ពីនេះ ពីនោះ
×![]()
ដោយ: ថ្មីៗ
ភិនភាគ៖ ជ្រូកពោនមានប្រវែងក្បាល-ដងខ្លួនពី ១៦៥-១០៤០ម.ម ទម្ងន់ ៧-១៤គ.ក កន្ទុយ១២០-១៧០ម.ម ជើងក្រោយ ១១៥-១៣៤ម.ម។ វាជាសត្វដែលមានមាឌធំ មានកន្ទុយខ្លី ជើងធំៗ និងមានក្រចកមាំកោងវែងពណ៌ស ច្រមុះរាងទ្រវែងដូចជ្រូក។ ជាទូទៅវាមានសម្បុរលឿងខ្លី ប្រផេះ ឬខ្មៅ ដែលប្រែប្រួលទៅតាមរដូវកាល ផ្នែកលើខ្នងមានពណ៌ក្រម៉ៅជាងផ្នែកខាងក្រោម។ នៅលើក្បាលមានឆ្នូតពណ៌សចេញពីត្រចៀកកាត់តាមភ្នែករហូតដល់ចុងច្រមុះ និងមានឆ្នូតខ្មៅនៅសង្ខាងភ្នែកដល់ត្រចៀក បន្ទាប់មកមានឆ្នូតសកាត់តាមថ្ពាល់ផ្នែកខាងលើ។ ទ្រូង និងត្រចៀកមានពណ៌ស។ 
ជីវសាស្ត្រ៖ ជ្រូកពោនជាសត្វរស់នៅតែលើដី តាមរូង ឬប្រហោងថ្ម និងរកស៊ីនៅពេលយប់។ វាមិនសូវពួកែភ្នែក និងត្រចៀកទេ តែវាប្រើច្រមុះហិតក្លិនច្រើនជាង។ ការរកចំណីចាប់ផ្តើមចេញនៅពេលព្រលប់ដែលអាហាររបស់វាគឺមើមរក្ខជាតិ ឬសឈើ ជន្លេន សត្វល្អិត និងសត្វតូច។ វាអាចមានកូនពី ២-៣ក្បាល។
រប៉ាយរស់នៅ៖ ប្រភេទនេះមាននៅតាមតំបន់ព្រៃ ស្ទើរទូទាំងប្រទេសកម្ពុជា ពិសេសគឺនៅភាគនិរតី ភាគឦសាន និងភាគខាងជើងប្រទេស។ រប៉ាយរបស់វាក៏មានផងដែរនៅភាគខាងត្បូងប្រទេសចិន ឥណ្ឌូចិន ភូមា ថៃ និងកោះស៊ូម៉ាត្រា។
ស្ថានភាពអភិរក្ស៖ ជ្រូកពោនជាប្រភេទស្ថិតក្នុងក្រុមមានដោយកម្រ និងមានចុះក្នុងបញ្ជីក្រហម IUCN (LC) ថាជាប្រភេទងាយរងគ្រោះតិចតួច។ ជ្រូកពោន កំពុងរងគ្រោះដោយសារការបរបាញ់ ទាក់ចាប់ ដើម្បីយកសំណាកធ្វើអាជីវកម្ម។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
