ជាតិ
នយោបាយជាតិ
លោក សម រង្ស៊ី៖ ប្រជារាស្ត្រខ្មែរ ជាតុលាការចុងក្រោយដែលអាចរកយុត្តិធម៌ជូនជនរងគ្រោះ រូបភាព៖ ហ្វេសប៊ុក លោក សម រង្ស៊ី ប្រធានគណបក្សសង្គ្រោះជាតិ
× លោក សម រង្ស៊ី ប្រធានគណបក្សសង្គ្រោះជាតិ បានថ្លែងថា តុលាការធំបំផុតដែលសម្រេចក្តីចុងក្រោយគឺប្រជារាស្ត្រខ្មែរ ។ ការថ្លែងបែបនេះ ត្រូវបានធ្វើឡើងនៅក្នុងពិធីបង្សុកូល ឧទ្ទិសកុសលជនរងគ្រោះដែលស្លាប់ នៅក្នុងព្រឹត្តិការណ៍ផ្ទុះគ្រាប់បែកនៅមុខអតីតរដ្ឋសភា នាថ្ងៃទីនៅថ្ងៃទី៤ខែតុលានេះ។
ស្តាប់សំឡេងលោក សម រង្ស៊ី ៖
នៅចំពោះមុខក្រុមគ្រួសារជនរងគ្រោះ លោក សម រង្ស៊ី បានថ្លែងបន្តថា រយៈពេល ១៨ឆ្នាំហើយ នៅតែមិនទាន់បានយុត្តិធម៌វែកមុខជនឧក្រិដ្ឋយកទៅផ្ដន្ទាទោសតាមច្បាប់។ លោកថាតុលាការគ្មានឆន្ទៈរកការពិតលាតត្រដាងការពិត ដើម្បីផ្តល់យុត្តិធម៌ជូនជនរងគ្រោះ ដូច្នេះបើតាមប្រធានគណបក្សប្រឆាំងរូបនេះ គេមិនអាចរំពឹងលើតុលាការសព្វថ្ងៃនេះទេតែរំពឹងលើប្រជារាស្ត្រខ្មែរ។ ប្រជារាស្ត្រខ្មែរដែលលោក សម រង្ស៊ី ចង់សំដៅទៅសិទ្ធិអំណាចក្នុងការបោះឆ្នោតជ្រើសរើសរដ្ឋាភិបាលថ្មី ពោលគឺមានន័យថា ប្រសិនបើគណបក្សលោកឈ្នះឆ្នោត រដ្ឋាភិបាលរបស់លោក សម រង្ស៊ី នឹងស្វែងរកយុត្តិធម៌ជូនជនរងគ្រោះទាំងនោះ។
ជាមួយគ្នានោះដែរ លោក សម រង្ស៊ី ក៏បានថ្លែងធានាថា តុលាការនឹងធ្វើការដោយឯករាជ្យ ក្រោមការដឹកនាំរបស់ខ្លួន ព្រមទាំងបញ្ចប់វប្បធម៌និទណ្ឌភាពផងដែរ៕
© រក្សាសិទ្ធិដោយ thmeythmey.com