ជាតិ
×![]()
ដោយ: ថ្មីៗ
ខណៈដែលលោកនាយករដ្ឋមន្ត្រី ហ៊ុន សែន សរសើរមិនដាច់ពីមាត់ពីកម្មវិធីប្រឡងចម្រៀង Cambodian Idol របស់ទូរទស្សន៍ហង្សមាស លោក អេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ បានមើលឃើញពីភាពមិនប្រក្រតីនៃការជម្រុះបេក្ខជននារយៈពេល៣សប្តាហ៍កន្លងមកនេះ។
តាមរយៈទំព័រហ្វេសប៊ុករបស់ខ្លួននៅថ្ងៃនេះ លោក អេង ឆៃអ៊ាង បានសរសេររៀបរាប់ពីភាពមិនប្រក្រតីនៅក្នុងកម្មវិធី Cambodian Idol ដោយភ្ជាប់ជាមួយរូបថតសមាជិកគណៈកម្មការបួនរូបគឺលោកព្រាប សុវត្ថិ លោក ឆន សុវណ្ណារាជ លោក ណុប បាយ៉ារិទ្ធ និងកញ្ញា ឱក សុគន្ធកញ្ញា រីឯរូបថតមួយសន្លឹកទៀត គឺរូបរបស់ អ៊ាម វន្នី ដែលបានធ្លាក់ចេញពីរាត្រីថ្ងៃអាទិត្យ។
លោក អេង ឆៃអ៊ាង ដែលជាប្រធានគណៈកម្មការទីមួយរដ្ឋសភាផងដែរនោះ បានលើកឡើងថា លោកមិនមាននិស្ស័យជាមួយសិល្បៈទេ ប៉ុន្តែសិល្បៈជាចំណីអារម្មណ៍ និងចក្ខុរបស់លោក ដែលនាំឲ្យលោកចំណាយពេលវេលារៀងរាល់យប់ថ្ងៃអាទិត្យដើម្បីទស្សនាកម្មវិធី Cambodian Idol។
ជាមួយនឹងការកោតសរសើរការងាររបស់គណៈកម្មការនារយៈពេល៧សប្តាហ៍កន្លងមកនោះ លោក អេង ឆៃអ៊ាង បានមើលឃើញនូវភាពមិនប្រក្រតីនារយៈពេល៣សប្តាហ៍ចុងក្រោយនេះ។ លោកបានកត់សម្គាល់ថា៖ «បេក្ខជនដែលបានជម្រុះចេញពីការប្រកួត ហាក់មានភាពមិនប្រក្រតី ពោលគឺបេក្ខជនរូបណាដែលគណៈកម្មការរិះគន់ចំណុចខ្វះខាតបន្តិចបន្តួច ដល់ពេលប្រកាសលទ្ធផល បេក្ខជនរូបនោះត្រូវធ្លាក់ ដែលធ្វើឲ្យអ្នកទស្សនាមិនអស់ចិត្ត ព្រោះពិន្ទុដែលអ្នកទស្សនាដាក់ឲ្យបេក្ខជនមួយរូបៗ មិនត្រូវបានបង្ហាញជាសាធារណៈ ៕
Tag:
Cambodian Idol
© រក្សាសិទ្ធិដោយ thmeythmey.com
