កីឡាជាតិ
ជាតិ
ចាន់ វឌ្ឍនាកា ជាកីឡាករឆ្នើមក្នុងក្រសែភ្នែកគ្រូបង្វឹកក្រុម YANGON UNITED
×![]()
បើទោះជាក្រុមបឹងកេតអង្គររបស់កម្ពុជា បានបំបាក់ក្រុម YANGON UNITED ជាមួយនឹងលទ្ធផល៣ទល់នឹង០ក៏ដោយ ប៉ុន្តែកីឡាករ ចាន់ វឌ្ឍនាកា មិនបានរួមចំណែកក្នុងការរកបានគ្រាប់បាល់ទាំង៣នេះឡើយ។ ទោះយ៉ាងនេះក្តី វឌ្ឍនាកា នៅតែជាកីឡាករឆ្នើមនៅក្នុងក្រសែភ្នែកគ្រូបង្វឹក YANGON UNITED។ នៅយប់ថ្ងៃទី២៩វិច្ឆិកា បឹងកេតអង្គរ និង YANGON UNITED បានជួបគ្នាលើទីលាននៃពហុកីឡដ្ឋានជាតិអូឡាំពិក នៅក្នុងក្របខណ្ឌនៃការជម្រុះជុំទី២នៃពានរង្វាន់ តូយូតាមេគង្គក្លិបឆ្នាំ២០១៥ ។
គ្រូបង្វឹករបស់ក្រុម YANGON UNITED លោក EMERSON ALCANTARA បានចាត់ទុកកីឡាករ ចាន់ វឌ្ឍនាកា ថាជាកីឡាករឆ្នើមប្រចាំក្រុមបឹងកេតអង្គរសម្រាប់ជំនួបជាមួយក្រុមរបស់លោក។ ការកត់សម្គាល់នេះត្រូវបានធ្វើឡើងនៅក្នុងសន្និសីទកាសែតមួយដែលត្រូវបានរៀបចំឡើងនៅក្រោយការប្រកួតបាល់ទាត់រវាងក្រុម YANGON UNITEDរបស់មីយ៉ាន់ម៉ា និងក្រុមបឹងកេតអង្គររបស់កម្ពុជា។ គ្រូបង្វឹករបស់ក្រុម YANGON UNITED នៅតែសរសើរ វឌ្ឍនាកា បើទោះជាកីឡាករនេះមិនបានរកគ្រាប់បាល់បានឲ្យក្រុមរបស់ខ្លួនក៏ដោយ។
«សម្រាប់កីឡាករឆ្នើមប្រចាំក្រុមបឹងកេតអង្គរ គឺកីឡាករពាក់អាវលេខ ១១ ចាន់ វឌ្ឍនាកា។ ខ្ញុំបានមើលឃើញគាត់តាំងពី៣ឆ្នាំមុនមកម្ល៉េះ។ គេជាកីឡាករវ័យក្មេងតែពោរពេញទៅដោយបទពិសោធន៍នៅក្នុងការប្រកួតលើឆាកអន្តរជាតិ»។ នេះជាការបញ្ជាក់របស់គ្រូបង្វឹក YANGON UNITED លោក EMERSON ALCANTARA។
លោក ប្រាក់ សុវណ្ណរ៉ា គ្រូបង្វឹកក្រុមបឹងកេតអង្គរបានគាំទ្រការយល់ឃើញរបស់គ្រូបង្វឹកក្រុម YANGON UNITED។ សម្រាប់គ្រូបង្វឹករបស់បឹងកេត បើទោះជាចាន់ វឌ្ឍនាកា មិនអាចរកគ្រាប់បាល់នៅក្នុងការប្រកួតលើកនេះ ដែលវាជាករណីដ៏កម្រក៏ពិតមែន តែវឌ្ឍនាកានៅតែជាកីឡាករឧបសគ្គរបស់គូរប្រកួតទាំងក្នុងក្របខណ្ឌជាតិ និងអន្តរជាតិ។
គួរបញ្ជាក់ថា នៅក្នុងចំណោមគ្រាប់បាល់ទាំង៣ដែលក្រុមបឹងកេតបានរកបានពីការប្រកួតនោះ កីឡាករ Esoh Omogba រកបាន២គ្រាប់ម្នាក់ឯងនៅនាទីទី៥២ និង៨៦ និងកីឡាករ Samuel រកបាន១គ្រាប់នៅនាទីទី៦៣៕
គ្រូបង្វឹករបស់ក្រុម YANGON UNITED លោក EMERSON ALCANTARA បានចាត់ទុកកីឡាករ ចាន់ វឌ្ឍនាកា ថាជាកីឡាករឆ្នើមប្រចាំក្រុមបឹងកេតអង្គរសម្រាប់ជំនួបជាមួយក្រុមរបស់លោក។ ការកត់សម្គាល់នេះត្រូវបានធ្វើឡើងនៅក្នុងសន្និសីទកាសែតមួយដែលត្រូវបានរៀបចំឡើងនៅក្រោយការប្រកួតបាល់ទាត់រវាងក្រុម YANGON UNITEDរបស់មីយ៉ាន់ម៉ា និងក្រុមបឹងកេតអង្គររបស់កម្ពុជា។ គ្រូបង្វឹករបស់ក្រុម YANGON UNITED នៅតែសរសើរ វឌ្ឍនាកា បើទោះជាកីឡាករនេះមិនបានរកគ្រាប់បាល់បានឲ្យក្រុមរបស់ខ្លួនក៏ដោយ។
«សម្រាប់កីឡាករឆ្នើមប្រចាំក្រុមបឹងកេតអង្គរ គឺកីឡាករពាក់អាវលេខ ១១ ចាន់ វឌ្ឍនាកា។ ខ្ញុំបានមើលឃើញគាត់តាំងពី៣ឆ្នាំមុនមកម្ល៉េះ។ គេជាកីឡាករវ័យក្មេងតែពោរពេញទៅដោយបទពិសោធន៍នៅក្នុងការប្រកួតលើឆាកអន្តរជាតិ»។ នេះជាការបញ្ជាក់របស់គ្រូបង្វឹក YANGON UNITED លោក EMERSON ALCANTARA។
លោក ប្រាក់ សុវណ្ណរ៉ា គ្រូបង្វឹកក្រុមបឹងកេតអង្គរបានគាំទ្រការយល់ឃើញរបស់គ្រូបង្វឹកក្រុម YANGON UNITED។ សម្រាប់គ្រូបង្វឹករបស់បឹងកេត បើទោះជាចាន់ វឌ្ឍនាកា មិនអាចរកគ្រាប់បាល់នៅក្នុងការប្រកួតលើកនេះ ដែលវាជាករណីដ៏កម្រក៏ពិតមែន តែវឌ្ឍនាកានៅតែជាកីឡាករឧបសគ្គរបស់គូរប្រកួតទាំងក្នុងក្របខណ្ឌជាតិ និងអន្តរជាតិ។
គួរបញ្ជាក់ថា នៅក្នុងចំណោមគ្រាប់បាល់ទាំង៣ដែលក្រុមបឹងកេតបានរកបានពីការប្រកួតនោះ កីឡាករ Esoh Omogba រកបាន២គ្រាប់ម្នាក់ឯងនៅនាទីទី៥២ និង៨៦ និងកីឡាករ Samuel រកបាន១គ្រាប់នៅនាទីទី៦៣៕
© រក្សាសិទ្ធិដោយ thmeythmey.com
