កីឡាជាតិ
ជាតិ
MMA កម្ពុជានឹងរៀបចំការប្រកួតជ្រើសរើសជើងឯកថ្នាក់ជាតិនាខែវិច្ឆិកា
× សមាគមកីឡាវាយដាក់ទ្រុង កម្ពុជា (MMA) នឹងរៀបចំការប្រកួតជ្រើសរើសជើងឯកថ្នាក់ជាតិឆ្នាំ២០១៥ ក្នុងប្រភេទទម្ងន់ ៥៧ និង៦៦គីឡូក្រាម នៅថ្ងៃទី១១ ដល់ថ្ងៃទី១៤ ខែវិច្ឆិកា នៅណាហ្គាវើល ខាងមុខនេះ។ កីឡាករចូលរួមប្រកួតមានចំនួន ២២នាក់ មកពីក្លឹបចំនួន ១៣ ប៉ុន្តែចំនួនកីឡាករអាចមានការថយចុះ ឬកើនឡើងអាស្រ័យលើការប្រកួតតេស្តិ៍សមត្ថភាព។ នេះជាការបញ្ជាក់របស់លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា។
កីឡាករ (MMA) ដែលនឹងចូលរួមប្រកួតសម្រាប់ទម្ងន់ ៥៧គីឡូក្រាមមាន កីឡាករ វី តារា (ក្លឹបល្បុក្កតោ ស) កីឡាករ ប្រាក់ បាន់ស៊ីន និង តក់ ភ័ណ្ឌ (ក្លឹបម្កុជរាសីហ៍) កីឡាករ ហ៊ុន គីរី ម(ក្លឹបតាព្រហ្មមានជ័យ) កីឡាករ ចាន់ មករា និង និង សម្បត្តិ ខេមរា (ក្លឹបល្បុក្កតោអង្គមានរិទ្ធិ) កីឡាករ ថៃ រិទ្ធី (ក្លឹបនាគរាជគុនខ្មែរ) កីឡាករ ឡុង ផល្លា (ក្លឹបសាលវ័ន្តកីឡា) និងកីឡាករ ជួង ទីតា និង ជឹម ចិត្រា មកពីក្លឹបខ្លារខិន។
ចំណែកទម្ងន់ ៦៦គីឡូក្រាមមានកីឡាករ សេរី សុផាត និង ឈន ឈៀង (ក្លឹបល្បុក្កតោអង្គមានរិទ្ធ) កីឡាករ ឡុង ប៊ុនយីម (ក្លឹបសាលវ័ន្តកីឡា) កីឡាករ ឌឹម ង៉ែត (ក្លឹបរាជព្រឹក្ស) កីឡាករ ម៉ឺន ដា (ក្លឹបខ្លារខិន) កីឡាករ សំអាត ចាន់រាជ (Cambodia Top Team) កីឡាករ លី សារ៉ន (ក្លឹបសុភានូមានជ័យ) កីឡាករ ស៊ឹម ប៊ុនស្រ៊ន់ (ក្លឹបរាជសីហ៍ យូដូ) រតនា ណយ និង ចាន់ រក្សា (ក្លឹបអេភូថងកីឡា) កីឡាករ រឿង សុផាន់ដានី (ក្លឹបល្បុក្កតោ ស) និង កីឡាករ នឿន ប៊ុនធឿន មកពីក្លឹបព្រៃវែង។
ការប្រកួតនេះធ្វើឡើងតាមរូបមន្តវាយវិលជុំ ដើម្បីជ្រើសរើសយក ៤នាក់ក្នុងប្រភេទទម្ងន់នីមួយៗ ដើម្បីបន្តការប្រកួតវគ្គពាក់កណ្តាលផ្តាច់ព្រ័ត និងផ្តាច់ព្រ័ត ដើម្បីជ្រើសរើសជើងឯក៕
© រក្សាសិទ្ធិដោយ thmeythmey.com