះ។ ហើយខ្ញុំសង្ឃឹមថាគាត់នឹងនាំជ័យជម្នះជូនប្រទេសជាតិយើងទាំងអស់គ្នា»។
សិស្សឆ្នើមផ្នែកកីឡាវាយកូនឃ្លីលើតុរូបនេះ អាចមានវាសនាខ្ពស់ដូច្នេះ ដោយសារតែ ខ្លួនមានទេពកោសល្យ និងចំណង់ចំណូលចិត្តលេងកីឡាប្រភេទនេះយ៉ាងខ្លាំង ដែលជាហេតុធ្វើឲ្យ វីរៈបុត្រ លេចធ្លោក្នុងចំណោមសិស្សជាច្រើន នៃសាលាអន្តរទ្វីបអាមេរិកកាំង។ កុមារាសម្បុរខ្មៅស្រអែមរូបនេះ បញ្ជាក់ដូច្នេះថា «ខ្ញុំអាចនិយាយបានថាជាការគួបផ្សំគ្នា រវាងទេពកោសល្យ និងការខិតខំប្រឹងប្រែង។ បើយើងមានទេពកោសល្យហើយ តែមិនព្យាយាមហាត់បន្ថែមទៀត ក៏យើងមិនអាចខ្លាំងបានដែរ ដូច្នេះត្រូវគួបផ្សំការហ្វឹកហាត់បន្ថែមទៀត»។
ដោយសារតែ ទេពកោសល្យ រួមទាំងការប្រឹងប្រែងវឹកហាត់ វីរៈបុត្រ មានសង្ឃឹមថា ខ្លួននឹងអាចនាំជ័យជម្នះមកជូនប្រទេសជាតិ ក្នុងការប្រកួតនេះ។ វីរៈបុត្រ បានបង្ហាញពីទំនុកចិត្តថា៖ «ខ្ញុំសង្ឃឹមថាខ្ញុំនឹងអាចឈ្នះ ក្នុងការប្រកួតនេះ។ ខ្ញុំនឹងព្យាយាមឲ្យអស់ពីសមត្ថភាព ដើម្បីយកជ័យជម្នះ ជូនជាតិ និងជូនសាលា ព្រមទាំងគ្រួសាររបស់ខ្ញុំ»។
ដើម្បីទទួលបានជ័យជម្នះដូចការរំពឹងទុក រាល់ថ្ងៃ ប្អូន សំណាង វីរៈបុត្រ កំពុងតែហ្វឹកហាត់ យ៉ាងខ្លាំង ដោយមានការយកចិត្តទុកដាក់ពីសំណាក់គ្រូបង្វឹក។
លោក សំ បូរ័ត្ន ជាគ្រូបង្វឹកប្រចាំសាលាអន្តរទ្វីបអាមេរិកាំង បានបញ្ជាក់យ៉ាងនេះថា៖« ប្អូននៅក្មេង តែសមត្ថភាពគាត់ខ្លាំង។ ក្រៅពីបង្វឹក និងបង្ហាញនូវយុទ្ធសាស្ត្រ ព្រមទាំងបច្ចេកទេសក្នុងការលេង ខ្ញុំក៏ព្យាយាមពង្រឹងគាត់ផ្នែកចិត្តសាស្ត្រផងដែរ។ ខ្ញុំពន្យល់គាត់ កុំឲ្យគាត់ភិតភ័យ កុំឲ្យខ្លាចគេ ព្រោះការប្រកួតផ្នែកកីឡា មិនអាចមានអារម្មណ៍ខ្លាចគេបានទេ ត្រូវក្លាហាន និងរឹងមាំ ទើបអាចយកជ័យជម្នះលើគូប្រកួតបាន»។
លោក សែម ពេជ្រ នាយកផ្នែកកីឡា នៃសាលាអន្តរទ្វីបអាមេរិកាំង បានលើកឡើងថា រូបលោកពិតជាត្រេកអរ និងមានមោទនភាព ដែល សំណាង វីរៈបុត្រ ត្រូវបានជ្រើសជាបេក្ខជន ចូលរួមការប្រកួតនេះ។ លោកបញ្ជាក់បន្ថែមថា៖ «ខ្ញុំពិតជាសប្បាយ និងមានមោទនភាពចំពោះប្អូនមែនទែន ដែលប្អូននៅក្មេង តែប្អូនមានសមត្ថភាពខ្ពស់ក្នុងលេងកីឡានេះ។ ហើយជាពិសេសនោះ ប្អូនជាបេក្ខជនទីមួយ តំណាងឲ្យសាលាអន្តរទ្វីបអាមេរិកាំង ដែលត្រូវបានក្រសួង ជ្រើសរើសឲ្យចូលរួមប្រកួតលើឆាកអន្តរជាតិ ផ្នែកកីឡាវាយកូនឃ្លីលើតុ»។
សូមបញ្ជាក់ផងដែរថា កម្ពុជានឹងធ្វើជាម្ចាស់ផ្ទះ ក្នុងការប្រកួតកីឡាPacific School Gameនេះ នៅឆ្នាំ២០២៣ ៕
ជាសិស្សថ្នាក់ទី ៩ នៃសាលាអន្តរទ្វីបអាមេរិកាំង(AIS) សំណាង វីរៈបុត្រ ត្រូវបាន ក្រសួងអប់រំយុវជន និងកីឡា ជ្រើសរើសជាតំណាងកម្ពុជាយកទៅប្រកួតកីឡាវាយ កូនឃ្លីលើតុ លើឆាកអន្តរជាតិ កម្រិតសិស្សថ្នាក់វិទ្យាល័យ ក្នុងការប្រកួតកីឡា Pacific School Game។ ការប្រកួតនេះនឹងប្រព្រឹត្ត ទៅនៅថ្ងៃទី២១ ដល់ថ្ងៃទី២៩ ខែវិច្ឆិកា ឆ្នាំ២០១៥ នៅប្រទេសអូស្ត្រាលី។
ការប្រកួតកីឡា Pacific School Game គឺជាការប្រកួតកីឡាវាយកូនឃ្លីលើតុ រវាងសិស្សវិទ្យាល័យជាច្រើនលើពិភពលោកដែលរៀបចំឡើងនៅប្រទេសអូស្ត្រាលី។ នេះជាលើកទីមួយហើយ ដែលកម្ពុជាត្រូវបានអញ្ជើញឲ្យចូលរួមប្រកួតក្នុង កីឡាវាយកូនឃ្លីលើតុនេះ។
សំណាង វីរៈបុត្រ ត្រូវបានគ្រូបង្វឹកទទួលស្គាល់ថា ជាសិស្សពូកែ និងរហ័សរហួនក្នុងការ លេងកីឡាវាយកូនឃ្លីលើតុ ទើបសម្រេចជ្រើសរើសយកកុមារារូបនេះ ទៅប្រកួតលើ ឆាកអន្តរជាតិ។ការទទួលបានឱកាសចូលរួមប្រកួតលើឆាកអន្តរជាតិនេះ ពិតជាធ្វើឲ្យគេរំភើប និងសប្បាយចិត្តយ៉ាងខ្លាំង ព្រោះខ្លួនបានទទួលនូវអ្វី ដែលខ្លួនបានខិតខំប្រឹងប្រែង។
វីរៈបុត្រ បានសម្តែងនូវអារម្មណ៍យ៉ាងដូច្នេះថា៖«ខ្ញុំពិតជាសប្បាយមែនទែន និងមានមោទនភាពចំពោះខ្លួនឯង ដែលមានឱកាសបានទៅប្រកួតប្រជែងលើឆាកអន្តរជាតិ។ ការពិតខ្ញុំក៏ធ្លាប់រំពឹងទុកដែរថា នឹងមានឱកាសបានចូលរួមប្រកួតថ្នាក់អន្តរជាតិ»។
ចំណែកឯលោក តេង សំណាង ដែលជាឪពុករបស់ កុមារា វីរៈបុត្រ បានសម្តែងនូវមោទនភាពចំពោះកូនខ្លួន ដែលមានសមត្ថភាពខ្ពស់ រហូតត្រូវបានជ្រើសរើសឲ្យចូលរួមប្រកួតលើឆាកអន្តរជាតិ។ លោកបានសម្តែងចេញនូវក្តីរំភើបថា៖ «ខ្ញុំសប្បាយចិត្តខ្លាំងណាស់ ពេលឃើញកូនមានឱកាសបានទៅចួលរួមប្រកួត ជាលក្ខណៈអន្តរជាតិដូច្នេះ។ ហើយខ្ញុំសង្ឃឹមថាគាត់នឹងនាំជ័យជម្នះជូនប្រទេសជាតិយើងទាំងអស់គ្នា»។
សិស្សឆ្នើមផ្នែកកីឡាវាយកូនឃ្លីលើតុរូបនេះ អាចមានវាសនាខ្ពស់ដូច្នេះ ដោយសារតែ ខ្លួនមានទេពកោសល្យ និងចំណង់ចំណូលចិត្តលេងកីឡាប្រភេទនេះយ៉ាងខ្លាំង ដែលជាហេតុធ្វើឲ្យ វីរៈបុត្រ លេចធ្លោក្នុងចំណោមសិស្សជាច្រើន នៃសាលាអន្តរទ្វីបអាមេរិកកាំង។ កុមារាសម្បុរខ្មៅស្រអែមរូបនេះ បញ្ជាក់ដូច្នេះថា «ខ្ញុំអាចនិយាយបានថាជាការគួបផ្សំគ្នា រវាងទេពកោសល្យ និងការខិតខំប្រឹងប្រែង។ បើយើងមានទេពកោសល្យហើយ តែមិនព្យាយាមហាត់បន្ថែមទៀត ក៏យើងមិនអាចខ្លាំងបានដែរ ដូច្នេះត្រូវគួបផ្សំការហ្វឹកហាត់បន្ថែមទៀត»។
ដោយសារតែ ទេពកោសល្យ រួមទាំងការប្រឹងប្រែងវឹកហាត់ វីរៈបុត្រ មានសង្ឃឹមថា ខ្លួននឹងអាចនាំជ័យជម្នះមកជូនប្រទេសជាតិ ក្នុងការប្រកួតនេះ។ វីរៈបុត្រ បានបង្ហាញពីទំនុកចិត្តថា៖ «ខ្ញុំសង្ឃឹមថាខ្ញុំនឹងអាចឈ្នះ ក្នុងការប្រកួតនេះ។ ខ្ញុំនឹងព្យាយាមឲ្យអស់ពីសមត្ថភាព ដើម្បីយកជ័យជម្នះ ជូនជាតិ និងជូនសាលា ព្រមទាំងគ្រួសាររបស់ខ្ញុំ»។
ដើម្បីទទួលបានជ័យជម្នះដូចការរំពឹងទុក រាល់ថ្ងៃ ប្អូន សំណាង វីរៈបុត្រ កំពុងតែហ្វឹកហាត់ យ៉ាងខ្លាំង ដោយមានការយកចិត្តទុកដាក់ពីសំណាក់គ្រូបង្វឹក។
លោក សំ បូរ័ត្ន ជាគ្រូបង្វឹកប្រចាំសាលាអន្តរទ្វីបអាមេរិកាំង បានបញ្ជាក់យ៉ាងនេះថា៖« ប្អូននៅក្មេង តែសមត្ថភាពគាត់ខ្លាំង។ ក្រៅពីបង្វឹក និងបង្ហាញនូវយុទ្ធសាស្ត្រ ព្រមទាំងបច្ចេកទេសក្នុងការលេង ខ្ញុំក៏ព្យាយាមពង្រឹងគាត់ផ្នែកចិត្តសាស្ត្រផងដែរ។ ខ្ញុំពន្យល់គាត់ កុំឲ្យគាត់ភិតភ័យ កុំឲ្យខ្លាចគេ ព្រោះការប្រកួតផ្នែកកីឡា មិនអាចមានអារម្មណ៍ខ្លាចគេបានទេ ត្រូវក្លាហាន និងរឹងមាំ ទើបអាចយកជ័យជម្នះលើគូប្រកួតបាន»។
លោក សែម ពេជ្រ នាយកផ្នែកកីឡា នៃសាលាអន្តរទ្វីបអាមេរិកាំង បានលើកឡើងថា រូបលោកពិតជាត្រេកអរ និងមានមោទនភាព ដែល សំណាង វីរៈបុត្រ ត្រូវបានជ្រើសជាបេក្ខជន ចូលរួមការប្រកួតនេះ។ លោកបញ្ជាក់បន្ថែមថា៖ «ខ្ញុំពិតជាសប្បាយ និងមានមោទនភាពចំពោះប្អូនមែនទែន ដែលប្អូននៅក្មេង តែប្អូនមានសមត្ថភាពខ្ពស់ក្នុងលេងកីឡានេះ។ ហើយជាពិសេសនោះ ប្អូនជាបេក្ខជនទីមួយ តំណាងឲ្យសាលាអន្តរទ្វីបអាមេរិកាំង ដែលត្រូវបានក្រសួង ជ្រើសរើសឲ្យចូលរួមប្រកួតលើឆាកអន្តរជាតិ ផ្នែកកីឡាវាយកូនឃ្លីលើតុ»។
សូមបញ្ជាក់ផងដែរថា កម្ពុជានឹងធ្វើជាម្ចាស់ផ្ទះ ក្នុងការប្រកួតកីឡាPacific School Gameនេះ នៅឆ្នាំ២០២៣ ៕
© រក្សាសិទ្ធិដោយ thmeythmey.com
