ជាតិ
នយោបាយជាតិ
លោក ជា ចំរើន ថា ខ្លួនចេញពីបក្សព្រោះមិនអាចធ្វើគ ធ្វើថ្លង់បានទៀត
× នៅមុននេះបន្តិច លោក ជា ចំរើន បានថ្លែងនៅក្នុងសន្និសីទកាសែតថា មូលហេតុដែលលោកចាកចេញពីគណបក្សប្រជាជនកម្ពុជា ដោយសារលោកទ្រាំធ្វើជាមនុស្សគ ឬមនុស្សថ្លង់ទៀតលែងបាន។
លោក ជា ចំរើន ដែលពេលនេះ កំពុងនិយាយក្នុងសន្និសីទកាសែតនៅសណ្ឋាគារសានវ៉េ បានវាយប្រហារគណបក្សនយោបាយទាំងអស់ដោយមិនចំឈ្មោះថា គណបក្សប្រជាជនកម្ពុជានោះទេ។ លោកថា គណបក្សទាំងអស់នៅកម្ពុជា សុទ្ធតែបក្សពួកនិយម គ្រួសារនិយម ពុករលួយ និងកេងប្រវ័ញ្ចពលរដ្ឋ។
ជាមួយគ្នានេះលោក ជា ចំរើន បានស្បថចំពោះមុខអ្នកកាសែតថា មូលហេតុដែលលោក ចេញពីបក្សហើយបង្កើតបក្សថ្មីនេះ មិនមែនជាយុទ្ធសាស្រ្តរបស់គណបក្សប្រជាជនកម្ពុជានោះឡើយ។ លោកថា គណបក្សថ្មីរបស់លោក គ្មានគណបក្សប្រជាជនកម្ពុជានៅពីក្រោយឡើយ៕
© រក្សាសិទ្ធិដោយ thmeythmey.com