ជាតិ
សង្គមជាតិ
×![]()
សៀមរាប៖ អាជ្ញាធរជាតិអប្សរា ដែលជាអ្នកគ្រប់គ្រង និងអភិរក្សរមណីយដ្ឋានអង្គរ បានប្រកាសថា ខ្លួននឹងចាប់ផ្តើមរឹតបន្តឹងការថតរូបធ្វើអាជីវកម្ម ដោយគ្មានការអនុញ្ញាតជាមុន។ ការប្រកាសនេះ ក្រោយពេលមានការលេចរូបភាពអាក្រាតជាច្រើនផ្ទាំងក្នុងតំបន់អង្គរ ដែលធ្វើឲ្យមហាជនច្រើន ស្តីបន្ទោសអាជ្ញាធរជាតិអប្សរា ថាជាអ្នកអនុញ្ញាតឲ្យក្រុមហ៊ុន ឫអ្នកថតរូបទាំងនោះចូលថតក្នុងតំបន់ខ្លួន ដែលធ្វើឲ្យប៉ះពាល់ដល់វប្បធម៌ជាតិ។
ប្រធាននាយកដ្ឋានផ្សព្វផ្សាយនៃអាជ្ញាធរជាតិអប្សរា លោក ឡុង កុសល បានឲ្យដឹងថា នាយកដ្ឋានរបស់លោក នឹងចេញប័ណ្ណអនុញ្ញាតដល់អ្នកកាសែតណា ដែលចង់ចូលថតរូបក្នុងតំបន់អង្គរ ដើម្បីជៀសវាងការហាមឃាត់របស់បុគ្គលិកអាជ្ញាធរជាតិអប្សរា។ ការលើកឡើងរបស់លោក កុសល ធ្វើឡើងក្នុងជំនួបក្រៅផ្លូវការ ជាមួយក្រុមអ្នកកាសែតក្នុងខេត្តសៀមរាបនៅព្រឹកថ្ងៃទី៣០ វិច្ឆិកា។
«ការចេញប័ណ្ណនេះ ដើម្បីតាមដានអ្នកថតរូប និងក្រុមហ៊ុនខ្លះ ដែលមានបំណងយកអង្គរវត្តធ្វើជាអាជីវកម្ម ដូចជាក្រុមហ៊ុនផ្សាយពាណិជ្ជកម្មរថយន្តជាដើម»។ នេះជាការបញ្ជាក់បន្ថែមរបស់លោក កុសល។ លោកបន្តថា ការរឹតបន្តឹងនេះ គឺសម្រាប់តែអ្នកថតរូបដែលប្រើម៉ាស៊ីធុនធំ និងថតវីឌីអូតែប៉ុណ្ណោះ។ ដោយឡែកសម្រាប់ភ្ញៀវទេសចរ ពួកគេនៅតែអាចប្រើប្រាស់ម៉ាស៊ីនថតរូប ដើម្បីថតទុកជាអនុស្សាវរីយ៍បានដូចដើម។
ការប្រកាសពីប័ណ្ណអនុញ្ញាតនេះ មិនមែនសម្រាប់តែអ្នកកាសែតក្នុងខេត្តសៀមរាបនោះទេ តែអ្នកកាសែតនៅតំបន់ផ្សេង ដែលមានបំណងចង់ចូលថតរូប និងផលិតវីឌីអូផ្សេងៗ ក្នុងតំបន់អង្គរ។ ពួកគេអាចប្រាប់ពីរយៈពេល ដែលចង់ចូលថត មានរយៈពេលមួយថ្ងៃ ឫបីថ្ងៃ ឫលើសពីនេះ ដើម្បីងាយស្រួលឲ្យអាជ្ញាធរអប្សរា ចេញប័ណ្ណតាមថ្ងៃដែលចុះថត។ លោក ឡុង កុសល បញ្ជាក់បន្ថែម៖« យើងដឹងហើយថា រមណីយដ្ឋានអង្គរមានទំហំ ៤០១គីឡូម៉ែត្រក្រឡា មាននៅអង្គរវត្ត បាយ័ន ព្រះខ័ន្ត តាព្រហ្ម នាគព័ន្ធ បន្ទាយស្រី។ល។ ដូច្នេះ ឲ្យតែក្នុងរង្វង់រមណីយដ្ឋានអង្គរ គឺត្រូវស្នើសុំប័ណ្ណនេះជាដាច់ខាត។ សម្រាប់ការថតរូបជាអនុស្សាវរីយ៍ យើងមិនហាមទេ ប៉ុន្តែរាល់ការយកអង្គរវត្តទៅផ្សព្វផ្សាយដើម្បីធ្វើអាជីវកម្ម គឺត្រូវស្នើសុំអាជ្ញាធរអប្សរាសិន»។
គួរបញ្ជាក់ថា ការប្រកាសរឹតបន្តឹងការថតរូប ក្នុងបំណងដើម្បីផ្សព្វផ្សាយធ្វើអាជីវកម្មនេះ គឺបានអនុវត្តន៍រយៈពេលយូរមកហើយនៅតំបន់អង្គរ។ តាមអាជ្ញាធរជាតិអប្សរា នេះគ្រាន់ជាការរម្លឹកឡើងវិញ ដើម្បីកុំឲ្យមានអ្នកខ្លះ បំពាននឹងបម្រាបនេះតែប៉ុណ្ណោះ៕
ប្រធាននាយកដ្ឋានផ្សព្វផ្សាយនៃអាជ្ញាធរជាតិអប្សរា លោក ឡុង កុសល បានឲ្យដឹងថា នាយកដ្ឋានរបស់លោក នឹងចេញប័ណ្ណអនុញ្ញាតដល់អ្នកកាសែតណា ដែលចង់ចូលថតរូបក្នុងតំបន់អង្គរ ដើម្បីជៀសវាងការហាមឃាត់របស់បុគ្គលិកអាជ្ញាធរជាតិអប្សរា។ ការលើកឡើងរបស់លោក កុសល ធ្វើឡើងក្នុងជំនួបក្រៅផ្លូវការ ជាមួយក្រុមអ្នកកាសែតក្នុងខេត្តសៀមរាបនៅព្រឹកថ្ងៃទី៣០ វិច្ឆិកា។
«ការចេញប័ណ្ណនេះ ដើម្បីតាមដានអ្នកថតរូប និងក្រុមហ៊ុនខ្លះ ដែលមានបំណងយកអង្គរវត្តធ្វើជាអាជីវកម្ម ដូចជាក្រុមហ៊ុនផ្សាយពាណិជ្ជកម្មរថយន្តជាដើម»។ នេះជាការបញ្ជាក់បន្ថែមរបស់លោក កុសល។ លោកបន្តថា ការរឹតបន្តឹងនេះ គឺសម្រាប់តែអ្នកថតរូបដែលប្រើម៉ាស៊ីធុនធំ និងថតវីឌីអូតែប៉ុណ្ណោះ។ ដោយឡែកសម្រាប់ភ្ញៀវទេសចរ ពួកគេនៅតែអាចប្រើប្រាស់ម៉ាស៊ីនថតរូប ដើម្បីថតទុកជាអនុស្សាវរីយ៍បានដូចដើម។
ការប្រកាសពីប័ណ្ណអនុញ្ញាតនេះ មិនមែនសម្រាប់តែអ្នកកាសែតក្នុងខេត្តសៀមរាបនោះទេ តែអ្នកកាសែតនៅតំបន់ផ្សេង ដែលមានបំណងចង់ចូលថតរូប និងផលិតវីឌីអូផ្សេងៗ ក្នុងតំបន់អង្គរ។ ពួកគេអាចប្រាប់ពីរយៈពេល ដែលចង់ចូលថត មានរយៈពេលមួយថ្ងៃ ឫបីថ្ងៃ ឫលើសពីនេះ ដើម្បីងាយស្រួលឲ្យអាជ្ញាធរអប្សរា ចេញប័ណ្ណតាមថ្ងៃដែលចុះថត។ លោក ឡុង កុសល បញ្ជាក់បន្ថែម៖« យើងដឹងហើយថា រមណីយដ្ឋានអង្គរមានទំហំ ៤០១គីឡូម៉ែត្រក្រឡា មាននៅអង្គរវត្ត បាយ័ន ព្រះខ័ន្ត តាព្រហ្ម នាគព័ន្ធ បន្ទាយស្រី។ល។ ដូច្នេះ ឲ្យតែក្នុងរង្វង់រមណីយដ្ឋានអង្គរ គឺត្រូវស្នើសុំប័ណ្ណនេះជាដាច់ខាត។ សម្រាប់ការថតរូបជាអនុស្សាវរីយ៍ យើងមិនហាមទេ ប៉ុន្តែរាល់ការយកអង្គរវត្តទៅផ្សព្វផ្សាយដើម្បីធ្វើអាជីវកម្ម គឺត្រូវស្នើសុំអាជ្ញាធរអប្សរាសិន»។
គួរបញ្ជាក់ថា ការប្រកាសរឹតបន្តឹងការថតរូប ក្នុងបំណងដើម្បីផ្សព្វផ្សាយធ្វើអាជីវកម្មនេះ គឺបានអនុវត្តន៍រយៈពេលយូរមកហើយនៅតំបន់អង្គរ។ តាមអាជ្ញាធរជាតិអប្សរា នេះគ្រាន់ជាការរម្លឹកឡើងវិញ ដើម្បីកុំឲ្យមានអ្នកខ្លះ បំពាននឹងបម្រាបនេះតែប៉ុណ្ណោះ៕
Tag:
អង្គរ
© រក្សាសិទ្ធិដោយ thmeythmey.com
