ជាតិ
សង្គមជាតិ
×![]()
ដោយ: ខន ចំប៉ា
កម្ពុជាបានទទួលជោគជ័យយ៉ាងធំធេង ក្នុងការប្រយុទ្ធប្រឆាំងការឆ្លងរាលដាលនៃជំងឺអេដស៍។ កម្ពុជាក៏រំពឹងខ្ពស់ដែរថា ខ្លួនពិតជាអាចសម្រេចបាននូវគោលដៅសូន្យបី (គ្មានការឆ្លងថ្មី គ្មានការរើសអើង និងគ្មានការស្លាប់ដោយជំងឺអេដស៍) ដែលកំណត់ដោយអង្គការសហប្រជាជាតិនៅឆ្នាំ២០២០ខាងមុខ។ តែយ៉ាងណាក៏ដោយ រាជរដ្ឋាភិបាលបានគូសបញ្ជាក់ថា ជោគជ័យនេះ នៅមានមានលក្ខណៈផុយស្រួយនៅឡើយ និងមិនមែនជារឿងងាយស្រួលនោះទេ។
ថ្ងៃទី១ខែធ្នូនេះ គឺជាទិវាពិភពលោកប្រយុទ្ធនឹងជំងឺអេដស៍។ នៅកម្ពុជា ទិវាពិភពលោកប្រយុទ្ធនឹងជំងឺអេដស៍ ត្រូវបានរៀបចំឡើងនៅសាលសន្និសីទចតុមុខរាជធានីភ្នំពេញ។ នៅក្នុងឱកាសនេះ រាជរដ្ឋាភិបាលបានបញ្ជាក់ថាកម្ពុជាបានទទួលជោគជ័យយ៉ាងធំធេង ក្នុងការប្រយុទ្ធប្រឆាំងការឆ្លងរាលដាលនៃជំងឺអេដស៍។
ក្នុងសុន្ទរកថាចំនួន៧ទំព័រ ដែលអានដោយលោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងជាតំណាងរបស់រាជរដ្ឋាភិបាលកម្ពុជា រាជរដ្ឋាភិបាលរំពឹងខ្ពស់ថា ខ្លួនពិតជាអាចសម្រេចបាននូវគោលដៅសូន្យបី (គ្មានការឆ្លងថ្មី គ្មានការរើសអើង និងគ្មានការស្លាប់ដោយជំងឺអេដស៍) ដែលកំណត់ដោយអង្គការសហប្រជាជាតិនៅឆ្នាំ២០២០ខាងមុខ។
តែយ៉ាងណាក៏ដោយ រាជរដ្ឋាភិបាលបានគូសបញ្ជាក់ថា ជោគជ័យនេះ នៅមានមានលក្ខណៈផុយស្រួយនៅឡើយ។ ការរាលដាលមេរោគអេដស៍នឹងអាចផ្ទុះឡើងវិញ ប្រសិនបើអ្នកពាក់ព័ន្ធភ្លេចខ្លួន ព្រមទាំងពិបាកនឹងគ្រប់គ្រងជាងពេលមុនៗ ជាពិសេសការផ្ទុះឡើងនៅក្នុងចំណោមមនុស្សប្រុសស្រឡាញ់ប្រុស ក្រុមអ្នកប្រើប្រាស់ និងចាក់គ្រឿងញៀន ក្រុមយុវវ័យ និងក្រុមចំណាកស្រុក។ល។
រាជរដ្ឋាភិបាលក៏បានទទួលស្គាល់ដែរថា ការឈានទៅសម្រេចបានគោលដៅបីសូន្យ នៅឆ្នាំ២០២០ មិនមែនជារឿងងាយស្រួលនោះទេ។ មានឧបគ្គមួយចំនួនដែលកំពុងរាំងស្ទះដល់ការងារនេះ ដូចជាការរើសអើង កត្តាធនធាន និងកត្តាបច្ចេកវិទ្យាជាដើម។ ដើម្បីជម្នះបញ្ហាប្រឈមទាំងនេះ ទាមទារនូវការដឹកនាំ ការគ្រប់គ្រង សម្របសម្រួល និងការចូលរួមប្រកបដោយការប្តេជ្ញាចិត្តយ៉ាងមោះមុតពីគ្រប់ភាគីពាក់ព័ន្ធ ដែលរួមមានរាជរដ្ឋាភិបាល ស្ថាប័នឯកជន សង្គមស៊ីវិល ដៃគូអភិវឌ្ឍន៍ បណ្តាញអ្នកផ្ទុកមេរោគអេដស៍ និងជំងឺអេដស័ ព្រមទាំងអ្នកប្រឈមខ្ពស់នឹងការឆ្លងមេរោគអេដស៍។
បើតាមរបាយការណ៍របស់អាជ្ញាធរជាតិប្រយុទ្ធនឹងជំងឺអេដស៍ ករណីឆ្លងមេរោគអេដស៍ថ្មីបានធ្លាក់ចុះពីចំនួន១,០៥៥នាក់ មកនៅត្រឹម៦៩៤នាក់ នៅចន្លោះឆ្នាំ២០១១ដល់ឆ្នាំ២០១៤ ខណៈអ្នកស្លាប់ដោយជំងឺអេដស៍បានថយចុះពី៣,០១០ មកនៅត្រឹម២,៧៨៣នាក់។ អត្រាប្រ៉េវាឡង់អ្នករស់នៅជាមួយមេរោគអេដស៍ ក្នុងចំណោមប្រជាពលរដ្ឋអាយុពី១៥ ទៅ៤៩ឆ្នាំ បានថយចុះប្រមាណពី០.៨១ភាគរយ មកនៅត្រឹម០.៧៦ភាគរយ។
ក្នុងឆ្នាំ២០១៤កន្លងទៅ មានមនុស្សចំនួន២,៧៨៣នាក់ បានស្លាប់ដោយជំងឺពាក់ព័ន្ធនឹងជំងឺអេដស៍ ករណីឆ្លងថ្មីចំនួន៦៩៤នាក់ អ្នករស់នៅជាមួយអ្នកផ្ទុកមេរោគអេដស៍ចំនួន៧២,៥៤៥នាក់ និងអ្នកដែលទទួលសេវាព្យាបាលមានចំនួន៥២,៩០៧នាក់។
សូមបញ្ជាក់ថា រាជរដ្ឋាភិបាលកម្ពុជាបានអនុម័តកញ្ចប់ថវិកាប្រមាណ៣,៧លានដុល្លារ សម្រាប់រយៈពេល៣ឆ្នាំ ពីឆ្នាំ២០១៥-២០១៧ ដើម្បីទិញឱសថប្រឆាំងមេរោគអេដស៍។ ឱសថទាំងនោះ នឹងត្រូវផ្តល់ទៅឲ្យក្រសួងសុខាភិបាល ដើម្បីជួយដល់អ្នកជំងឺអេដស៍នៅកម្ពុជា៕
ថ្ងៃទី១ខែធ្នូនេះ គឺជាទិវាពិភពលោកប្រយុទ្ធនឹងជំងឺអេដស៍។ នៅកម្ពុជា ទិវាពិភពលោកប្រយុទ្ធនឹងជំងឺអេដស៍ ត្រូវបានរៀបចំឡើងនៅសាលសន្និសីទចតុមុខរាជធានីភ្នំពេញ។ នៅក្នុងឱកាសនេះ រាជរដ្ឋាភិបាលបានបញ្ជាក់ថាកម្ពុជាបានទទួលជោគជ័យយ៉ាងធំធេង ក្នុងការប្រយុទ្ធប្រឆាំងការឆ្លងរាលដាលនៃជំងឺអេដស៍។ក្នុងសុន្ទរកថាចំនួន៧ទំព័រ ដែលអានដោយលោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងជាតំណាងរបស់រាជរដ្ឋាភិបាលកម្ពុជា រាជរដ្ឋាភិបាលរំពឹងខ្ពស់ថា ខ្លួនពិតជាអាចសម្រេចបាននូវគោលដៅសូន្យបី (គ្មានការឆ្លងថ្មី គ្មានការរើសអើង និងគ្មានការស្លាប់ដោយជំងឺអេដស៍) ដែលកំណត់ដោយអង្គការសហប្រជាជាតិនៅឆ្នាំ២០២០ខាងមុខ។
តែយ៉ាងណាក៏ដោយ រាជរដ្ឋាភិបាលបានគូសបញ្ជាក់ថា ជោគជ័យនេះ នៅមានមានលក្ខណៈផុយស្រួយនៅឡើយ។ ការរាលដាលមេរោគអេដស៍នឹងអាចផ្ទុះឡើងវិញ ប្រសិនបើអ្នកពាក់ព័ន្ធភ្លេចខ្លួន ព្រមទាំងពិបាកនឹងគ្រប់គ្រងជាងពេលមុនៗ ជាពិសេសការផ្ទុះឡើងនៅក្នុងចំណោមមនុស្សប្រុសស្រឡាញ់ប្រុស ក្រុមអ្នកប្រើប្រាស់ និងចាក់គ្រឿងញៀន ក្រុមយុវវ័យ និងក្រុមចំណាកស្រុក។ល។
រាជរដ្ឋាភិបាលក៏បានទទួលស្គាល់ដែរថា ការឈានទៅសម្រេចបានគោលដៅបីសូន្យ នៅឆ្នាំ២០២០ មិនមែនជារឿងងាយស្រួលនោះទេ។ មានឧបគ្គមួយចំនួនដែលកំពុងរាំងស្ទះដល់ការងារនេះ ដូចជាការរើសអើង កត្តាធនធាន និងកត្តាបច្ចេកវិទ្យាជាដើម។ ដើម្បីជម្នះបញ្ហាប្រឈមទាំងនេះ ទាមទារនូវការដឹកនាំ ការគ្រប់គ្រង សម្របសម្រួល និងការចូលរួមប្រកបដោយការប្តេជ្ញាចិត្តយ៉ាងមោះមុតពីគ្រប់ភាគីពាក់ព័ន្ធ ដែលរួមមានរាជរដ្ឋាភិបាល ស្ថាប័នឯកជន សង្គមស៊ីវិល ដៃគូអភិវឌ្ឍន៍ បណ្តាញអ្នកផ្ទុកមេរោគអេដស៍ និងជំងឺអេដស័ ព្រមទាំងអ្នកប្រឈមខ្ពស់នឹងការឆ្លងមេរោគអេដស៍។
បើតាមរបាយការណ៍របស់អាជ្ញាធរជាតិប្រយុទ្ធនឹងជំងឺអេដស៍ ករណីឆ្លងមេរោគអេដស៍ថ្មីបានធ្លាក់ចុះពីចំនួន១,០៥៥នាក់ មកនៅត្រឹម៦៩៤នាក់ នៅចន្លោះឆ្នាំ២០១១ដល់ឆ្នាំ២០១៤ ខណៈអ្នកស្លាប់ដោយជំងឺអេដស៍បានថយចុះពី៣,០១០ មកនៅត្រឹម២,៧៨៣នាក់។ អត្រាប្រ៉េវាឡង់អ្នករស់នៅជាមួយមេរោគអេដស៍ ក្នុងចំណោមប្រជាពលរដ្ឋអាយុពី១៥ ទៅ៤៩ឆ្នាំ បានថយចុះប្រមាណពី០.៨១ភាគរយ មកនៅត្រឹម០.៧៦ភាគរយ។
ក្នុងឆ្នាំ២០១៤កន្លងទៅ មានមនុស្សចំនួន២,៧៨៣នាក់ បានស្លាប់ដោយជំងឺពាក់ព័ន្ធនឹងជំងឺអេដស៍ ករណីឆ្លងថ្មីចំនួន៦៩៤នាក់ អ្នករស់នៅជាមួយអ្នកផ្ទុកមេរោគអេដស៍ចំនួន៧២,៥៤៥នាក់ និងអ្នកដែលទទួលសេវាព្យាបាលមានចំនួន៥២,៩០៧នាក់។
សូមបញ្ជាក់ថា រាជរដ្ឋាភិបាលកម្ពុជាបានអនុម័តកញ្ចប់ថវិកាប្រមាណ៣,៧លានដុល្លារ សម្រាប់រយៈពេល៣ឆ្នាំ ពីឆ្នាំ២០១៥-២០១៧ ដើម្បីទិញឱសថប្រឆាំងមេរោគអេដស៍។ ឱសថទាំងនោះ នឹងត្រូវផ្តល់ទៅឲ្យក្រសួងសុខាភិបាល ដើម្បីជួយដល់អ្នកជំងឺអេដស៍នៅកម្ពុជា៕
Tag:
មេរោគអដស៍
© រក្សាសិទ្ធិដោយ thmeythmey.com
