ជាតិ
សេចក្ដីណែនាំពីការជ្រើសរើសជំនាញ «ទេពកោសល្យអគ្គីសនី ថាមពល និងទូរគមនាគមន៍» សិក្សាថ្នាក់ឧត្ដមសិក្សា
× យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សាជំនាញទេពកោសល្យអគ្គីសនី ថាមពល និងទូរគមនាគមន៍ដូចខាងក្រោម៖
ដើម្បីសិក្សាជំនាញទេពកោសល្យអគ្គីសនី ថាមពល និងទូរគមនាគមន៍យុវជនត្រូវមានចំណេះដឹងមូលដ្ឋានលើមុខវិជ្ជាគណិតវិទ្យា រូបវិទ្យា និងគីមីវិទ្យា ។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលប្រាំឆ្នាំ ស្មើនឹង១២០ក្រេឌីតយ៉ាងតិច។ ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងទាក់ទងការយល់ដឹងពីអគ្គីសនីក្នុងអាគារ និងឧស្សាហកម្ម។ យល់ដឹងពីការផ្គត់ផ្គងថាមពលអគ្គីសនីក្នុងផ្នែកឧស្សាហរកម្ម និងការចែកចាយថាមពលអគ្គីសនី ដឹងពីរោងចក្រអគ្គីសនីនិងអនុស្ថានីយ អគ្គីសនី បណ្ដាញអគ្គីសនី។ យល់ដឹងពីស្វ័យប្រតិកម្មទំនើបក្នុងសហគ្រាសឧស្សាហកម្ម និងយល់ដឹងពីប្រព័ន្ធទូរគមនាគមនចល័ត និងអចល័ត។
និស្សិតដែលសិក្សាជំនាញទេពកោសល្យ អគ្គីសនី ថាមពល និងទូរគមនាគមន៍ ឬបរិញ្ញាបត្រទេពកោសល្យ អគ្គីសនី ថាមពល និងទូរគមនាគមន៍ នេះអាចទៅបម្រើការងារនៅតាមអង្គភាពឬមុខនាទីដូចជា ធ្វើនៅរោងចក្រ ឬក្រុមហ៊ុនអគ្គីសនី ក្រសួងឧស្សាហកម្ម រ៉ែនិងថាមពល។ ធ្វើការនៅក្រុមហ៊ុនផលិតថ្នាំជក់ ក្រុមហ៊ុនទូរស័ព្ទចល័ត និងអចល័ត អង្គការនិងតាមស្ថាប័នផ្សេង។
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា។
© រក្សាសិទ្ធិដោយ thmeythmey.com