ជាតិ
កម្ពុជានឹងធ្វើជាម្ចាស់ផ្ទះពិធីបុណ្យសូត្រស្វាធ្យាយព្រះត្រៃបិដកអន្តរជាតិលើកទី១១
× កម្ពុជា នឹងធ្វើជាម្ចាស់ផ្ទះនៃពិធីបុណ្យសូត្រស្វាធ្យាយ ព្រះត្រៃបិដកអន្តរជាតិលើកទី១១ ដែលនឹងប្រព្រឹត្តទៅនៅថ្ងៃទី២ដល់ទី១៣ខែធ្នូខាងមុខ។ ព្រះសង្ឃ និងពុទ្ធបរិស័ទជាង២០ម៉ឺនអង្គ/នាក់ មកពីប្រទេសចំនួន១៣ នឹងចូលរួមនៅក្នុងពិធីបុណ្យរយៈពេល១១ថ្ងៃនេះ។
យោងតាមការចុះផ្សាយរបស់ទីភ្នាក់ងារព័ត៌មានកម្ពុជា AKP គណៈសង្ឃត្រូវការថវិកាជាង២៥ម៉ឺនដុល្លារ ដើម្បីចំណាយលើការរៀបចំកម្មវិធីបុណ្យរយៈពេល១១ថ្ងៃនេះ ឲ្យកាន់តែប្រសើរស្របតាមគន្លងព្រះពុទ្ធសាសនា។
ព្រះតេជគុណព្រះទេវសត្ថា ពឿយ មេត្តា ប្រធានសមាគមសមណនិស្សិតកម្ពុជា និងជាព្រះចៅអធិការវត្តខ្មែរទាំង៨នៅឥណ្ឌា បានមានព្រះថេរដីកាថា ពិធីបុណ្យសូត្រស្វាធ្យាយ ព្រះត្រៃបិដក គឺជាពិធីបុណ្យដ៏ធំរបស់ព្រះពុទ្ធសាសនា។
សូមបញ្ជាក់ថា បុណ្យស្វាធ្យាយគម្ពីរព្រះត្រៃបិដកអន្តរជាតិនេះ នឹងត្រូវរៀបចំឡើងជារៀងរាល់ឆ្នាំតាមវេនតួអក្សរនៃប្រទេសសមាជិកកាន់សាសនាព្រះពុទ្ធទាំង១៣ប្រទេស។ ប្រទេសវៀតណាម នឹងធ្វើជាម្ចាស់ផ្ទះនៃពិធីបុណ្យនេះ នៅឆ្នាំក្រោយ៕
ប្រភព៖AKP
© រក្សាសិទ្ធិដោយ thmeythmey.com