ជាតិ
នយោបាយជាតិ
មនុស្សជាង ៣ ពាន់នាក់នឹងចូលរួមសមាជគណបក្សសំបុកឃ្មុំជ្រើសរើសប្រធានបក្ស
×
គណបក្សសំបុកឃ្មុំសង្គមប្រជាធិបតេយ្យរបស់ក្រុមលោក ម៉ម សូណង់ដូ នឹងធ្វើសមាជនៅថ្ងសទី ៩ ខែ កញ្ញា ខាងមុខនេះ ដើម្បីជ្រើសរើសក្បាលម៉ាស៊ីនដឹកនាំគណបក្ស។
អ្នកគាំទ្រជាង ៣ ពាន់នាក់ ដែលលោក ម៉ម សូណង់ដូ រំពឹងថា នឹងចូលរួមនៅក្នុងសមាជគណបក្សសំបុកឃ្មុំប្រជាធិបតេយ្យនៅថ្ងៃទី ០៩ ខែកញ្ញា ឆ្នាំ២០១៥ នៅក្នុងបរិវេណគេហដ្ឋានលោក ម៉ម សូណង់ដូ នៅឃុំគគី ក្នុងស្រុកគៀនស្វាយ។ លោក ម៉ម សូណង់ដូ ដែលជាប្រធានស្ថាបនិកបណ្ណោះអាសន្នគណបក្សនេះ បានបញ្ជាក់ថា សមាជគណបក្សលោកដែលទទួលបានការអនុញ្ញាតពីក្រសួងមហាផ្ទៃហើយនោះ ធ្វើឡើងដើម្បីជ្រើសរើសប្រធានបក្ស ។ លោក ម៉ម សូណង់ដូ បន្ថែមថា ប្រសិនបើក្នុងសមាជខាងមុខពលរដ្ឋគាំទ្ររូបលោកឲ្យធ្វើជាប្រធានបក្ស បន្ទាប់មករូបលោក នឹងរើសអនុប្រធាន និងអគ្គលេខាធិការបក្ស បន្ត ។
បើតាមលោក ម៉ម សូណង់ដូ គណបក្សនេះ នឹងចូលរួមប្រកួតប្រជែងក្នុងការបោះឆ្នោតឃុំ-សង្កាត់ នៅឆ្នាំ ២០១៧ និងបោះឆ្នោតថ្នាក់ជាតិនៅឆ្នាំ ២០១៨ ។ លោក ម៉ម សូណង់ដូ អះអាងថា ប្រសិនបើគណបក្សរបស់លោក មិនបានទទួលការគាំទ្រ ៥០ ភាគរយ បូក ១ នៅក្នុងការបោះឆ្នោតឆ្នាំ ២០១៨ ទេនោះ រូបលោក នឹងដើរចេញពីបក្ស៕
© រក្សាសិទ្ធិដោយ thmeythmey.com