ជាតិ
សុវត្តិភាព ចរាចរណ៍
មនុស្ស ១៩នាក់ស្លាប់និងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍ថ្ងៃទី១៦ កញ្ញា
× ភ្នំពេញ៖ មនុស្ស ៥នាក់ស្លាប់ និង១៤នាក់របួសធ្ងន់ស្រាល ក្នុងគ្រោះថ្នាក់ចរាចរណ៍ទូទាំងប្រទេសចំនួន ១០លើកនៅថ្ងៃទី១៦ ខែកញ្ញា ឆ្នាំ២០១៥។ នេះបើតាមការផ្សាយរបស់អគ្គស្នងការងារនគរបាលជាតិ។
ក្នុងករណីគ្រោះថ្នាក់ចរាចរណ៍ទាំង ១០លើក យានយន្តខូចខាតសរុប ១៥គ្រឿង ក្នុងនោះ រួមមាន ម៉ូតូចំនួន១០គ្រឿង រថយន្តធុនតូច៣គ្រឿង រថយន្តធុនធំ២គ្រឿង និងថ្មើរជើង២នាក់។
មូលហេតុបណ្តាលឲ្យមានគ្រោះថ្នាក់រួមមាន ល្មើសល្បឿន៤លើក ប្រជែងគ្រោះថ្នាក់១លើក ស្រវឹង២លើក បត់គ្រោះថ្នាក់១លើក និងមិនប្រកាន់ស្តាំ២លើក។ ដោយឡែក អ្នកមិនពាក់មួកសុវត្ថិភាពពេលគ្រោះថ្នាក់មាន១០នាក់ (យប់៥នាក់)៕
© រក្សាសិទ្ធិដោយ thmeythmey.com