ជាតិ
ទូតអាមេរិក និងភរិយាជនជាតិខ្មែរថ្វាយបង្គំព្រះនៅវត្តឧណ្ណាលោមក្នុងថ្ងៃបិណ្ឌ១២
× ឯកអគ្គរដ្ឋទូតសហរដ្ឋអាមេរិកលោក William Heidt និងភរិយារបស់លោកដែលជាជនជាតិខ្មែរ បាននាំគ្នាទៅថ្វាយបង្គំព្រះសង្ឃនៅវត្តឧណ្ណាលោមនៅព្រឹកថ្ងៃសុក្រដែលជាថ្ងៃបិណ្ឌទី១២ ។ រូបភាពនៃវត្តមានស្វាមីភរិយាឯកអគ្គរដ្ឋទូតអាមេរិកថ្មីនៅក្នុងអារ៉ាមត្រូវបានបង្ហាញនៅក្នុងទំព័រហ៊្វេសប៊ុកនៃស្ថានទូតអាមេរិកប្រចាំកម្ពុជា។
មិនត្រឹមតែតែបង្ហាញរូបថតនៃការអុជធូប ថ្វាយផ្កាប៉ុណ្ណោះទេ លោកឯកអគ្គរដ្ឋទូតអាមេរិកក៏បាននិយាយឆ្លងឆ្លើយជាមួយពលរដ្ឋខ្មែរអ្នកគាំទ្រទំព័រហ៊្វេសប៊ុកស្ថានទូតអាមេរិកដែរ។ ពួកគេសុំឲ្យលោកឯកអគ្គរដ្ឋទូតទៅវត្តនៅដាច់ស្រយាលផងដែរ។
© រក្សាសិទ្ធិដោយ thmeythmey.com