ជាតិ
សេចក្ដីណែនាំពីការជ្រើសរើសជំនាញ «ទេពកោសល្យព័ត៌មានវិទ្យា និងទំនាក់ទំនង» សិក្សាថ្នាក់ឧត្ដមសិក្សា
× យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សាជំនាញទេពកោសល្យព័ត៌មានវិទ្យា និងទំនាក់ទំនងដូចខាងក្រោម៖
ដើម្បីសិក្សាជំនាញទេពកោសល្យព័ត៌មានវិទ្យា និងទំនាក់ទំនង យុវជនត្រូវមានចំណេះដឹងមូលដ្ឋានលើមុខវិជ្ជាគណិតវិទ្យា រូបវិទ្យា និងគីមីវិទ្យា ។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលប្រាំឆ្នាំ ស្មើនឹង១២០ក្រេឌីតយ៉ាងតិច។ ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងទាក់ទងការយល់ដឹងពីវិធីសាស្ត្រក្នុងការសរសេរកម្មវិធីកុំព្យូទ័រ ដឹងពីប្រព័ន្ធប្រតិបត្តិការម៉ាស៊ីនកុំព្យូទ័រ ដឹងពីប្រព័ន្ធគ្រប់គ្រងទិន្នន័យ បណ្ដាញកុំព្យូទ័រ តក្កវិទ្យា។ និស្សិតនឹងយល់ដឹងពីកម្មវិធី Internet និងកម្មវិធីពហុព័ត៌មាន និងបញ្ញាសិប្បនិមិ្ម។
និស្សិតដែលសិក្សាជំនាញទេពកោសកោសល្យព័ត៌មានវិទ្យា និងទំនាក់ទំនង ឬបរិញ្ញាបត្រកោសល្យព័ត៌មានវិទ្យា និងទំនាក់ទំនង នេះអាចទៅបម្រើការងារនៅតាមអង្គភាពឬមុខនាទីដូចជា ធ្វើជាសាស្ត្រចារ្យតាមគ្រឹះស្ថានសិក្សា និងធ្វើការនៅតាមក្រុមហ៊ុនទូរស័ព្ទចល័ត និងអចល័ត ក្រុមហ៊ុនអង្គការ និងតាមស្ថាប័នផ្សេង។
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា។
© រក្សាសិទ្ធិដោយ thmeythmey.com