ពីនេះ ពីនោះ
មន្ត្រីមួយចំនួនកំពុង«បោកប្រាស់»រដ្ឋយ៉ាងសប្បាយ…
× មន្ត្រីមួយចំនួនបានបំពេញការងារជូនរដ្ឋបានយ៉ាងត្រឹមត្រូវ។ ប៉ុន្តែមន្ត្រីមួយចំនួនផ្សេងទៀត មានតែឈ្មោះបើកប្រាក់ខែ តែមិនសូវមកធ្វើការឡើយ។ មន្ត្រីប្រភេទទី២នេះ បាននិយាយប្រាប់គេ ប្រាប់ឯងថា ធ្វើការងាររដ្ឋស្រួលណាស់ ពីព្រោះ ធ្វើការលេងៗ ក៏បើកប្រាក់ខែបានដែរ ផ្ទុយពីការងារឯកជនដែលជាការងារហ្មត់ចត់ លំបាក និងត្រូវគោរពពេលវេលាត្រឹមត្រូវដាច់ខាត។
មន្ត្រី«ខ្ជីខ្ជា»របស់រដ្ឋដែលមិនសូវមកធ្វើការបាននិយាយថា ពួកគេមិនទៅធ្វើការងារឲ្យឯកជនទេ ពីព្រោះ វាលំបាកណាស់។ ការងាររដ្ឋស្រួល មិនលំបាក ចេញចូលកន្លែងបានគ្រប់ពេលវេលា។ តើមន្ត្រីប្រភេទនេះកំពុងបំផ្លាញថវិការបស់រដ្ឋមែនឬទេ? តើពួកគេកំពុង«បោកប្រាស់»រដ្ឋមែនឬទេ? បើមែន តើរដ្ឋាភិបាលគួរចាត់វិធានការយ៉ាងដូចម្តេចចំពោះមន្ត្រីទាំងនោះ?
© រក្សាសិទ្ធិដោយ thmeythmey.com