ប្រាក់ មុន្នីឧត្តម ចែករំលែកបទពិសោធន៍ដល់កីឡាករវ័យក្មេង

កីឡាជាតិ

ជាតិ

ប្រាក់ មុន្នីឧត្តម ចែករំលែកបទពិសោធន៍ដល់កីឡាករវ័យក្មេង

29, Nov 2015 , 4:59 pm

រូបភាព

ដោយ:

កីឡាករ ប្រាក់ មុន្នីឧត្តម ត្រូវបានក្រុមហ៊ុន TOYOYTA អញ្ជើញឱ្យចូលរួមចែករំលែកនូវបទពិសោធន៍ និងនិយាយលើកទឹកចិត្ត ដល់ក្រុមកីឡាករវ័យក្មេងដែលមកពីតាមបណ្តាសាលានានា នៅក្នុងកម្មវិធីប្រកួតពានរង្វាន់ Toyota Junior Cambodia Cup 2015 នៅព្រឹកថ្ងៃទី២៩ ខែវិច្ឆិកា។

នៅក្នុងការចែករំលែកបទពិសោធន៍ខ្លួននោះ កីឡាករប្រាក់ មុន្នីឧត្តម បានជំរុញលើកទឹកចិត្តដល់កីឡាករវ័យក្មេងដែលចូលរួមប្រកួតក្នុងកម្មវិធីនោះ ឱ្យពួកគេទាំងនោះយល់ដឹងពីគុណសម្បត្តិនៃវិស័យកីឡាមួយនេះ ជាពិសេសបណ្តុះគំនិតរបស់ពួកគេឱ្យចូលចិត្ត និងស្រលាញ់វិស័យបាល់ទាត់។

គួរបញ្ជាក់ថា នៅក្នុងកម្មវិធីប្រកួតពានរង្វាន់ Toyota Junior Cambodia Cup 2015 មានក្រុមបាល់ទាត់វ័យក្មេងចូលរួមប្រកួតចំនួន១២។ក្រុមទាំងនោះធ្វើការប្រកួតជម្រុះដើម្បីដណ្តើមយកចំណាត់ថ្នាក់លេខ១ លេខ២ និងលេខ៣ ដោយធ្វើការប្រកួតក្នុងមួយវគ្គ១០នាទី។

បន្ទាប់ពីធ្វើការប្រកួតអស់រយៈពេល ២ម៉ោង ក្រុមដែលទទួលបានជ័យលាភីលេខ១ ទទួលបានពានមួយ និងមេដាយមាស ខណៈចំណាត់ថ្នាក់លេខ២ មេដាយប្រាក់ និងលេខ៣ ទទួលបានមេដាយសំរឹទ្ធ។

សម្រាប់ការរៀបចំការប្រកួតនេះដែរ ធ្វើឡើងដើម្បីជាការបើកឆាក និងអបអរការប្រកួតពានរង្វាន់ Toyota Mekong Club Championship 2015 ដែលក្រុមបឹងកេតអង្គរ នឹងជួបប្រកួតជាមួយក្រុម YANGON UNITED នៅល្ងាចនេះ ហើយវាជាការប្រកួតមួយដើម្បីឱ្យកុមារៗចេះយោគយល់ សាមគ្គីគ្នា និងយល់ដឹងពីរបៀបនៃការប្រកួតផងដែរ។

Tag:

Toyota Junior Cambodia Cup 2015

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម