ជាតិ
សង្គមជាតិ
សាលារាជធានីភ្នំពេញរៀបចំគោលការណ៍ចាត់វិធានការលើអ្នកយកចិញ្ចើមផ្លូវធ្វើអាជីវកម្ម
×![]()
ដោយ: ខន ចំប៉ា
សាលារាជធានីភ្នំពេញកំពុងរៀបចំគោលការណ៍ដាក់ឆ្លងទៅក្រុមប្រឹក្សាដើម្បីចេញដីកា ក្នុងការគ្រប់គ្រង់ចិញ្ចើមផ្លូវ ដែលត្រូវបានរំលោភដោយម្ចាស់លំនៅដ្ឋានមួយចំនួន នៅក្នុងរាជធានីភ្នំពេញ។ នេះជាការបញ្ជាក់របស់ លោក ប៉ា សុជាតិវង្ស អភិបាលរាជធានីភ្នំពេញ។
គេហទំព័រអគ្គស្នងការនគរបាលជាតិ បានស្រង់សម្តីរបស់លោក ប៉ា សុជាតិវង្ស បន្តទៀតថា មហាវិថីធំៗចំនួន៥ នឹងត្រូវអនុវត្តន៍មុនគេ។ ប៉ុន្តែលោក ប៉ា សុជាតិវង្ស មិនបានបញ្ជាក់ឈ្មោះមហាវិថីនោះទេ។ នៅក្នុងគោលការណ៍គ្រប់គ្រងចិញ្ចើមផ្លូវនេះ ក៏មានការរៀបចំជាថ្មី នូវខ្សែលើអាកាសរញ៉េរញ៉ៃ ដូចជាការកាត់ខ្សែទូរសព្ទ ខ្សែកាបអុបទិក ចេញពីបង្គោលភ្លើង កប់ចូលក្នុងដី ដើម្បីសោភ័ណភាពក្រុងភ្នំពេញ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងប្រាប់សារព័ត៌មានថ្មីៗនៅថ្ងៃទី១៣ខែវិច្ឆិកាថា គោលការណ៍នេះកំពុងស្ថិតនៅក្នុងដំណាក់កាលនៃការសិក្សា។ លោកថាបច្ចុប្បន្នអាជ្ញាធរក៏កំពុងស្រង់ទិន្នន័យ និងធ្វើការណែនាំដល់ប្រជាពលរដ្ឋអំពីការប្រើប្រាស់ចិញ្ចើមផ្លូវផងដែរ។
«ការសិក្សាលើផ្លូវច្បាប់ ក៏កំពុងធ្វើឡើងដែរ ដើម្បីដាក់សម្ពាធទៅដល់ប្រជាពលរដ្ឋដែលនៅតែចចេស រំលោភលើចិញ្ចើមផ្លូវ ឬយកធ្វើអាជីវកម្ម»។ នេះជាការបន្ថែមរបស់អ្នកនាំពាក្យរូបនេះ មុននឹងលោកបន្តថា ច្បាប់នោះតម្រូវឲ្យពលរដ្ឋបង់ប្រាក់ចូលថវិការដ្ឋ ប្រសិនបើគាត់នៅតែបំពាន។
ជុំវិញរឿងបង់ប្រាក់ជាថ្នូនឹងការយកចិញ្ចើមផ្លូវធ្វើអាជីវកម្មនេះ កន្លងមកប្រជាពលរដ្ឋតែងតែអះអាងថា ពួកគាត់បានបង់ប្រាក់ជាប្រចាំថ្ងៃ និងប្រចាំខែ ទៅឲ្យអាជ្ញាធរ។ ទាក់ទងនឹងបញ្ហានេះ លោកឡុង ឌីម៉ង់ មិនបានអត្ថាធិប្បាយច្រើននោះទេ គ្រាន់តែនិយាយថា លុយទាំងនោះ មិនបានចូលទៅក្នុងថវិការដ្ឋនោះទេ៕
គេហទំព័រអគ្គស្នងការនគរបាលជាតិ បានស្រង់សម្តីរបស់លោក ប៉ា សុជាតិវង្ស បន្តទៀតថា មហាវិថីធំៗចំនួន៥ នឹងត្រូវអនុវត្តន៍មុនគេ។ ប៉ុន្តែលោក ប៉ា សុជាតិវង្ស មិនបានបញ្ជាក់ឈ្មោះមហាវិថីនោះទេ។ នៅក្នុងគោលការណ៍គ្រប់គ្រងចិញ្ចើមផ្លូវនេះ ក៏មានការរៀបចំជាថ្មី នូវខ្សែលើអាកាសរញ៉េរញ៉ៃ ដូចជាការកាត់ខ្សែទូរសព្ទ ខ្សែកាបអុបទិក ចេញពីបង្គោលភ្លើង កប់ចូលក្នុងដី ដើម្បីសោភ័ណភាពក្រុងភ្នំពេញ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងប្រាប់សារព័ត៌មានថ្មីៗនៅថ្ងៃទី១៣ខែវិច្ឆិកាថា គោលការណ៍នេះកំពុងស្ថិតនៅក្នុងដំណាក់កាលនៃការសិក្សា។ លោកថាបច្ចុប្បន្នអាជ្ញាធរក៏កំពុងស្រង់ទិន្នន័យ និងធ្វើការណែនាំដល់ប្រជាពលរដ្ឋអំពីការប្រើប្រាស់ចិញ្ចើមផ្លូវផងដែរ។
«ការសិក្សាលើផ្លូវច្បាប់ ក៏កំពុងធ្វើឡើងដែរ ដើម្បីដាក់សម្ពាធទៅដល់ប្រជាពលរដ្ឋដែលនៅតែចចេស រំលោភលើចិញ្ចើមផ្លូវ ឬយកធ្វើអាជីវកម្ម»។ នេះជាការបន្ថែមរបស់អ្នកនាំពាក្យរូបនេះ មុននឹងលោកបន្តថា ច្បាប់នោះតម្រូវឲ្យពលរដ្ឋបង់ប្រាក់ចូលថវិការដ្ឋ ប្រសិនបើគាត់នៅតែបំពាន។
ជុំវិញរឿងបង់ប្រាក់ជាថ្នូនឹងការយកចិញ្ចើមផ្លូវធ្វើអាជីវកម្មនេះ កន្លងមកប្រជាពលរដ្ឋតែងតែអះអាងថា ពួកគាត់បានបង់ប្រាក់ជាប្រចាំថ្ងៃ និងប្រចាំខែ ទៅឲ្យអាជ្ញាធរ។ ទាក់ទងនឹងបញ្ហានេះ លោកឡុង ឌីម៉ង់ មិនបានអត្ថាធិប្បាយច្រើននោះទេ គ្រាន់តែនិយាយថា លុយទាំងនោះ មិនបានចូលទៅក្នុងថវិការដ្ឋនោះទេ៕
Tag:
ប៉ា សុជាតិវង្ស
ចិញ្ចើមផ្លូវ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
