កីឡាជាតិ
ជាតិ
×![]()
កីឡាករជើងខ្លាំងរបស់កម្ពុជា និងជាម្ចាស់ខ្សែក្រវ៉ាត់ ៧ ស្ថាប័ន ឡុង សុភី និងត្រូវជួបប្រកួតជាមួយកីឡាករជើងខ្លាំងថៃ កាំឡៃ ភីត (KAMLAY PEATH) នៅរសៀលម៉ោង២ ថ្ងៃទី២៨ ខែធ្នូ លើសង្វៀនអាស៊ីអាគ្នេយ៏។ នៅក្នុងជំនួបនេះកីឡាករ ឡុង សុភី នឹងជួបការលំបាកខ្លាំងដោយកីឡាករ ថៃ រូបនេះជាកីឡាករជើងខ្លាំងមួយរួបដែលមិនស្គាល់ពាក្យថាចាញ់សម្រាប់ការបង្ហាញខ្លួន ៤ ដងនៅកម្ពុជា។ តើនៅថ្ងៃស្អែកនេះកីឡាករ កាំឡៃ ភីត អាចរក្សាកំណត់ត្រារបស់ខ្លួនបានឬយ៉ាងណា?
កីឡាករជើងខ្លាំងថៃ កាំឡៃ ភីត (KAMLAY PEATH) នឹងបង្ហាញវត្តមានរបស់ខ្លួនជាលើកទី ៥ នៅកម្ពុជា ដោយលើកនេះនឹងត្រូវជួបប្រកួតជាមួយកីឡាករជើងខ្លាំងរបស់កម្ពុជា ឡុង សុភី ជាកីឡាករដែលធ្លាប់យកឈ្នះ និងផ្តួលកីឡាករថៃ ឱ្យសន្លប់ជាច្រើនរូបមកហើយ។ គួរបញ្ជាក់ថា សម្រាប់ការបង្ហាញខ្លួនរបស់គេ ៤ លើកដំបូងគេធ្លាប់បានផ្តួល និងយកឈ្នះលើកីឡាករ កម្ពុជា ជាបន្តបន្ទាប់ដោយមិនធ្លាប់ស្គាល់ពាក្យថាចាញ់នោះឡើយ។
កីឡាករជើងខ្លាំងកម្ពុជាដែលតែងតែផ្តួលគូប្រកួតដោយប្រើជង្គង់ ឡុង សុភី នឹងត្រូវប្រកួតជាមួយអ្នកលេងឆ្លងដែន កាំឡៃ ភីត (KAMLAY PEATH) ដើម្បីសងសឹកជំនួសកីឡាកររួមជាតិ ដែលធ្លាប់ចាញ់កីឡាករថៃរូបនេះកន្លងមក។ នៅក្នុងជំនួបនេះប្រហែលជាមានការលំបាកសម្រាប់កីឡាករ ឡុង សុភី ដោយដៃគូរបស់គេជាកីឡាករជើងខ្លាំងមួយរូបរបស់ថៃ អ្វីដែលគួរឱ្យខ្លាចគេមិនដែលស្គាល់ពាក្យថាចាញ់សម្រាប់ការបង្ហាញវត្តមាន៤ដងនៅកម្ពុជា។ តើកីឡាករ ឡុង សុភី អាចសងសឹកជំនួសកីឡាកររួបជាតិបានឬយ៉ាងណា?
គួរបញ្ជាក់ផងដែរថា កីឡាករ កាំឡៃ ភីត (KAMLAY PEATH) ម្នាក់នេះ ធ្លាប់បានបំបាក់កីឡាករខ្មែរជាច្រើនរូបមកហើយ ដោយធ្លាប់ផ្តួល ឯម វុត្ថា ឱ្យសន្លប់ក្នុងទឹកទី១ មិនត្រឹមតែប៉ុណ្ណោះធ្លាប់ស្មើពិន្ទុ កែវ រំចង់ និងធ្លាប់យកឈ្នះលើ រឿង សោភ័ណ្ឌ , សរ រាជសីហ៍ និង ព្រំ សំណាង ទៀតផង៕
Tag:
កីឡាប្រដាល់
© រក្សាសិទ្ធិដោយ thmeythmey.com
